ტური 14: დაძაბულობა, ბოლო წუთების დრამა, სადებიუტო გოლები
<p>კრისტალბეთ ეროვნულ ლიგაში მე-14 ტური დასრულდა. დღეს სამი მატჩი გაიმართა. გორის "დილამ" და "დინამო თბილისმა" 3-3 ქულა აიღეს, "გაგრასა" და "კოლხეთი 1913"-ის დაპირისპირება კი ფრედ დამთავრდა. ვნახეთ რამდენიმე ფეხბურთელის სადებიუტო გოლი საქართველოში...</p> <p> </p> <p><strong>გაგრა 1:1 კოლხეთი 1913 </strong></p> <p> </p> <p>ორივე გოლი პირველი ტაიმის ბოლო წუთებში გავიდა. "გაგრა" დაწინაურდა ბრაზილიელი პედრო ბორჟესის გოლით. რაც შეეხება ეპიზოდს: მარცხნიდან გიორგი პაპუაშვილმა ჩააწოდა, ნიკა კაჭარავამ ძელს მოარტყა ბურთი და ბორჟესმა დამატებაზე ზუსტად დაარტყა.</p> <p> </p> <p>მალევე, "კოლხეთი" 1913-ის ნიგერიელმა ნახევარმცველმა ტიმ ოლოკო-ობიმ შორიდან ძლიერი დარტყმით გაათანაბრა. 20 წლის ოლოკო-ობიმ ფოთელთა მაისურით და ზოგადად კრისტალბეთ ეროვნულ ლიგაშიც თავისი პირველი გოლი გაიტანა. შარშან ქუთაისის "ტორპედოში" გახლდათ.</p> <p> </p> <p>77-ე წუთზე ფოთელთა კაპიტანი, მცველი ბექა ხარშილაძე გააძევეს გიორგი ხარებაშვილთან უხეშობის გამო.</p> <p> </p> <p>საბოლოოდ 1:1. "გაგრა" მეექვსე ადგილზეა, ფოთელები კი ბოლოსწინაზე არიან. მათ შორის სხვაობა სამი ქულაა.</p> <p> </p> <p><strong>გარეჯი 1:2 დინამო თბ</strong></p> <p> </p> <p>"დინამო თბილისმა" საგარეჯოს "გარეჯს" მოუგო. თბილისელები მესამე ადგილზე გადავიდნენ და ლიდერ "იბერია 1999"-ს ჯერ 11 ქულით ჩამორჩებიან. გარეჯი კი ბოლოსწინაზეა.</p> <p> </p> <p>დინამოელები პირველი ტაიმის ბოლოს დაწინაურდნენ. მათე ვაწაძემ თავით დაუგდო ბურთი ნიკა ნინუას, რომელმაც ერთი შეხებით მიიღო და მეორე შეხებით ზუსტად დაარტყა - 0:1.</p> <p> </p> <p>დაიწყო მეორე ტაიმი და თითქმის იდენტური გოლი გავიდა. ისევ ვაწაძის თავით დაგდება და ამჯერად ვალერიან გვილიამ გაიტანა თითქმის იგივე მანძილიდან, საიდანაც ნინუამ - 0:2. გვილიამ წინა ტურშიც გაიტანა.</p> <p> </p> <p>61-ე წუთზე "გარეჯმა" სხვაობა შეამცირა, კონკრეტულად კი, თორნიკე ძებნიაურის ჩაწოდებულზე თამაზ ცეცხლაძემ მიაყოლა თავური და 1:2. ეს ცეცხლაძის პირველი გოლია მიმდინარე სეზონში და ზოგადად კრისტალბეთ ეროვნულ ლიგაშიც. ქვედა ლიგებში აქვს გატანილი.</p> <p> </p> <p><strong>თელავი 2:3 დილა</strong></p> <p> </p> <p>"თელავი" გორის "დილასთან" ორჯერ გავიდა წინ, მაგრამ საბოლოოდ 2:3 დამარცხდა.</p> <p> </p> <p>თელაველებმა ბოლო 4 მატჩი წააგეს, ხოლო მოგებით ბოლო 8 შეხვედრაა არ მოუგიათ. რაც შეეხება "დილას", გუნდმა მეორე ადგილზე გადაინაცვლა და 10 ქულით ჩამორჩება ლიდერ "იბერია 1999"-ს.</p> <p> </p> <p>მასპინძლები მე-2 წუთზე დააწინაურა განელმა ებენეზერ კპოზომ, რომელმაც ფირუზ გაბიტაშვილის ჩაწოდებული ბურთი გადაგზავნა კარში. კპოზოს პირველი გოლი საქართველოში.</p> <p> </p> <p>26-ე წუთზე "დილას" ფორვარდი შოთა შეყილაძე კარგ პოზიციაში მოხვდა და მშვენივრადაც შეასრულა დარტყმა - 1:1. ცნობისთვის, შეყილაძემ პირველ წრეში 3 გოლი გაუტანა "თელავს"...</p> <p> </p> <p>ტაიმის ბოლოს "თელავმა" პენალტის უფლება მოიპოვა და ჯადული იობაშვილმა "თელავი" დააწინაურა - 2:1. რაც შეეხება მომენტს, იობაშვილის კარგი პასის მერე ფირუზ მარაქველიძე შევარდა საჯარიმოში და დილას მცველმა ზურაბ რუხაძემ წააქცია...</p> <p> </p> <p>"დილამ" ბოლოს გატეხა თელავი. 86-ე წუთზე ჟოაო არაუჟომ მშვენიერი პასი გააკეთა, ამას მოჰყვა ლექსო ოთინაშვილის ორიგინალური გადაცემა და განელი სირილ ედიძის ზუსტი დარტყმა. კარგი კომბინაცია იყო. ისე, ედუძის პირველი გოლია კრისტალბეთ ეროვნულ ლიგაში.</p> <p> </p> <p>მსაჯის მიერ დამატებულ წუთებში კი "დილამ" გადამწყვეტი ბურთი გაიტანა. ოთარ ფარულავამ გააყოლა ბურთი ედუძის, რომელმაც დეო ბასინგა მოძებნა და კონგოელმაც დასწრებაზე ახლოდან იმარჯვა - 2:3.</p> <p> </p> <p>ედუძისა არ იყოს, ბასინგასთვისაც პირველი გოლია კრისტალბეთ ეროვნულ ლიგაში.</p> <p> </p> <p><strong>erovnuliliga.ge</strong></p>