მატჩის დღე! კიდევ ერთი ევროპის ჩემპიონატი ქართული ფეხბურთისთვის

საქართველოს 21-წლამდელთა ნაკრები ევროპის ჩემპიონატს იწყებს. პირველ ტურში ჯგუფის აუტსაიდერებად მიჩნეული გუნდების დაპირისპირებაა, რამაზ სვანაძის გუნდი პოლონელ თანატოლებს დაუპირისპირდება - დღეს, 11 ივნისს, 23:00 საათზე.   ქართველი ახალგაზრდები ჯგუფის ფავორიტები არც ორი წლის წინ, პორტუგალიასთან, ნიდერლანდებთან და ბელგიასთან საშინაო კედელებში ყოფილან, თუმცა პლეი-ოფში გავიდნენ. მაშინ ისინი ეროვნული გუნდის ფეხბურთელებით გაძლიერდნენ. "უმცროსმა ჯვაროსნებმა" ამჯერად შესარჩევი ეტაპი დაძლია.   შეგახსენებთ, ამავე ჯგუფში საფრანგეთისა და პორტუგალიის 21-წლამდელთა ნაკრებებიც თამაშობენ.   პოლონეთის ახალგაზრდულმა ნაკრებმა ჯგუფში 22 ქულა დააგროვა, მაგრამ გერმანიას ვერ აჯობა და ტურნირზე საუკეთესო მეორეადგილოსნის სტატუსით მოხვდა. მწვრთნელი ადამ მაჯევსკი იმედიანადაა, რომ ეროვნული გუნდის ბოლოდროინდელ წარუმატებლობას ისინი გამოასწორებენ. შესარჩევ ეტაპზე მათ არაერთ გუნდს აჯობეს, მათ შორის ისრაელს, წინა ჩემპიონატზე ქართველებს რომ პენალტებში მოუგეს.   ამ ასაკობრივ ნაკრებებს შორის უპირატესობა პოლონელებს აქვთ, მაგრამ ახლა ქართველებს სულ სხვანაირი ახალგარზდული გუნდი ჰყავს, პლეი-ოფში ხომ ხორვატიას აჯობეს და დიდი დაპირისპირება გველის.   რამაზ სვანაძის გუნდი დაცვაში კარგი თამაშითა და ეფექტურობით გამოირჩევა, შესარჩევში 14 გოლი (პირველადგილოსან ნიდერლანდებს 32 შედეგიანი დარტმა ჰქონდა)  გაიტანა და 19 ქულა მოიპოვა. სამწუხარო ისაა, რომ გუნდს ახლა დაცვაში საკადრო პრობლემები აქვს, ბოლო მომენტში საბა გოგლიჩიძეც გამოაკლდათ. მნიშვნელოვანია, დიდხნიანი ტრავმის შემდეგ, საბა საზონოვმა ოპტიმალური ფორმა მაქსიმალურად სწრაფად დაიბრუნოს.   პოლონეთის ნაკრები კონკურენტუნატიანია. მეკარე კასპერ ტობიაში "ლეგიასთან", სლავომირ აბრამოვიჩი კი "იაგელონიასთან" ერთად კონფერენს ლიგის მეოთხედფინალში გავიდნენ. გუნდში ყველაზე ცნობილი  "გაზიანთეფის" ნახევარმცველი კასპერ კოზლოვსკია, ვინც 17 წლის ასაკში "ბრაიტონში" თამაშობდა. ყურადღება უნდა მივაქციოთ მარჯვენა მცველს, არკადიუშ პირკას, მომავალი სეზონიდან "სანკტ-პაულში" რომ ითამაშებს.    ერთ-ერთი, ვისაც საერთაშორისო ყურადღება არ მოაკლდება, "უმცროსი ჯვაროსნების" კაპიტანი ირაკლი აზაროვია. დონეცკის "შახტარის" ფეხბურთელს უფრო მაღალი დონის ჩემპიონატიდან დააკვირდებიან. სელექციონერთა ყურადღება საკმაოდ დიდი იქნება და ქართველ ახალგაზრდებს კარიერის უკეთესი გაგრძელებს შესაძლებლობა უნდა ჰქონდეთ!..   საქართველო U21 სავარაუდო შემადგენლობა: ხარატიშვილი - მაისურაძე, საზონოვი, ხვადაგიანი, აზაროვი - ო.მამაგეიშვილი, გაგნიძე, ლომინაძე - ოდიშარია, კვერნაძე, აბუაშვილი.   შემადგენლობა   მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი). მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (პოლისია ჟიტომირი, უკრაინა), ლადო ოდიშვილი (თელავი), საბა საზონოვი (ემპოლი, იტალია), ირაკლი აზაროვი (დონეცკის შახტარი, უკრაინა). ნახევარმცველები: ოთარ მამაგეიშვილი (ფამალიკაო, პორტუგალია), ლუკა გაგნიძე (კრილია სოვეტოვი, რუსეთი), ირაკლი იეგოიანი (ვიტესი, ნიდერლანდები), ნოდარ ლომინაძე (დინამო თბილისი), გაბრიელ სიგუა (ბაზელი, შვეიცარია), ლევან ოსიყმაშვილი (ჰაპოელ ჰადერა, ისრაელი), თორნიკე მორჩილაძე (დინამო თბილისი). თავდამსხმელები: გიორგი კვერნაძე (ფროზინონე, იტალია), ვასილიოს გორდეზიანი (სარაევო, ბოსნია და ჰერცეგოვინა), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა, ლატვია).   ევრო 2025 | მატჩების განრიგი 11 ივნისი | პოლონეთი V საქართველო | ჟილინა14 ივნისი | საფრანგეთი V საქართველო | ჟილინა17 ივნისი | საქართველო V პორტუგალია | ტრენჩინი

