U21. საქართველოს ნაკრები სლოვაკეთშია - გუნდს დავითაშვილი შეუერთდა

საქართველოს ახალგაზრდული ნაკრები სლოვაკეთში ჩავიდა და ქალაქ ნიტრაში დაბინავდა. სწორედ აქ გაიმართება ევროშესარჩევი მატჩი 18 ნოემბერს.

გია ცეცაძის გუნდმა დღეს ერთი ვარჯიშიც ჩაატარა. ფეხბურთელები ჯანმრთელად არიან და სრული დატვირთვით ივარჯიშეს.

გუნდს ეროვნული ნაკრებიდან შეუერთდა ზურიკო დავითაშვილი და ვარჯიშში მანაც მიიღო მონაწილეობა.

შეგახსენებთ, რომ 4 მატჩის შემდეგ საქართველოს ნაკრებს 6 ქულა აქვს და ჯგუფში მესამე ადგილზეა.

საქართველოს 21-წლამდე ნაკრების შემადგენლობა:

მეკარეები: ლუკა გუგეშაშვილი (გრანადა, ესპანეთი), დემეტრე ბულისკერია (ლოკომოტივი), გიორგი მამარდაშვილი (რუსთავი)

მცველები: ილია ბერიაშვილი (თელავი), ალექსანდრე ანდრონიკაშვილი (ლოკომოტივი), ლუკა ლოჩოშვილი (ჟილინა, სლოვაკეთი), ვაჟა ფაცაცია (დინამო ბთ), დავით კობოური (დინამო თბ), ლაშა უგრეხელიძე (სიონი), ნიკა მალი (საბურთალო), ვახტანგ ნებიერიძე (ტორპედო)

ნახევარმცველები: იური ტაბატაძე (საბურთალო), ლუკა სილაგაძე (რუსთავი), ნიკა ნინუა (დინამო თბ), გიორგი ქოჩორაშვილი (ლევანტე, ესპანეთი), გიორგი კუცია (დილა), დავით სამურკასოვი (ლოკომოტივი), გიორგი კოხრეიძე (საბურთალო), რატი არდაზიშვილი (ჩიხურა), ზურიკო დავითაშვილი (რუბინი, რუსეთი)