U17. კაცნაკლული საქართველოს ნაკრები ესტონეთთან დამარცხდა, მაგრამ ელიტ-რაუნდში გავიდა

2022 წლის ევროპის ჩემპიონატის საკვალიფიკაციო რაუნდის ჯგუფური ეტაპის მესამე ტურში საქართველოს 17-წლამდელთა ნაკრები ესტონეთთან 0:1 დამარცხდა, თუმცა ელიტ-რაუნდში გავიდა.

პირველ ტაიმში ესტონელები ეპიჰინმა დააწინაურა. მეორე ტაიმში შეცვლაზე შესულმა ხაჩიძემ ორი ყვითელი ბარათი მიიღო და 71-ე წუთზე ჩვენი გუნდი კაცნაკლული დარჩა. დარჩენილ დროში ანგარიში არ შეიცვალა და მეტოქემ გაიმარჯვა.

შეგახსენებთ, გიორგი ჩიტაურის შეგირდები პირველ ტურში ისლანდიას დაუზავდნენ (1:1), მეორე ტურში კი მასპინძელი უნგრეთი დაამარცხეს (1:0).

პარალელურ მატჩში უნგრეთი და ისლანდია დაზავდნენ - 0:0.

საქართველოს ნაკრებმა მეოთხე ჯგუფში მეორე ადგილი დაიკავა და ელიტ-რაუნდში გავიდა. პირველი ადგილი ესტონეთმა დაიკავა, მესამე - უნგრეთმა, ხოლო მეოთხე - ისლანდიამ.

ბიჩკე. „სპორტპლია“
ესტონეთი - საქართველო 1:0
გოლი: ეპიჰინი (33)
გაძევება: ხაჩიძე (71)