დღეს, 20 დეკემბერს საქართველო ეროვნული ლიგა 2-ის პლეი-აუტის ორი საპასუხო შეხვედრა გაიმართა.
მარტვილში, ადგილობრივმა "მერანმა" "გორის" მიიღო და მეტოქე 3:1 დაამარცხა. პირველი მატჩი ფრედ, 0:0 დასრულდა, შესაბამისად მეგრელებმა ეროვნულ ლიგა 2-ში ადგილი შეინარჩუნეს.
აღსანიშნავია, რომ შეხვედრაში "გორის" ორი ფეხბურთელი გააძევეს, გორელთა კარშივე დაინიშნა 11-მეტრიანი დარტყმა. ხოლო გორელთა ნახევარმცველმა გიორგი ალიმბარაშვილმა პირდაპირ კუთხურიდან ჩაახვია ბურთი მარტვილელთა კარში.
მარტვილი, მურთაზ ხურცილავა
მერანი - გორი 3:1
1:0 საღრიშვილი (40), 2:0 ფაცაცია (47), 2:1 ალიმბარაშვილი (73), 3:1 წოწონავა (85,
პენ)
წითელი ბარათი: გულუაშვილი (32), ალიმბარაშვილი (77)
მეორე შეხვედრაში ფოთის "კოლხეთმა" "ვიტ ჯორჯიას" ფოთის ტექნიკური ცენტრის მოედანზე უმასპინძლა. პირველი შეხვედრა "ვიტელებმა" მინიმალური ანგარიშით მოიგეს. მეორე მატჩიც იგივე სხვაობით დასრულდა, ამჯერად ფოთელთა სასარგებლოდ. 68-ე წუთზე შეხვედრის ერთადერთი გოლი ლაშა გვალიამ პენალტით გაიტანა. იქამდე კი, 56-ე წუთზე სტუმართა მცველი თემურ ბექაური გააძევეს მოედნიდან.
68-ე წუთიდან მოყოლებული, შეხვედრის, როგორც ძირითადი დრო, ისე დამატებითი ტაიმები გატანილი გოლების გარეშე გაგრძელდა საქმე 11-მეტრიანების სერიამდე მივიდა. გვალიამ მეორედ ვეღარ გაიტანა, დავით მეგრელიშვილსაც მეკარემ აუღო, "ვიტ ჯორჯიას" მოთამაშეებმა მხოლოდ 1 პენალტი გააფუჭეს და ეროვნულ ლიგა 2-ში ადგილი შეინარჩუნეს.
ფოთი, ტექნიკური ცენტრი
კოლხეთი - ვიტ ჯორჯია 1:0, პენ: 3:4
1:0 ლაშა გვალია (68, პენ)
პენალტების სერია: 0:0 გვალია (კარს ააცილა), 0:0 ნემსაძე (მეკარე), 0:0 მეგრელიშვილი (მეკარე), 0:1 ზარიძე, 1:1 მუმლაძე, 1:2 ბარაბაძე, 2:2 კირკიტაძე, 2:3 მოლაშვილი, 3:3 კაშია, 3:4 მუსელიანი
![მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის "დინამოსთან" [VIDEO]](/pictures/image7/7e332ca7afe2eb96a9cc4641f944e2f0.jpg "მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის \"დინამოსთან\" [VIDEO]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "კოლხეთი" - "დინამო" (ბთ) [LIVE]](/pictures/image7/148bb768a167b56e5d5e61d30e74b260.jpg "ეროვნული ლიგა. X ტური. \"კოლხეთი\" - \"დინამო\" (ბთ) [LIVE]")
![ეროვნული ლიგა. IX ტური. "კოლხეთი" - "დილა" [LIVE]](/pictures/image7/e2be137a61aa49e9c61ab4c0ee239dbe.jpg "ეროვნული ლიგა. IX ტური. \"კოლხეთი\" - \"დილა\" [LIVE]")
