ოფიციალურად: ლუკა ლოჩოშვილი კიევის "დინამოში", გიორგი ჩაკვეტაძე - "გენტში"

თბილისის "დინამოს" ახალგაზრდა ფეხბურთელები: ლუკა ლოჩოშვილი და გიორგი ჩაკვეტაძე კარიერას უცხოურ კლუბებში გააგრძელებენ. ამის შესახებ "დინამოს" ოფიციალური საიტი იუწყება.

ლოჩოშვილმა კონტრაქტი უკრაინული ფეხბურთის გრანდ კიევის "დინამოსთან" გააფორმა, ჩაკვეტაძე კი ბელგიურ "გენტში" გადავიდა, რომელსაც სანაკრებო მატჩების შემდეგ შეუერთდება.

"დინამო" სატრანსფერო სარგებლის გარდა, მომავალში ამ ფეხბურთელების გასხვისებიდანაც მიიღებს დივიდენდებს.