მწარე სიმართლე

საზონოვი თუ არა, აბა ცენტრში ვის იმედზე გინდა რომ ვიყოთ, იქნებ გვითხრა?! ვინც მთავარი იყო, მაგან და მისმა აგენტმა ტრავმა მოიგონეს და ... ნათქვამია "ბევრის მდომი ცოტასაც დაკარგავს"-ო
misha

setanta sport
Levani

მებრძოლი ბიჭებია ყველა,ამას ვერ დაუკარგავთ. ხორვატიიდან ფინალურის საგზურის წამოღება არ იყო ადვილი საქმე, ახლაც იმსახურებენ ჩვენს მხარდაჭერას. საქართველოს გაუმარჯოს
gio

რომელი არხი აჩვენებს, ვინმემ იცით?
რაღა დროს არაბიძეა

არაბიძემ მოჭამა თავისი დრო (როგორც ფეხბურთელმა)
გიზოგ

მე, ამ ჯგუფიდან გამომდინარე კმაყოფილი დავრჩები, თუ ამდიდი ედვროპული ფორუმიდან ორი, სამი ფეხბურთელი მაინც მოხვდება ტოპ გუნდების მხედველობის არეში და შემდეგ მათი ტრანსფერი მოხდება. ურთულესი ჯგუფია, თუმცა ბურთი მრგვალია და ჩვენს ახალგაზდდებს ჯგუფიდან გასვლას უსურვებ გულითა და სულით.
მწარე

ვააა. როგორ ვერ მიხვდით. ამდენი წელია ქართული ფეხბურთის აღზრდილი იმედისმომცემები აგებენ პოლონეთთან. ეს ნიშნავს, რომ იმათი სკოლა უკეთესი იყო. და ეხლა, როცა თითქოს წამოვიდა თაობა, რუსული სკოლის გაზრდილ საზონოვის იმედზე ვართ. კაი რა. მაშინ ვაქოთ ერთმანეთი? სხვა მნიშვნელოვანი არავინ გვყავს? მაშინ წაგვიგია მე-6-ც. ანუ, ტყუილად ვქომაგობ ამ გუნდს? ანუ, ტყუილად მაქვს მომავლის იმედი? პ.ს. . - სად ერეკლე და სად შენი პასუხი. მე არ მომწონს ნაკრების მომზადების გაშუქება. მეტი კონკრეტულობა გვჭირდება.
toy-ს

ხვადაგიანი როდის, როცა აზაროვი არაა?
გიო გიო

არაბიძეზე რამე ხოარ გაგიგიათ, რამოდენიმე თვეა განაცხადშიც კი არ ხდება (ჰუნდაიში) ჟურნალისტებო თქვენ თუ რამე გსმენიათ დაგვიწერეთ, მადლობა.
toy

კაპიტანი ხვადაგიანია და არა აზაროვი.
.

