პორტუგალიის ნაკრები 2016 წლის ევროპის ჩემპიონატის გამარჯვებულია! [VIDEO]

დღეს, 10 ივლისს, საფრანგეთში მიმდინარე 2016 წლის ევროპის ჩემპიონატის ფინალი გაიმართა, სადაც ერთმანეთს მასპინძელი საფრანგეთის და პორტუგალიის ნაკრები დაუპირისპირდნენ.

საკმაოდ დაძაბულ შეხვედრაში გამარჯვება და ჩემპიონის ტიტული პორტუგალიელებს დარჩათ, რომლებმაც მასპინძელი ფრანგები მინიმალური ანგარიშით დაამარცხეს - 1:0.

მატჩის ძირითადი დრო უგოლოდ დასრულდა და დამატებითი 30 წუთი დაინიშნა. შეხვედრაში გასული ერთადერთი გოლი წუთი 109-ე წუთზე გავიდა და ის ედერის ანგარიშზეა.

აღსანიშნავია, რომ მატჩის 24-ე წუთზე პორტუგალიელთა ლიდერმა კრიშტიანო რონალდომ ბარძაყის ტრავმა მიიღო და აცრემლებულმა მოედანი ნაადრევად დატოვა.