რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია...

მართალია, ქართული დუელი არ შედგა, თუმცა "ფროზინონესა" და "ნაპოლის" მატჩზე (1:3) საქართველოში მაინც დიდი ინტერესი იყო. გიორგი კვერნაძის დებიუტთან ერთად, საინტერესო იყო, რუდი გარსიას მხრიდან პირველ ოფიციალურ მატჩში ლუჩანო სპალეტისგან განსხვავებელ რა ცვლილებებს დავინახავდით.როცა წინა წელს გუნდი საუკეთესო იყო, საკადრო გაძლიერება კი თითქმის არ ხდება, რთულია თამაშში ახალი ელემენტები შეიტანო; ამავდროულად, ეს აუცილებელიცაა.<img src="pictures/artimages/original/075b280a2107a76fc359933d2d3e62dc.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />სპალეტის დროისგან განსხვავებით, მოქმედი ჩემპიონები მუდმივად ბურთის ფლობაზე ორიენტირებულები არ ყოფილან. შესაძლოა, ეს მეტოქიდანაც გამომდინარეობდა და იქიდანაც, პირველ ტაიმში ამ მხრივ ნაკლებად გამორჩეულმა, ახალწვეულმა კაიუსტემ რომ ითამაშა, მაგრამ მაინც უნდა ვივარაუდოთ, რომ გარსია სეზონის განმავლობაში ტაქტიკურ მრავალფეროვნებას მიმართავს. ყველაფერი ეს მოწინააღმდეგეებს, რომელთაც "ნაპოლი" შეისწავლეს, საქმეს გაურთულებს.შეხვედრაში საკმაოდ პასიური ლობოტკა ვნახეთ. სლოვაკმა თავი ბურთთან ერთად ტრიალით, მეტოქეების საჯარიმოდან ზემოთ ამოწევითა და შემტევებისთვის თავისუფალი ზონების გახსნით დაგვამახსოვრა, სეზონის მიწურულს კი ეფექტურობა საკმაოდ დაკარგა. ზამბო ანგისას შემოსვლის შემდეგ კარგად გამოჩნდა, რომ ფრანგ მთავარ მწვრთნელს შეტევების წარმართვა უფრო კამერუნელის მეშვეობით წარმოუდგენია, დაცვასა და ნახევარდაცვას ის აკავშირებდა. კვლავ დიდია პიოტრ ზელინსკის როლი.<img src="pictures/artimages/original/1934d38b369e03e4cdf5dfcbf9bdec6a.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />კიდევ ერთი სიახლე ფლანგებზე გამოიკვეთა. მაგალითად, რა ხდებოდა ძირითადად მარცხნივ, სადაც ხვიჩა კვარაცხელია თამაშობს - მარიო რუი ან მატიას ოლივერა ბურთს მაქსიმალურად დიდხანს ატარებდნენ და ცენტრისკენ მიიწევდნენ, ქართველი შემტევი კი ზედმეტად გვერდით ხაზთან ახლოს და კართან მაქსიმალურად შორს მოქმედებდა. "ახალ" "ნაპოლიში" გარემარბები კართან და მინდვრის ცენტრთან უფრო ახლოს უნდა იყვნენ. კვარაცხელიას არყოფნამ, ყველაფერთან ერთად, ერთი რამ გამოაჩინა, "ფროზინონეს" ფეხბურთელები მარჯვენა ფლანგიდან თამამად უტევდნენ. როცა "კვარა" მოედანზეა, მისი პოზიციიდან შეტევას, ფაქტობრივად, ვერ ბედავენ, რადგან შესაძლოა, ეს მათთვის მომაკვდინებელიც კი აღმოჩნდეს.ზოგჯერ შემტევების დაცვაში თამაშზე უცნაურ გამოხმაურებას ვხედავთ. რაღაცები შეიცვლება, მაგრამ თანამედროვე ფეხბურთში ფორვარდების მხრიდან უკანახაზელების დახმარება ჩვეულებრივი ამბავია. გარსიამ ამის გამო ვიქტორ ოსიმენის გარჯა დაიწუნა. "ცხრიანი" კი კვლავ ძალიან შემართული იყო. არის მომენტები, ფეხბურთელს გუნდიდან წასვლის დრო უდგას, წინააღმდეგ შემთხვევაში ეს მის ხასიათსა და განწყობაზე აისახება. ყველაფერი თითქოს იქით მიდიოდა, ნიგერიელს გუნდი უნდა შეეცვლა. ოსიმენი ძვირად დააფასეს, აქ დარჩა, ის კი კვლავ ბომბარდირობაზე და წინა შედეგის გასაუმჯობესებლად ფიქრს ჩვეულებრივ შეუდგა.<img src="pictures/artimages/original/b6fff1df314545452823d9d0644bdfbf.jpg" border="0" alt="Sportall.Ge" title="რა იცვლება "ნაპოლიში", სად გამოჩნდა ხვიჩას არყოფნა და კვერნაძე, რომელსაც გამოცდილება სჭირდება - ოსიმენი აქ კვლავ ბედნიერია..." />რაც შეეხება გიორგი კვერნაძის დებიუტს, ამ ეტაპზე მასზე დეტალურად საუბრისგან თავს იმის გამო შევიკავებთ, რომ გიორგის ამ დონეზე სათამაშოდ აკლიმატიზაცია აქვს გასავლელი. ხვიჩა კვარაცხელიასთან მარტივი პარალელი გავავლოთ - მან ყაზანის "რუბინში" და ზოგადად, რუსეთის ჩემპიონატში საკმაოდ დიდი გამოცდილება მიიღო, ამას დავუმატოთ სანაკრებო მატჩები. ამ ფონზე, კვერნაძეს თავის გამოჩენის შანსი სათანადოდ ბოლოს ეროვნულ ლიგაშიც არ ეძლეოდა. ახლა მთავარია, "ფროზინონეს" ახალწვეულმა საკუთარ თავზე მეტად იმუშაოს, მწვრთნელის შენიშვნები გაითვალისწინოს და მისი პროგრესი თვალსაჩინო გახდეს. გიორგის ჟინს ნამდვილად ვერ წავართმევთ, უბრალოდ ერთ რამეს ვიტყვით, რაც ხვიჩაზეც გვითქვამს - დღეს მწვრთნელები ბურთის დაკარგვას ძალიან უფრთხილდებიან, ნებისმიერი შეუსრულებელი დრიბლინგი მეტოქის საპასუხო შეტევას ნიშნავს. ამავდროულად, დრიბლიორებმა მათ უნარზე უარი არ უნდა თქვან.კვარაცხელიას დაბრუნებასა და კვერნაძის უკეთეს თამაშს ველით!..

