რუსეთსა და გერმანიაზე წინ - საქართველო ფიბას რეიტინგში მეთერთმეტეა

AutoSharing Option
ევრობასკეტ 2017-ის დაწყებამდე თვეზე ნაკლები რჩება. ფიბამ თავის საიტზე გამოაქვეყნა მონაწილე ქვეყნების სავარაუდო სიძლიერის რეიტინგები (power rankings) დღევანდელი დღის მონაცემებით.

რა თქმა უნდა, ეს რეიტინგი მთლიანად სუბიექტურ მოსაზრებაზეა აგებული და არაფერი კავშირი აქვს ობიექტურ რეიტინგებთან, თუმცა მაინც საინტერესოა, როგორ აფასებენ საქართველოს ნაკრების ძალას.

24 მონაწილეს შორის საქართველო მე-11 ადგილზეა, რაც წინა ასეთივე შეფასებასთან შედარებით წინსვლაა.

"ვიცით, რომ ეს იყო მხოლოდ სავარჯიშო მატჩი, თანაც რუსეთის საუნივერსიტეტო გუნდთან, მაგრამ საქართველო თავიდანვე შთამბეჭდავად იწყებს. ამ თამაშში თორნიკე შენგელიამ გუნდს 24 ქულა, ხოლო გიორგი
შერმადინმა 18 ქულა მოუტანეს. შერმადინის ანგარიშზე 11 მოხსნაცაა სლოვენიურ მატჩში", - წერს საიტი.

მოწინავე ათეული ასე გამოიყურება: 1. ესპანეთი, 2. სერბეთი, 3. საბერძნეთი, 4. ლიტვა, 5. საფრანგეთი, 6. თურქეთი, 7. ხორვატია, 8. სლოვენია, 9. იტალია, 10. ლატვია.

საქართველო ფიბას სიძლიერის რეიტინგში უსწრებს ისეთ ქვეყნებს, როგორებიც ჩერნოგორია, ისრაელი, გერმანია და რუსეთია.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 2 /
იტალია უფრო წინ უნდა იყოს და ლატვიაშ სადაც შევხვდით ყველგან დავამარცხეთ.
GIORGI
11:56 02-08-2017
0
ისეც ჩერნოგორია, ჯობია შავტუხა მთა დაარქვით
mindia
10:49 02-08-2017
0

ასევე დაგაინტერესებთ
სიახლეები პოპულარული