მშვილდოსანმა იულია ლობჟანიძემ დასანანად წააგო პლეი ოფის 1/32-ფინალური შეხვედრა მექსიკელ ალეხანდრა ვალენსიასთან - ორი სეტის შემდეგ 4:0 დაწინაურდა, მაგრამ ამის შემდეგ სამი სეტი დათმო და საბოლოოდ 4:6 დამარცხდა.ჩვენმა ჩუბინმა თავიდან 28:25 და 28:27 იმარჯვა. ამ 3-3 ისრიდან თითო ათიანში მოარტყა, 2-2 კი - 9-იანებში. მომდევნო სეტებიდან ნებისმიერი ერთი ფრედაც რომ დამთავრებულიყო, საბოლოო წარმატება ლობჟანიძეს დარჩებოდა. შანსიც ნამდვილად იყო, რადგან მესამე და მეოთხე სეტები მხოლოდ თითო ქულით დათმო - 26:27; 27:28, მეხუთე კი 27:29 წააგო.
მექსიკელმა ბოლოს გაისწორა სამიზნე და
დღესვე, შუაღამისას პლეი ოფის პირველ შეხვედრას ჩაატარებს მსოფლიოს ვიცე-ჩემპიონი ქრისტინე ესებუა, ვინც ინდოელ დეეპიკა კუმარის შეხვდება.
