U21. საქართველო - უელსი 1:1 : ისევ ფრე ნაკლებად თვალსასეირო მატჩში

მიხეილ მესხის სახელობის სტადიონზე საქართველოსა და უელსის ახალგაზრდული ნაკრებების მეორე ამხანაგური მატჩიც ფრედ დასრულდა (1:1).

პირველი სპარინგის (2:2) შემდეგ, მეორე მატჩი ვერ გამოდგა მთლად თვალსასეირო, განსაკუთრებით ძალიან დაბალ ტემპში ჩატარებული პირველი ტაიმი. ორი მომენტი ჰქონდათ მასპინძლებს, აღსანიშნავი ბუღრიძის გარღვევა და მეკარის მიერ მოგერიებული ბურთია.

მეორე ტაიმში სტუმრებმა ორჯერ სახიფათოდ შემოგვიტიეს, ლუისმა კარს ააცილა ბურთი, ხოლო მატონდოს დატრყმული მეკარემ მოიგერია. შემდეგ ჩვენმა გუნდმა მიიტანა იერიშები და განივი გადაცემის მერე უელსელთა მცველმა კინაღამ საკუთარ კარში ჩაჭრა ბურთი.

ბოლოს ჩვენს გუნდს დაღლა დაეტყო, გოშაძემ ბროდჰედს არ გაატანინა ნაღდი გოლი, 88-ე წუთზე კი ცეცხლაძემ მეტოქე მოცელა საკუთარ საჯარიმოში და პენალტი მორელმა გამოიყენა. თუმცა, კომპენსირებულ დროში ცეცხლაძის პასით შეცვლაზე შესულმა კოხრეიძემ ანგარიში გაათანაბრა და 1:1.

თბილისი. "მიხეილ მესხი"
საქართველო - უელსი 1:1
გოლები: მორელი 88, პენ), 1:1 კოხრეიძე (90+2)

საქართველო: შეროზია (გოშაძე 46), ლოჩოშვილი (კობოური 67), ნადარაია (ლაკვეხელიანი 77), ჭიჭინაძე, მაჭარაშვილი, გოშთელიანი (კოხრეიძე 71), მუჯირი (ალთუნაშვილი 46), ქანთარია (გიორგაძე 92), შულაია, ძებნიაური (ცეცხლაძე 58), ბუღრიძე

უელსი: პილინგი, ლევისი (ბაბოსი 46), პული, როდონი, ევანსი, ჰარისი (ბარტონი 61), ბროდჰედი, ჯეიმსი, ლუისი, ბაბოსი (დევისი 46), მატონდო (მორელი 71)