მია-ს

სენთვის ლა ალის მნიშვნელოვანი, ლამაზო?
mamia

არიცი შენ ფეხბურთი წადი დაიძინე
რა მაფიაა?

სხვათაშორის კუნთების გადაღლილობის გამო არ უთამაშია კვარას ეხლა
???

თამაშს უყურე საერთოდ შე მიასტინო? კვარას არ უთამაშია საერთოდ. მოგწონს, რომ ახლა ბრიყვის პოზაში ხარ?
თემო

მოდი ვთქვათ სიმართლე კვარა მოამზადა სლუცკიმ მანამდე პალიჩმა კაი ხალხმა კვერნაძე კი გეგუჩაძემ .განსხვავებას ხო ხედავთ
ეეეჰ

რას ბოდავ ნეტავ თუ ხვდები.
მია

ფროზონინე შროზოზინე უფრო მნიშვნელოვანია კვარასთვის , ვიდრე საქართველოს ახალგზარდული ნაკრების თამაში იყო ხო (ისტორიული მომენტი)? ეხლა აღარაა დაღლილი ? ეეეჰ კვარა ეს რა გააკეთე
nk

სამწუხაროდ ძაან სუსტი თამაში ქონდა კვერნაძეს. მესამე გოლიც კი ნაწილობრივ მაგისი ბრალი იყო - ლორენცოს ფარავდა თავიდან და გადაწყვიტა ზემოთ აწეულიყო (ხელით კი ანიშნა ამასთან მიდითო), პასიც გავიდა და საგოლე გადაცემაც გააკეთა ოსიმენზე. ზედმეტად ბევრი დაკარგვაც ქონდა და საბოლოოდ ყველაზე დაბალი შეფასება მიიღო. ნუ დროის და გამოცდილების ამბავია, იმედია 15 წუთს მაინც მიცემენ ხოლმე (ცოტა მეეჭვება 30 წუთი კიდე ათამაშოს, სანამ ხარისხს არ გააუმჯობესებს)
სოსო

კარგი სტატიაა!კვერნაძეს ძალიან უნდოდა,თავი გამოეჩინა,თუმცა ხვიჩას წინააღმდეგ ვარჯიშებზე ნათამაშებ ნაპოლის მცველებთან ბრძოლა,მასზე უფრო გამოცდილ და ტექნიკურ თავდამსხმელებსაც უჭირთ.კვარა,რუსეთში ნათამაშები 3 წლის სტაჟით და შესაბამისი ფიზიკური მომზადებით მივიდა ნაპოლიში,თუმცა აშკარად გამოჩნდა,რომ ძალები,მაქსიმუმ,70 წუთზე ჰკმაროდა.ესწ რუსეთის ჩემპიონატის გუნდის ლიდერის ფიზიკა და ბათუმში სკამზე მჯდომის ფიზიკა,რომ შეუდარებლად დაბალი იქნება,მაგას რაღა ლაპარაკი უნდა?!უცხოეთში ცხოვრების გამოცდილებაც ძალიან დაეხმარა ხვიჩას,კვერნაძისათვის კი,ეს ყველაფერი უცხოა და ასაკიც პატარა აქვს.ასე რომ ჯერჯერობით,მისგან სასწაულებს ნუ ველით.მთავარია იმუშაოს,უნარები დახვეწოს,მწვრთნელებს მიჰყვეს და გიჟივით ივარჯიშოს.ჩემპიონთან თამაშობდნენ,აგებდნენ და მწვრთნელმა გამოუშვა,მაყურებელს გააცნო,თვითონ გიორგისაც აგრძნობინა ატმოსფერო.ჯერჯერობით,ალბათ რაღაცა ხანი,აღარ ათამაშებს და სხვა უფრო გამოცდილს შეუშვებს,შეცვლებზე.თუ რა თქმა უნდა ჰყავთ,ასეთი.თუ არ ჰყავთ,მაშინ მასაც მიეცემა რაღაც დრო და ეს,მის პროგრესს,უფრო დააჩქარებს.ორი წლის წინ,მიქაუტაძეს,დებიუტი ჰქონდა მეცის შემადგენლობაში.პირველი ტურის დამატებული დროის ბოლო წუთზე,შეცვლაზე შეუშვეს,მანაც მეტოქის საჯარიმოსთან,კონტრშეტევაზე მიიღო ბურთი და პირდაპირ კარში დაარტყა,ბურთი მცველს მოხვდა და ისევ მას დაუბრუნდა.კვლავ დარტყმა,კვლავ დაბლოკვა და იქიდან წამოღებული ბურთი,მცველმა,ფაქტობრივად მეცის კარში შეიტანა.მიქაუტაძე არ გამოედევნა მცველს,სხვამ კი არავინ(ვერავინ) დააზღვია,(ყველა გადაღლილი იყო).გიორგის,მხოლოდ ბურთის დაჭერა ევალებოდა.შედეგად,მეცმა ქულები დაკარგა,გიორგი კი,უსიტყვოდ დააბრუნეს სერენში.მხოლოდ ერთი წლის შემდეგ დაიბრუნეს გუნდში და გუნდის ლიდერადაც,ამის მერე გადაიქცა.ეს უნდა ახსოვდეს კვერნაძესაც.ახალბედას,ბევრ ფერობას არავინ დაუწყებს,ამიტომ მკაცრად უნდა დაიცვას სათამაშო დისციპლინა! გიორგის,რა თქმა უნდა სწრაფ პროგრესს, შემადგენლობაში თავის დამკვიდრებას და წარმატებულ თამაშს ვუსურვებ.

რატომ არ ითამაშა კვარაცხელიამ? - "ნუ მოკლავ ჯაფარას!"

[VIDEO] "არ შემოდიხარ? ბრუნდები?"? - დემბელე კვარაცხელიას სათადარიგოთა დარჩენის გამო ეხუმრა და იხალისა

ენრიკემ "სლოვანთან" მატჩის შემდეგ კვარაცხელიასა და სხვა ლიდერების სათადარიგოთა შორის დატოვების მიზეზი ახსნა

რატომ არ ითამაშა კვარაცხელიამ? - "ნუ მოკლავ ჯაფარას!"

ლანგს ურთიერთობა ალეგრისთანაც აერია და ბოდიშის მოხდა მოუწია

მიზანს ამ სეზონშივე მიაღწევს? - რონალდო სანუკვარ ნიშნულს უახლოვდება

როდრის "ვალენსიაზე" გაჟღერებული ფრაზის გამო ბოდიშის მოხდა მოუწია

VIDEO | ეროვნული ლიგა | დინამო (ბთ) 2-0 იბერია 1999. ჩემპიონატში ორხელისუფლებიანობაა

VIDEO | ეროვნული ლიგა | სამგურალი 1-3 დილა. როგორ დაისაჯნენ წყალტუბოელები...

