უიმბლდონი: ჯოკოვიჩი დღეს დაამთავრებს

ანდერსონმა სერბს დიდი წინააღმდეგობა გაუწია მამაკაცების მერვედფინალში ერთ-ერთი მთავარი ინტრიგა რიშარ გასკესა და ნიკ კირგიოსის დაპირისპირება იყო. შარშანდელ უიმბლდონზე, ექსტრავაგანტულმა ავსტრალიელმა ცხრა (!) მატჩბოლი მოიგერია გასკეს წინააღმდეგ და მოიგო. შესაბამისად, ფრანგი რევანშზე ფიქრობდა. ამასთან, რიშარს არ აწყენდა "დიდი სლემის" ტურნირებზე მერვედფინალების სტატისტიკის გამოსწორება - 2 მოგება და 16 წაგება.ფრანგმა საკუთარი მოწოდების წაგებით დაიწყო, თუმცა ძალიან მალე მოიპოვა ინიციატივა და კორტის ბატონ-პატრონი გახდა. მაგრამ, როგორც კი საქმე გადამწყვეტ მომენტამდე მივიდა, კირგიოსმა ისევ დაიწყო მატჩბოლების მოგერიება. მან მესამე სეტში ორი ასეთი საფრთხე მოიგერია და მოიგო პარტია ტაი-ბრეიკზე. მეოთხე სეტში ისევ ტაი-ბრეიკი იყო და კირგიოსს თავის მოწოდებაზე სეტბოლიც ჰქონდა, მაგრამ ორმაგი შეცდომა დაუშვა. ცოტა ხანში ნიკის უიმბლდონზე გამოსვლა დასრულდა.მეოთხედფინალში გასკე სტენ ვავრინკას შეხვდება, რომელიც დამაჯერებლად მიიწევს წინ, თუმცა გუშინ, პირველად წააგო ტურნირზე საკუთარი მოწოდება. დავიდ გოფენი ბოლომდე იბრძოდა როლან გაროსის ჩემპიონის წინააღმდეგ, პირველი ორი სეტი ტაი-ბრეიკამდე მიიყვანა, მესამეში კი ბრეიკით იგებდა, მაგრამ ბოლოს მაინც შვეიცარიელმა იმარჯვა.* * *ხორვატმა ივო კარლოვიჩმა ვერ შეასრულა თავისი ნორმა ენდი მარეის წინააღმდეგ - ვერ ჩააწოდა მინიმუმ 40 ეისი და ამან იმოქმედა ბრიტანელთან მატჩის შედეგზე. პირველ სეტში ივომ ექვსი სეტბოლი მოიგერია, მაგრამ მეშვიდე ჯერზე ენდიმ მიაღწია მიზანს. მეორეში ბრიტანელმა თავიდანვე აიღო მეტოქის მოწოდება, ხორვატს კი ერთადერთი ბრეიკ-პოინტი ჰქონდა, რომელიც ვერ გამოიყენა. ივომ მაინც მოახერხა ერთი სეტის მოგება - მე-12 გეიმში შეასრულა ბრეიკი მესამე პარტიაში, მაგრამ მეოთხეში ენდი მაქსიმალურად მობილიზებული იყო - 7:6(7), 6:4, 5:7, 6:4.ენდის მეტოქე მეოთხედფინალში ვასეკ პოსპიშილი გახდა, რომელმაც პირველი ორი სეტი წააგო ვიქტორ ტროიცკისთან, მაგრამ მესამე ხუთსეტიანი მატჩი მოიგო ამ უიმბლდონზე.* * *დღის ბოლოს ორი მთავარი ფავორიტი თამაშობდა. როჯერ ფედერერმა 86 წუთში გაანადგურა ნიკოლოზ ბასილაშვილის მძლეველი რობერტო ბაუტისტა აგუტი. აღსანიშნავია, რომ როჯერმა პირველი სეტი 21 წუთში მოიგო, მესამეში კი ქულების 100 პროცენტი აიღო პირველ მოწოდებაზე.ფედერერი მეოთხედფინალში ფრანგ ჟილ სიმონზე გავიდა, რომელმაც ასევე მძლავრი თამაში აჩვენა ტომაშ ბერდიხის წინააღმდეგ. საათსა და 56 წუთში სიმონს 21 "ვინერსი" ჰქონდა და მხოლოდ ერთი ბრეიკ-პოინტის მოგერიება მოუწია.რაც შეეხებ ნოვაკ ჯოკოვიჩს, მისი მატჩის დასრულება კევინ ანდერსონთან მეორე დღისთვის გადაიდო. სამხრეთაფრიკელმა სენსაციურად მოიგო პირველი ორი სეტი ტაი-ბრეიკზე, არადა, მეორე პარტიის მე-13 გეიმში 1:5 იყო ჩამორჩენილი. სამაგიეროდ, ნოვაკი დომინირებდა მესამე და მეოთხე სეტებში და ანგარიში გათანაბრდა, რის შემდეგაც, სიბნელის გამო მატჩი დღეისთვის გადაიდო.დღევანდელი დღის პროგრამაში სწორედ ამ შეხვედრის დასრულება და ქალების ოთხივე მეოთხედფინალია.კაცები1/8 ფინალიმარინ ჩილიჩი (ხორ, 9)-დენის კუდლა (აშშ) 6:4, 4:6, 6:3, 7:5; სტენ ვავრინკა (შვეიც, 4)-დავიდ გოფენი (ბელ, 16) 7:6(3), 7:6(7), 6:4; რიშარ გასკე (საფ, 21)-ნიკ კირგიოსი (ავსტრა, 26) 7:5, 6:1, 6:7(7), 7:6(6); ვაშეკ პოსპიშილი (კან)-ვიქტორ ტროიცკი (სერ, 22) 4:6, 6:7(4), 6:4, 6:3, 6:3; ენდი მარეი (ბრიტ, 3)-ივო კარლოვიჩი (ხორ, 23) 7:6(7), 6:4, 5:7, 6:4; ჟილ სიმონი (საფ, 12)-ტომაშ ბერდიხი (ჩეხ, 6) 6:3, 6:3, 6:2; როჯერ ფედერერი (შვეიც, 2)-რობერტო ბაუტისტა აგუტი (ესპ, 20) 6:2, 6:2, 6:3; ნოვაკ ჯოკოვიჩი (სერ, 1)-კევინ ანდერსონი (ს. აფრ, 14) 6:7(6), 6:7(6), 6:1, 6:4 გადაიდო;1/4 ფინალიჯოკოვიჩი (1)/ანდერსონი (14)-ჩილიჩი (9); ვავრინკა (4)-გასკე (21); პოსპიშილი-მარეი (3); სიმონი (12)-ფედერერი (2).ყოველდღიური სპორტული გაზეთი "ლელო"

მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

[VIDEO] მისთვის ასაკი მხოლოდ ციფრებია - 38 წლის ნოვაკ ჯოკოვიჩმა იანიკ სინერი ხუთ სეტში დაამარცხა!

ხამეს როდრიგესი კარიერას MLS-ში გააგრძელებს

U22 | რუსთავმა ზედიზედ მე-15 მატჩი ჰიუნდაისთან, დაძაბულ ბრძოლაში მოიგო

დიდი ალბათობით, სეზონის ბოლოს სიმეონე "ატლეტიკოს" დატოვებს

"გვიანობამდე ტელეფონში იყურება და მეორე დღეს გამოუძინებელია" - რაფინიამ იამალზე ისაუბრა

ფლორენტინო პერესს ფიგუს ისტორიის გამეორება და "ბარსელონას" ლიდერის შეძენა სურს

[VIDEO] სტვენა ჯეი დი ვენის მისამართით და ქართველები სან-სიროზე - როგორ აქციეს იტალიელებმა ოლიმპიადის გახსნა ხელოვნების ნიმუშად

სამი ქართველი ტოპ 5 ლიგის მატჩში ერთ გუნდში - "მეცმა" წაგებათა სერია შეწყვიტა

[VIDEO] შეხვედრაში სათადარიგოთა სკამიდან ჩაერთო და საუკეთესო გახდა - შენგელიას კარგი მატჩი ყოფილი გუნდის წინააღმდეგ

[VIDEO] ირაკლი ეგოიანის "მაკრატელა" და გადამწყვეტი როლი გამარჯვებაში

კვარაცხელიამ ვარჯიში დაიწყო - რას გადაწყვეტს ლუის ენრიკე?

ოფიციალურად - გუგეშაშვილი "ატრომიტოსის" ფეხბურთელია

"ლივერპულმა" "ბეშიქთაშს" მამარდაშვილის ტრანსფერზე არც უპასუხა

"ნაპოლი" მაკტომინეის გასამრჯელოს ერთ შემთხვევაში მოუმატებს

ჯოვანი: ვინისიუსი შეზღუდული შესაძლებლობების ფეხბურთელია

WU17 | საქართველო 6:0 აზერბაიჯანი

რაგბი ევროპა | ხუთი დებიუტანტით და მერვე ცენტურიონით შვეიცარიასთან

[VIDEO] ფიგურული ციგურაობა | ოლიმპიურ თამაშებზე მოკლე პროგრამით ანასტასია გუბანოვა წარსდგა

[VIDEO] ოლიმპიური თამაშების გუნდურ ასპარეზობაში მოკლე პროგრამით ბერულავასა და მეტელკინას წყვილი წარსდგა

ალექს ოქსლეიდ-ჩემბერლენი კარიერას "სელტიკში" გააგრძელებს

მადრიდის "რეალი" ფილ ფოდენის სანაცვლოდ 180 მილიონი ევროს გადახდას გეგმავს

ჯოკოვიჩი ავსტრალიის ღია პირველობის 1/2 ფინალიდან ტრავმის გამო მოეხსნა

"მოუსმინეთ ახალგაზრდებს, მათი სურვილი უკეთესი მომავალია!" - ჯოკოვიჩმა სერბეთში მთავრობის წინააღმდეგ ქუჩაში გამოსულ სტუდენტებს მხარდაჭერა გამოუცხადა

ჯოკოვიჩი შესრულებული მისიით, პირადი ტრაგედიები, სამშობლოს პატრიოტობა და ქველმოქმედება - რატომ არის ნოვაკი ყველა დროის ერთ-ერთი უდიდესი სპორტსმენი

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა