- ფოტოზე მოცემული ფეხბურთელთა განლაგება პირობითია
Sportall.ge გთავაზობთ ეროვნული ლიგის მეთერთმეტე ტურის სიმბოლურ ნაკრებს:
მიხეილ მუჯრიშვილი - ბოლნისელთა მეკარე "სამტრედიასთან" შეხვედრაში იდეალურად გამოიყურებოდა, მუჯრიშვილმა ამ შეხვედრაში დაახლოებით ექვსი "სეივი" მაინც გააკეთა.
დავით უბილავა - "ლოკომოტივის" მარცხენა მცველი და გუნდის კაპიტანი ნელ-ნელა სასურველ ფორმას უბრუნდება და მის ასპარეზობაშიც აისახება. თბილისის "დინამოსთან" კი ერთგვარად "გაუვალ კედლად" მოგვევლინა, რომელმაც მის ფლანგზე თითქმის ყველა შეტევა ჩაშალა.
ანრი ჭიჭინაძე - ჭიჭინაძე ჩხეტიანის ნდობას ამართლებს. 20 წლის ფეხბურთელი ამ ტურში ერთ-ერთი საუკეთესო იყო დაცვით ფაზაში. ის, რომ მეტოქის შემტევებს ხშირ
ალექსანდრე გურეშიძე - "სიონის" მცველმა გოლით გამოიჩინა თავი და ერთი ქულა მოუპოვა გუნდს. გურეშიძე არც დაცვაში იყო ცუდი, საკმაოდ სტაბილურად ჩაატარა შეხვედრა და შეცდომებიც თითქმის არ ჰქონია.
ალექსანდრე კვახაძე - გორელთა მცველი საკმაოდ ნაყოფიერად ირჯებოდა "ჩიხურასთან" მატჩში, სივრცეებსაც კარგად კეტავდა და შემტევებს გასაქანს არ აძლევდა.
ლეანდრო რიბეირო - გორელთა ლეგიონერი კვლავ შეუჩერებელია. გოლი და ორი საგოლე გადაცემა - ეს მისი მონაგარია. ხოლო რვა მატჩში 4 გოლი და 5 საგოლე გადაცემა დაუგროვდა.
ბექა გვარაძე - "საბურთალოს" შემადგენლობაში თავი კვლავ წარმოაჩინა 20 წლის ფეხბურთელმა, პირველ ორ გოლში მიიღო მონაწილეობა, ერთ შემთხვევაში გოლი გაიტანა და მეორეჯერ საგოლე გადაცემა გააკეთა.
თორნიკე გორგიაშვილი - "საბურთალოს" მიერ "კოლხეთის" რბევის მეორე შემოქმედი გორგიაშვილი გამოდგა, რომელმაც ანალოგიურად, გოლი და საგოლე გადაცემით დატოვა მოედანი.
ოთარ კობახიძე - "ლოკომოტივის" გამარჯვება ოთარ კობახიძის იდეალური საგოლე გადაცემის დამსახურებაა. მისი პასით შონია მეკარესთან ერთი-ერთზე გავიდა და გოლის გატანა აღარ გასჭირვებია.
თორნიკე კაპანაძე - კაპანაძის ტრავმიანობის პერიოდში "ტორპედოს" შეტევა საკმაოდ უფერულად გამოიყურებოდა, თუმცა მისი დაბრუნების შემდეგ სიტუაცია რადიკალურად შეიცვალა. კაპანაძე "რუსთავთან" შეხვედრაში ერთ-ერთი საუკეთესო იყო.
მიკოლა კოვტალიუკი - "დილას" შემტევს ეროვნულ ლიგაში ძალიან დიდი ხნის შემდეგ იდეალური მატჩი გამოუვიდა. დუბლი და საგოლე გადაცემა - ეს არის უკრაინელის მონაგარი.
