<p>ვოვა ვაშაძე "შევარდენის" 19-წლამდელთა გუნდის მწვრთნელია. "იუნკერების" ამ ასაკის გუნდს წელს საკმაოდ კარგი სეზონი აქვს. ისინი თავის ზონაში პირველ ადგილზე არიან.</p><p>"შევარდენის" 19-წლამდელთა გუნდი "დინამო თბილისსა" და "საბურთალოსაც" უსწრებს.</p><p>ვაშაძე 2005 წლიდან მოყოლებული ბავშვთა ფეხბურთში მოღვაწეობს და იქ არსებულ პრობლემებში ჩახედულია.</p><p>Sportall.ge მას დაუკავშირდა და საინტერესო თემებზე ესაუბრა.</p><p><strong>- "შევარდენს" მიმდინარე სეზონში კარგი შედეგი აქვს... ეს რისი დამსახურებაა?</strong></p><p>- ფეხბურთელების, კარგი სელექციისა და გუნდის ხელმძღვანელობის დამსახურებაა. უკეთესი სელექციაც შეიძლებოდა, მაგრამ შედეგებიდან გამომდინარე კარგად ვმუშაობთ.</p><p>საწვრთნელი პროცესიც ნორმალურად მიმდინარეობს და ალბათ ამ ყველაფერმა მოიტანა შედეგი.</p><p><strong>- თქვენ "დინამო თბილისის" ახალგაზრდულ გუნდს მოუგეთ, რომელიც ამ ასაკში საკმაოდ ძლიერია...</strong></p><p>- გვქონდა კარგი მომზადების საშუალება. "დინამოსთან" პირველი თამაში წავაგეთ და გავაკეთეთ ანალიზი. ჩვენი გუნდი პრაქტიკულად ახალი შექმნილია და თავიდან დრო შეთამაშებისთვის და დალაგებისთვის დაგვჭირდა.</p><p>შეცდომების გამოსწორებით, სწორი ანალიზით, შევძელით, რომ "დინამო" დაგვემარცხებინა. საერთო ჯამში უკეთესად ვითამაშეთ და გამარჯვებას ვიმსახურებდით.</p><p><strong>- "შევარდენის" ხელმძღვანელობაზე რას გვეტყოდით...</strong></p><p>- სულ გვაქცევენ ყურადღებას. მოდიან ვარჯიშებზე, თამაშებზე... ინვერტარზე პრობლემა არ გვაქვს და სავარჯიშო პროცესში ხელი არ შემშლია.</p><p>ერთად ვართ ფაქტიურად და პირველი გუნდის თამაშზეც ერთად დავდივართ. ისეთი სისტემა გვაქვს ჩვენ შექმნილი, რომ უნდა მოხდეს პირველი გუნდის გაახალგაზრდავებმა და შემდეგში ამ ბიჭებმა გადაინაცვლონ პირველ გუნდში.</p><p>სწორედ ეს გზა გვაქვს არჩეული, რომ ამ ბიჭებმა მაქსიმალურად მოუმატონ და კარგი თამაში ანახონ.</p><p><strong>- ასაკობრივ ნაკრებებში "შევარდენიდან" რამდენ ფეხბურთელს იძახებენ?</strong></p><p>- ბოლო გამოძახებაზე ერთი ფეხბურთელი გამოიძახეს, წინაზე 4. ფეხბურთელები ყურადღების ქვეშ არიან და მე ნაკრების მწვრთნელებთან კომუნიკაცია მაქვს.</p><p><strong>- თქვენ როგორც ვიცით "ლოკომოტივში" მუშაობდით და 17-წლამდელთა ლიგაში ჩემპიონები გახდით...</strong></p><p>- 2005 წელს 35-ე საფეხბურთო სკოლაში დავიწყო მწვრთნელობა. შემდეგ გადავედი "ლოკომოტივში", სადაც 35-ე სკოლიდან 9 ფეხბურთელი გადავიყვანეთ.</p><p>ამ ფეხბურთელებითა და იქაური საკმაოდ კარგი კონტიგენტით შევძელით 17-წლამდელთა ლიგის მოგება.</p><p>შემდეგ რეგიონალიგაში გადამიყვანეს, ანუ ლოკომოტივის მე-2 გუნდში. ჩემი ხელმძღვანელობით გუნდი მე-2 ადგილზე გავიდა და პლეი-ოფი ითამაშა, სადაც დუშეთის "არაგვთან" პენალტებში დავმარცხდით.</p><p>კლუბის ხელმძღვანელობის გადაწყვეტილებით, შემდეგ წამოვედი და ახლა "შევარდენში" ვმუშაობ.</p><p><strong>- ჭაბუკთა ფეხბურთში არსებულ პრობლემებზე, რომ გვითხრათ... რა არის შესაცვლელი და რა პრობლემებს ვხვდებით აქ ძირითადად?</strong></p><p>- პირველ რიგში ვიტყოდი, რომ მასობრიობა არ არის. ძალიან ცოტა ფეხბურთელია იმასთან შედარებით, ვიდრე 10-15 წლის წინ იყო.