ინტერვიუ გულშემატკივართა რჩეულთან - თამაზ მაქაცარია

ეროვნული ლიგის სიმბოლური ნაკრების გამოქვეყნებისას ჩვენ გამოკითხვას ვატარებთ, მეცხრე ტურში გულშემატკივართა რჩეული "რუსთავის" ფეხბურთელი თამაზ მაქაცარია გახდა.

კითხვაზე თუ ვის თვლით ტურის გამორჩეულ ფეხბურთლად? თამაზ მაქაცარიამ ხმების 34% მიიღო. მეორე ადგილზე ოთარ კიტეიშვილი 19%-ით და მესამეზე ირაკლი ბუღრიძე 11%-ით გავიდნენ.

▶ეროვნული ლიგის IX ტურის სიმბოლური ნაკრები Sportall.ge-ს ვერსიით (+გამოკითხვა)

ახალგაზრდა შემტევი, რომელიც წინა სეზონში "ცხინვალის" ღირსებას იცავდა, დღეს "რუსთავის" ფეხბურთელია, ჩვენ მას დავუკავშირდით და  ინტერვიუ ჩავწერეთ.

- მეცხრე ტურში გულშემატკივართა რჩეული გახდი, როგორ შეაფასებ რით გამოარჩიეს შენი თამაში?
- პირველ რიგში მინდა ყველას მადლობა მოვუხადო გულშემატკივრობისთვის და შეფასებისთვის. თოთოეულ მატჩში ვცდილობ ჩემი მაქსიმუმი გავაკეთო, ამ ტურშიც ბოლომდე დავიხარჯე და ალბათ ეს იყო მთავარი მიზეზი.

- რას იტყვი შენს ახალ გუნდზე. რას ფიქრობ რისი მიღწევა შეუძლია ამ სეზონში? შეძლებს კლუბი მაღალი მიზნებისთვის ბრძოლას? და ვის მიიჩნევ მთავარ კონკურენტად?
- გუნდი შედგენილია გამორჩეული ფეხბურთელებით , რაც დიდ შესაძლებლობას იძლევა, რომ მოწინავე ადგილები დავიკავოთ. რაც შეეხება მთავარ კონკურენტებს , პირველი წრის შემდეგ "საბურთალოს" და "დინამოს" მივიჩნევ .

- ეროვნული ლიგის პირველი წრე დასრულდა, როგორ შეაფასებ ახალ სეზონს? რას ფიქრობ ლიგა ვითარდება თუ მისი დონე უკან იწევს?
- დაძაბული სეზონი მიმდინარეობს , კონკურენცია გუნდებს შორის მაღალია და ამ ეტაპზე თითოეულ ქულას მნიშვნელობა აქვს. დინამიური და საინტერესო მატჩები მიმდინარეობს, რაც ეროვნული ლიგის წინსვლას მიუთითებს.

- სეზონის დასაწყისში "რუსთავში" აშკარად ჩანდა შეთამაშების პრობლემა, რამდენად გადალახეთ ფეხბურთელებმა ეს ბარიერი?
- ჩვენ გუნდში აქტიური ვარჯიშები მიმდინარეობს , ყველანაირი პრობლემის გადასაჭრელად.

- რა იქნება შენი მაქსიმუმი ამ სეზონში, რას უნდა ველოდოთ თამაზ მაქაცარიასგან?
- ტრამვის შემდეგ დიდი ხანი გამიცდა, რამაც ხელი შემიშალა ჩემპიონატისათვის მომზადებაში და დაწყებისთანავე გუნდან ერთად თამაშში.  მაგრამ ვგრძნობ პროგრესს და ვაპირებ ჩემი თავის ბოლომდე წარმოჩენას გოლებით და საგოლე გადაცემებით.