საქართველოს კალათბურთელთა ნაკრებმა ჩეხეთი დაამარცხა [VIDEO]

AutoSharing Option
PLAYER_GET_VIDEOFLASH
11 აგვისტოს, საქართველოს კალათბურთელთა ეროვნულმა ნაკრებმა, რომელიც ევროპის ჩემპიონატისთვის ემზადება, თბილისის მერიის თასზე პირველი შეხვედრა გამართა ჩეხეთის ნაკრებთან და ანგარიშით 87:76 გაიმარჯვა.

თბილისის სპორტის სასახლეში შეხვედრა თანაბარ ბრძოლაში წარიმართა და საწყისი ათწუთეული ფრედ 20:20 დასრულდა, მეორე მეოთხედში კი ქართველი კალათბურთელების მცირე უპირატესობა გამოიკვეთა და ტაიმი მასპინძლებმა 7-ქულიანი უპირატესობით, 45:38 მოიგეს. საქართველოს ნაკრებმა ტემპი არც შესვენების შემდეგ დააგდო და საბოლოოდ 11-ქულიანი უპირატესობით გაიმარჯვა.

ამ მატჩში ყველაზე მეტი - 22 ქულა თორნიკე შენგელიამ მიითვალა, რომლის ანგარიშზე 7 მოხსნა და 4 პასიცაა. ორმაგი დუბლი გაიფორმა
ზაზა ფაჩულიამ
(14 ქულა, 11 მოხსნა, 8 პასი). 14-14 ქულა ჩააგდეს გიორგი შერმადინმა და გიორგი ცინცაძემაც. 11 ქულა - მაიკლ დიქსონმა, დუდა სანაძემ - 9.

საქართველოს და ჩეხეთის ნაკრებები კიდევ ერთხელ 13 აგვისტოს, კვლავაც სპორტის სასახლეში ითამაშებენ და თბილისის თასის გამარჯვებულის ვინაობაც ორი მატჩის ჯამში გამოვლინდება.

ევროპის ჩემპიონატის დაწყებამდე ილიას ზუროსის გუნდის გეგმაში ასევე "აკროპოლისის თასზე" გამოსვლაა, სადაც მეტოქეებად ტურნირის მასპინძელი საბერძნეთის, ასევე იტალიისა და სერბეთის ნაკრებები ეყოლება.

მატჩის შემდეგ
- ილიას ზუროსი: ჩვენი მთავარი მიზანი დაცვის გაძლიერებაა
- ზაზა ფაჩულია: მოედანზე უფრო მეტი კომუნიკაციაა საჭირო
- გიორგი შერმადინი: მე, თორნიკე და ზაზა მოედანზე ერთად... ამაზეც ვმუშაობთ
- მანუჩარ მარკოიშვილი: ამ შეცდომებს აუცილებლად გამოვასწორებთ
ძალიან კარგი თამაში იყო,ვულოცავ ბიჭებს გამარჯვებას,მოკლე სათადარიგოთა სკამი მეც მაფიქრებს,მაგრამ ეხლა აქვთ შანსი დანარჩენებს რომ გამოიჩინონ თავი,ლონდარიძე კარგი ბიჭია ბოისას დაცვაში კარგად თამაში შეუძლია სანაძე თუ წაუვიდა სროლები ეს ბიჭიც ძალიან ძლიერია,ბითაძეც კარგი იყო,მოკლედ უნდა დავიჯეროთ რომ ყველა მეტოქესთან შეგვიძლია მოგება!!! უბრალოდ ენერგია უნდა ფადავანაწილოთ თამაშებზე! წარმატებები ჩვენ ბიჭებს! მჯერა თქვენი რომ გაახარებთ საქართველოს!
დათო86
11:40 12-08-2017
0
ბიჭებმა კარგად ითამაშეს და ვულოცავ,მაგრამ 7 კაცი ევროპის ჩემპიონატს არ ეყოფა.ვიქტორი და ბექა რომ გვყოლოდა,ნებისმიერთან ნებისმიერ თამაშში კარგი შანსი გვექნებოდა,ასე კი ყველა თამაშს ვერ გაქაჩავ,პრიორიტეტული თამაში უნდა აირჩიო და იქ დაიხარჯო ბოლომდე,ჯგუფურს ვგულისხმობ რა თქმა უნდა.
სოსო
09:06 12-08-2017
0
ყოჩაღ ჩვენს ბიჭებს კარგები არიან უფრო მეტი სიზუსტე სამქულიანებში და ნებისმიერი გუნდის დამარცხება შეიძლება

nykri
22:46 11-08-2017
1
ყოჩაღ ბიჭებო! ცოტა მეტი სამქულიანი და გრანდებიც შეგვეძლება გაღიმებულები დავტოვოთ :)
B-52
22:04 11-08-2017
0
კარგია განწყობისათვის ეს გამარჯვებები.
დარწმუნებულივარ მეორე თამაშსაც მოუგებენ ჩეხებს.
აი აკროპოლისის ტურნირი კი ნამდვილად მისწრებაა და მაგარი გამოცდილებაც.
სამივე მეტოქე ძლიერი გუნდია.
მათთან თამაში კარგი და სასარგებლოა ისე როგორც წინა თამაშები.
წარმატებები საქართველოს ნაკრებს.
ბათუმელი
20:47 11-08-2017
0
სიახლეები პოპულარული