ფეშენებელური სასტუმროები, ზღვა, აუზები, სპა - სად გადიან შეკრებებს ქართული კლუბები [VIDEO]

ეროვნული ლიგის კლუბები შეკრებებს თურქეთში გადიან. მომავალი სეზონისთვის მზადება აქტიურ ფაზაშია და ფეხბურთელებზე დაკვირვება მიმდინარეობს.

მეზობელ სახელმწიფოში კი, ანტალიის პროვინციაში ყველა პირობაა შექმნილი იმისთვის, რომ შეკრება საფუძვლიანად გაიარო. ნელ-ნელა ანტალია ევროპაშიც საკმაოდ პოპულარული ხდება და გუნდების რაოდენობა ყოველ სეზონზე იზრდება. ანტალიას ყველაზე მეტად სასტუმროები გამოარჩევს. ისინი შეკრებისთვის კლუბებს ფეშენებელურ პირობებში დასვენებას სთავაზობენ.

საქართველოს ჩემპიონი შეკრებას ქალაქ სიდეში, ემირხანების სპორტ-კომპლექსში გადის, რომელსაც ყველაფერი აქვს იმისათვის, რომ გუნდი სრულყოფილად მოემზადოს: 5-ვარსკვლავიანი სასტუმრო, ტრენაჟორების დარბაზი, 10 მოედანი, ჩოგბურთის კორტები, სხვადასხვა სახის აუზი და სპა.

დედაქალაქურ გუნდს მეორე შეკრება ქალაქ ლარაში ჰქონდა დაგეგმილი, თუმცა უამინდობის გამო იქ პირობები გაუარესებული იყო და სიდეში გადაწყვიტა დარჩენა. სიდეში საბურთალოელებთან ერთად თურქეთის ქალთა ნაკრებიც ემზადება.

ინტერნეტში არ მოიძიება ინფორმაცია, თუ რა ღირს დაახლოებით საფეხბურთო კლუბისთვის ეს სიამოვნება, თუმცა,  რაც შეეხება სასტუმროს ფასებს, ორკაციანი ნომერი 90 ევროდან იწყება.









"დინამომ" ლარა აირჩია, თუმცა მათ შეკრებას უამინდობა თან ახლდა, რაც გარკვეულწილად თამაშზეც აისახებოდა. ლარა ერთ ერთი გამორჩეულია იმ ქალაქებიდან, რომელიც საფეხბურთო გუნდებს მასპინძლობს. თბილისელები ხუთვარსკვლავიან სასტუმრო "როიალ სეგინიუსში" იმყოფებიან, სადაც ორკაციანი ნომერი საშუალოად დღეში 135 ევრო ღირს.

სასტუმრო თანამედროვე სატრენაჟორო დარბაზით, აკვაპარკით, სპა სალონით, სხვადასხვა სახის სპორტული მოედნითა და საფეხბურთო სტადიონებით არის აღჭურვილი.






როგორც კლუბის პრესსამსახურში გვითხრეს, ისინი ამჯერადაც ანტალიაში, ლარაში, სასტუმრო "ტიტანიკში" დაბინავდნენ.

სასტუმრო 5-ვარსკვლავიანია, აქვს ოლიმპიური და არაოლიმპიური აუზები, სატრენაჟორო დარბაზი და 4 ფიფას სტანდარტების სავარჯიშო მოედანი ტრიბუნებით. ასევე, ყველანაირი საფეხბურთო აღჭურვილობა სავარჯიშოდ და მოსამზადებლად.

კომპლექსში ერთი ადამიანის ღირებულება დღეში საშუალოდ 55 ევროა.






აი, საჩხერელები კი ბელეკში დაბინავდნენ. როგორც კლუბის პრესსამსახურში გვითხრეს მათი კლუბი ხუთვარსკვლავიან Port nature-ში დაბინავდა.

ეს სასტუმრო ბელეკში ერთ-ერთი ყველაზე პოპულარული და კომფორტული აღმოჩნდა. ორკაციანი ნომერი 155 ევროდან იწყება.

სასტუმრო თანამედროვე სატრენაჟორო დარბაზს, აკვაპარკს, სპა სალონს, სხვადასხვა სახის გასართობ საშუალებას და სპორტული აქტივობებისთვის საჭირო ცენტრებს შეიცავს.

სასტუმრო სხვადასხვა სპორტულ კომპლექსთან თანამშრომლობს, რაც ჩასულ საფეხბურთო კლუბებს საშუალებას აძლევს, რომ თან დაისვენონ და თან სრულყოფილი შეკრება გაიარონ.

"ტორპედომ" თურქულ შეკრებაზე ისევ გაიმარჯვა - ამჯერად მინსკის "დინამოს" სძლია