კახაბერ ჩხეტიანი: ერთადერთი, ვისი ბრალიცაა დღევანდელი მარცხი, მე ვარ

ეროვნული ლიგის 23-ე ტურში "რუსთავთან" ნამატჩევს (0:1) კომენტარი "ტორპედოს" მწვრთნელმა კახაბერ ჩხეტიანმა კლუბის საიტთან გააკეთა:

"ერთადერთი, ვისი ბრალიცაა დღევანდელი მარცხი, მე ვარ. უკლებლივ ყველა ფეხბურთელს, ვინც გუნდშია, დიდ მადლობას ვუხდი ბრძოლისა და შრომისთვის. გავაანალიზებთ შეცდომებს და მომდევნო მატჩისთვის უკეთ მოვემზადებით.

რაც იყო, იყო... ის უკვე ისტორიაა! ახლა "ტორპედოს" ახალი გუნდი ჰყავს და ამ გუნდსაც ექნება თავისი მიზანი. "ტორპედო" ყოველთვის მაღალი მიზნებისთვის იბრძოდა და ასე იქნება ახლაც. დღევანდელი მარცხი არ ნიშნავს, რომ რამეზე ხელი ჩავიქნიეთ...

ფეხბურთელები ბევრს შრომობენ და დარწმუნებული ვარ,

ქუთაისელ გულშემატკივარს არაერთ გამარჯვებას აჩუქებენ!"

alt ეროვნული ლიგა. XXIII ტური: "რუსთავმა" "ტორპედოს" მინიმალური ანგარიშით სძლია [VIDEO]