საზონოვი ტრავმიდან ახლა გამოვიდა და ჯერ სასურველი ფორმიდან შორს არის,მაგრამ დაცვაში ბევრი ტრავმირებული გვყავს და ისევ უფრო გამოცდილს ენდობიან.ეს სრულიად ბუნებრივია.საზონოვის იმედზე უნდა ვიყოთო?,თავში ხელის შემოკვრა კი რას ნიშნავს?საზონოვი და გოგლიჩიძე,ჩვენი პირველი ნაკრების იმედებიც არიან.თუ არ ითამაშა,ვერც ფორმას აკრეფს სწრაფად.სვანაძე რისკავს,მაგრამ ეს იძულებითი რისკია და იმედი ვიქონიოთ,რომ გაამართლებს.რუმინეთთან თამაში ამხანაგური იყო და მისი შთაბეჭდილებების ქვეშ ფეხბურეთლზე ხაზის გადასმა არ ღირს.ოფიციალურ თამაშში,ყველა გაცილებით უფრო ენერგიულად და თავდადებით ითამაშებს.გამარჯვებით სტარტს ვუსურვებ ჩვენ ბიჭებს.
მწარე

პლონეთთან ყველა შეხვედრა წააგესო!?. ჰო, და დღეს საზონოვის იმედზე ვართ? ვაი ბედკრულო საქართველო.
!!

სვანაძე მოვიდა აზრზე,მიხვდა ჯუღელის განაწყენება კარგს არ მოუტანდა.დარჩეს უთქმელად შემსრულებელი და თვითონაც კარგად იქნება

სვანაძე: მადლობა ყველას, ვინც ბოლომდე გვქომაგობდა

სვანაძე: არ ვიყავით ჩვენი თავის საუკეთესო ვერსია - ამას ობიექტური მიზეზები აქვს

[VIDEO] U21. გაძევება დებიუტში და საქართველოს ნაკრების წაგება პორტუგალიასთან

ლუის ენრიკე: ჩვენი დამარცხება ყველას უნდა

"რეალის" ფეხბურთელი შეიძლება "ფენერბაჰჩეში" გადავიდეს

"ნაპოლი" "ტორინოს" მეკარის შეძენას აპირებს

"ბოტაფოგო" შევაშინეთ - "სიეტლ საუნდერსის" მწვრთნელი "ატლეტიკოს" ბრძოლას ჰპირდება

[VIDEO] არის! გურამ თუშიშვილი მსოფლიო ჩემპიონატის ფინალში გავიდა

შეთანხმებასთან ახლოს - დონარუმა პსჟ-ისთან ახალ კონტრაქტს გააფორმებს

ვლაჰოვიჩი სერია A-ს სხვა გრანდში - სერბ ფეხბურთელს "მილანში" გადაბარგება სურს

თუშიშვილი VS ტასოევის ფინალის მოლოდინში - მსოფლიო ჩემპიონატის მეშვიდე დღეს ორი ქართველის მოლოდინში

სვანაძე: მადლობა ყველას, ვინც ბოლომდე გვქომაგობდა

"ლივერპულმა" მეკარე იჯარით "აიაქსში" გაუშვა

"იბერია 1999"-მა კოტ-დ'ივუარის ნაკრების ფეხბურთელი დაიმატა

კონფერენს ლიგაზე საქართველოს თასის მფლობელის მეტოქე გაირკვა

"სენტ-ეტიენმა" "ბეშიქთაშს" დავითაშვილში სატრანსფერო ფასზე ორჯერ მეტი თანხა მოსთხოვა

სულამანიძე შერაზადიშვილთან დამარცხდა და ასპარეზობას გამოეთიშა

"არსენალი" როდრიგოს არ ეშვება - "რეალი" ბრაზილიელის სანაცვლოდ 90 მილიონ ევროს ითხოვს

სერხიო რამოსი: "ოქროს ბურთს" მას მივცემდი...

ნეიმარი: ხალხს ჰგონია ყოველ დღე ვერთობი, ასე არაა...

იამალი სკანდალში გაეხვია - ვინ არის ესპანელის 30 წლის შეყვარებული, რომელსაც მოკვლით ემუქრებიან?

საქართველოს U20 ნაკრები ევროპის ჩემპიონატისთვის მოსამზადებლად ლატვიაში გაემგზავრა

ჩანაწერები ევრო 2024-დან: მგზავრობა ქეცბაიასთან, ქართველი გულშემატკივრების ამაღლებული ხმა და გუცაევი ფეხბურთის მუზეუმში...

U21. რა შემთხვევაში ითამაშებს საქართველოს ნაკრები ევროპის ჩემპიონატის პლეი-ოფში?

ცუდი ამბავი - საბა გოგლიჩიძე ტრავმის გამო ევროპის ჩემპიონატს გამოტოვებს

U21. პლეი-ოფში საქართველოს ნაკრების მეტოქე გაირკვა

U21. დანაკლისით ნიდერლანდებთან - საქართველოს ნაკრების სასტარტო შემადგენლობა ცნობილია

ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]

მატჩის დღე! საქართველო VS საფრანგეთი - ახალგაზრდები ჯგუფიდან გასასვლელად