ქართული ფეხბურთი

ეროვნული ლიგა 2

ბოლნისის "სიონი" ვარლამ კილასონიამ ჩაიბარა

AutoSharing Option
დავით ქოქიაშვილის ნაცვლად ბოლნისის "სიონის" მწვრთნელად ვარლამ კილასონია დანიშნეს, - ამის თაობაზე ინფორმაციას კლუბი თავისი ვებგვერდით ავრცელებს:

"ბოლნისის "სიონში" დავით ქოქიაშვილი ვარლამ კილასონიამ შეცვალა. კილასონიას გამოცდილი არმაზ ჯელაძე დაეხმარება. მთავარმა მწვრთნელმა დღეს, პირველი ვარჯიში ჩაატარა.

ვარლამ კილასონიასთვის "სიონი" უცხო გუნდი არ არის, 2015-16 წლებში მისი მწვრთნელი ის გახლდათ.

"სიონი" ეროვნულ ლიგა 2-ში 5 ტურის შემდეგ 5 ქულით მე-6 პოზიციაზეა. ჩვენი გუნდი მე-6 ტურის შეხვედრას 3 აგვისტოს, თამაზ სტეფანიას სახელობის სტადიონზე, მარტვილის "მერანის" წინააღმდეგ გამართავს. ამ ტურიდან გულშემატკივარს საშუალება ექნება, ტრიბუნიდან
უგულშემატკივროს გუნდს".