ევროთასის ჯგუფური ეტაპის უკანასკნელ, მე-10 ტურში მანუჩარ მარკოიშვილის "რეჯიო ემილიამ" სახლში პირველი ტაიმი 10 ქულით წააგო აქამდე დაუმარცხებელ მიუნხენის "ბაიერნთან" (ბავარიულ გუნდთან პირველ წრეში 58:83 განადგურდა), მაგრამ შემდეგ თამაშის შემოტრიალება მოახერხა, 90:82 გაიმარჯვა, 5 მოგებით და ბურთების უკეთესი შეფარდებით მე-3 ადგილზე და შემდეგ ეტაპზე გავიდა.
მანუჩარმა 27:42 წუთში 8 ქულა ჩააგდო (4-დან 2 ორქულიანი, 7-დან 1 სამქულიანი და 1-დან 1 საჯარიმო). მან 2-ჯერ მოხსნა და ერთხელ ჩაჭრა ბურთი, 3 შედეგიანი გადაცემა გააკეთა და 3 პერსონალური მიიღო.
მატჩის ყველაზე შედეგიანი კალათბურთელი 24 ქულით მარკოიშვილის თანაგუნდელი ამადეო დელა ვალე გახდა, რომელმაც 9 ქულა ბოლო 5 წუთში ჩააგდო, ხოლო სტუმართა გუნდიდან ყველაზე შედეგიანი ბრეიდონ ჰობსი იყო (15).
შემდეგ ეტაპზე "რეჯიო ემილია" H ჯგუფში მოხვდა, სადაც მისი მეტოქეები "ასველი", "უნიკსი" და "ლიმოჟი" იქნებიან. მატჩები 3 იანვრიდან 7 თებერვლამდე ჩატარდება.
02:44 28-12-2017
მარკოიშვილის "რეჯიო ემილიამ" "ბაიერნი" დაამარცხა და ევროთასის შემდეგ ეტაპზე გავიდა [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
ყოჩაღ მანო,გილოცავ!
2
0
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
სიახლეები
პოპულარული
