ფოთის "კოლხეთმა" ეროვნულ ლიგაში ადგილი შეინარჩუნა [VIDEO]

დღეს, 3 დეკემბერს ეროვნული ლიგის პლეი-ოფის განმეორებით შეხვედრაში, მარტვილის "მერანმა" ფოთის "კოლხეთს" უმასპინძლა. შეხვედრა ფრედ ანგარიშით 2:2 დასრულდა.

მატჩი "მერანის" უპირატესობით დაიწყო და მასპინძელთა რამდენიმე აქტიურ შეტევას, მე-16 წუთზე ვანო კურდღელაშვილის ლამაზი გოლი მოჰყვა. გოლის შემდეგ მატჩი ცოტა დაწყნარდა და ორივე გუნდი თავის შანსს ელოდებოდა, საბოლოოდ არაფერი შეცვლილა და  პირველი ტაიმი 1:0 მორჩა.

მეორე ტაიმში მასპინძლები გააქტიურდნენ და 53-ე წუთზე გიორგი ბუხაიძემ ანგარიში გაათანაბრა, ხოლო 90-ე წუთზე ბუხაიძემ დუბლი შეასრულა და ფოთელები ეროვნულ ლიგაში დატოვა.

მალევე დამატებით დროში 92-ე წუთზე, კურდღელაშვილმა ანგარიში გაათანაბრა, მაგრამ ეს მარტვილელებისთვის საკმარისი აღარ აღმოჩნდა.

ორი მატჩის ჯამში ფოთელებმა 4:3 იმარჯვეს და ეროვნულ ლიგაში ადგილი შეინარჩუნეს.

შემადგენლობები:
მერანი: გოგი კულუა, სერგი ორბელაძე, გიორგი გეგია, ბენჯამინ ტეიდი, რევაზ ბარაბაძე, ვანო კურდღელაშვილი, დავით მაისაშვილი (შოთა ჯიქია 83'), სერგეი ტრეტიაკი, ვაჟა ლომაშვილი,. კიჭი მელიავა, ლაშა ჩალაძე (ირაკლი რუხაძე 55')

კოლხეთი: კონსტანტინე სეფიაშვილი, გიორგი კილასონია, ალექსანდრე გურეშიძე, ლაშა გოგონაია,  ლევან კაკულია, იგორ ბროვკო, ალეკსანდრ დერებჩინსკი, გიორგი ჯანელიძე, თამაზ ჟიშკარიანი, სანდრო ბახია )გიორგი ბუხაიძე 36'), დავით ბოლქვაძე