ლუის ენრიკემ გაგვაკვირვა - "სლოვანთან" მატჩში პსჟ-ს შემადგენლობა ცნობილია

"შავი ლომი" | ქარი ქაფის ლიდერები თბილისში - "თბილისის თასი 2026" 24 სექტემბერს დაიწყება

WU17 | საქართველოს ნაკრებმა აზერბაიჯანი ორჯერ დაამარცხა

ტრავმების ეპიდემიის ფონზე, "იუვენტუსი" ზინჩენკოს დამატების ვარიანტს განიხილავს

"ენრიკე, რომ არა, დღეს სრულიად სხვა მეკარე ვიქნებოდი" - საფონოვი პსჟ-ის მწვრთნელს ემადლიერება

რონალდოს მეგობარმა ჟურნალისტმა პირს მორგანმა "ოქროს ბურთზე" თავისი ფავორიტები დაასახელა

"ოქროს ბურთს" ამ ფეხბურთელს მივცემდი, მეორე ადგილზე კი მას დავაყენებდი" - ანრიმ თავისი ფავორიტები დაასახელა

"წელს ჩემპიონთა ლიგის თასის მოგება რამდენიმე გუნდს შეუძლია" - ლუის ენრიკე "სლოვანთან" მატჩის წინ

მამარდაშვილის "რეალის" სიაში მოხვდა, "ლივერპულის" ახალმა მეკარემ კი ქართველს საკმაოდ ხმაურიანი შეტყობინება გაუგზავნა

“ფიორენტინამ” მწვრთნელად პაოლო ვანოლის დაბრუნება გვაუწყა

ფუტსალი | საქართველო 2:3 ჩეხეთი

"მანჩესტერ იუნაიტედი" "დორტმუნდის" ნახევარმცველის 100 მილიონად შეძენას აპირებს

"კვარადღე" ლიგაზე! - გიორგის პასით დაწყებული და მთავარი მატჩები

შმეიხელი: არ მგონია, ინგლისში ედეგორის მსგავსი ფეხბურთელი იყოს

[VIDEO] კვერნაძის დიდი პროგრესი და პირველი საგოლე მოქმედება სერია A-ში - "ფროზინონემ" "ფიორენტინა" გაანადგურა

[VIDEO] 5-გოლიანი თრილერი "სან სიროზე" და "ნაპოლის" ზედიზედ მეორე მარცხი

"მათ წინააღმდეგ თამაში არ მომწონს" - დე ბრუინი "მანჩესტერ სიტისთან" დაპირისპირებაზე

[VIDEO] კვერნაძე მეტოქის საჯარიმოში მეტეორივით შეიჭრა და გამარჯვების გოლი გაიტანა

კვერნაძის "ფროზინონე" "იუვენტუსთან" დაძაბულ მატჩში დამარცხდა

[VIDEO] კვერნაძემ სეზონი დუბლით და საგოლე გადაცემით დაიწყო

"საქართველოს ნაკრების ძირითადში ამიტომ ვერ ვხვდები" - კვერნაძე იტალიურ მედიას ესაუბრა

ოპერაცია გულის არითმიის გამო - "ნაპოლის" სკოტ მაკტომინი გამოაკლდა

კვარაცხელია "ოქროს ბურთზე": ყველაფრის მჯერა - ვნახოთ, ცხოვრება რას მომიტანს

ლუის ენრიკემ გაგვაკვირვა - "სლოვანთან" მატჩში პსჟ-ს შემადგენლობა ცნობილია

[VIDEO] ლუის ენრიკემ საუკეთესოთა შორის საუკეთესო არ ათამაშა - პსჟ-მ "სლოვანი" მაინც გაანადგურა

დი ლორენცო, რომელიც 2024 წელს კონტემ დარჩენაზე ძლივს დაიყოლია, "ნაპოლისთან" კონტრაქტს გაახანგლძრივებს

[VIDEO] "არსენალმა" სტუმრად "ნაპოლის" მოუგო - "სპორტინგმა" "გალათასარაის" თამაში შემოუტრიალა

კვერნაძე არ ათამაშეს - "ფროზინონე" თასიდან გამოვარდა

ლანგს ურთიერთობა ალეგრისთანაც აერია და ბოდიშის მოხდა მოუწია

რატომ არ ითამაშა კვარაცხელიამ? - "ნუ მოკლავ ჯაფარას!"

მატჩის დღე! ხვიჩა 2 ქართველის შემდეგ და ჩვენებურების დუელი!..

"კვარას" მატჩის დღე! - მიქაუტაძეც პარასკევს და სხვა ქართველები

კვერნაძე "ფროზინონესთან" ერთად სერია A-ში დაბრუნდა