</p><p>ასევე ფასიანია ფეხბურთი და ბევრი ვერ ახერხებს სიარულს. არ არის ინფრასტრუქტურა, სავარჯიშო პირობები, რომელიც გავლენას ახდენს.</p><p>მასობრიობიდან გამომდინარე ისეთი ნიჭიერი თაობა აღარ მოდის, როგორც ადრე იყო.</p><p>ზუსტად არ ვიცი, მაგრამ სულ 10 000 ბავშვი ფეხბურთელია მგონი რეგისტრირებული, როცა ადრე 27 000-იც ყოფილა.</p><p>ყველამ კარგად ვიცით, რომ აღარც ქუჩის ფეხბურთია და ბავშვი ეზოში არ ჩადის ბურთის სათამაშოდ.</p><p>მენტალიტეტზეც ვიტყოდი... ნაკლებად მოდიან ისეთი ბავშვები, რომლებიც სულით და გულით სპორტსმენები არიან.</p><p><br></p>
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
Opta-ს რეიტინგით მუნდიალზე ფავორიტი შეიცვალა
"რეალმა" "დორტმუნდს" სძლია და ნახევარფინალში პსჟ-ს შეხვდება
"აიაქსს" ახალი ფორვარდი ეყოლება - კლუბმა გლუხთან შეთანხმებას თითქმის მიაღწია
მადრიდის "რეალს" ახალი კაპიტანი ჰყავს
სამი წამსვლელი და ყველა ისევ იტალიაში - "ნაპოლიში" წმენდა დაიწყო
ჰამანმა "ბაიერნს" დონარუმას უფასოდ ხელში ჩაგდება ურჩია
პსჟ-მ პერსპექტიული ნახევარმცველი იჯარით პორტუგალიაში გაუშვა
ზელანდიელების მესამე გამარჯვება და ლომების ლომური მატჩი - ივლისის ცენტრალური ტესტ-მატჩები
ისაკი გამოირიცხა - "ლივერპულმა" ეკიტიკესთან პირადი კონტრაქტი შეათანხმა
დიდი ხნის განმავლობაში "დორტმუნდში" გადასვლის წინააღმდეგი ვიყავი" - ჯობ ბელინგემი
კლუბები შეთანხმდნენ - "იუნაიტედი" "ბრენტფორდის" შემტევს 70 მილიონ ევროდ იმატებს
"ის მათსავით კარგია" - მარსელომ პსჟ-ს შემტევებზე ისაუბრა
ტენ ჰაგის დაუვიწყარი დებიუტი - "ლევერკუზენი" "ფლამენგოს" 20-წლამდე გუნდთან 1:5 განადგურდა
"არავითარი რაშფორდი, "ნაპოლიმ" "კვარას" შემცვლელად ეს შემტევი უნდა დაიმატოს" - კასანოს რჩევა "პარტენოპეის"
დღეს ლაშა გურული კრივში მეორე პროფესიონალურ ბრძოლას გამართავს
[PHOTO] ოსიმენს ნეაპოლში უკადრებელი აკადრეს და "გალათასარაი" გამოისყიდის
საქართველოს U18 ნაკრებმა A დივიზიონის წევრი გერმანია ლატვიაში დაამარცხა
პსჟ-ს თავდამსხმელის გაყიდვა სურს და შეთავაზებებს ელის
20 წ. | ცვლილებები რაზმში
პსჟ-ს ახალი იტალიელი მეკარე ჰყავს
"ნაპოლიმ" "ახალი კრაუჩი" დაიმატა
ლუის ენრიკემ სამი ფეხბურთელი დუბლებში გაამწესა
ვინ მოვა "დინამოში" და წავა გუნდიდან - გიორგი ნემსაძემ სატრანსფერო გეგმებზე ისაუბრა
ეროვნული ლიგა განახლდა: ერთი გოლის ფასი
ეროვნული ლიგა 2. IX ტური: "კოლხეთს" სოსო ფილიაც ვერ შველის
"დინამო" (თბ) - "სოჭი" [LIVE)
გიორგი ჭიაბრიშვილი თბილისის "დინამოს" მწვრთნელია
"უოტფორდში" ჩისკოს ერთ-ერთი დიდი გულშემატკივარი პორნოვარსკვლავი მია ხალიფა იქნება
''დიდი ფული შემომთავაზეს და მითხრეს, ''შევარდენში'' თამაშობდი, იცი რაც უნდა გააკეთო...'' - მოსტოვოიმ საქართველოს მე-2 ლიგაში გარიგებულ მატჩებზე მოჰყვა
"შევარდენის" მთავარ მწვრთნელად გიორგი დარასელია დაინიშნა
ეროვნული ლიგა 2-ის მეორე წრის საუკეთესო მწვრთნელად გიორგი ნემსაძე დასახელდა
ეროვნული ლიგა 2. I ტური: "თელავმა" და "ცხინვალმა" ჩემპიონატი გამარჯვებით დაიწყეს
კონფერენს ლიგაზე "დინამო თბილისისა" და "ტორპედოს" მეტოქეები გაირკვა
სატრანსფერო კარუსელები - რა შეიცვალა ეროვნულ ლიგა 2-ში?