ქართული ფეხბურთი

ეროვნული ლიგა

[წარდგენა] ეგზოტიკური ტრანსფერების გუნდი - მიზნის გარეშე

AutoSharing Option
საქართველოში ყველაზე ეგზოტიკური გუნდი გორის "დილა" ახალ სეზონს ახალი და საინტერესო ფეხბურთელებით იწყებს, ფეხბურთელებით, რომელთა შესაძლებლობები არავინ იცის და ყველაფერს მომავალი ეროვნული ლიგა გვიჩვენებს.

გორელებს მიმდინარე სეზონშიც გიორგი ნემსაძე გაწვრთნის, რომელმაც 2019 წელს "დილას" ეროვნული ლიგის 15 შეხვედრაში უხელმძღვანელა - 4 მოიგო, 6 ფრედ ითამაშა და 5 წააგო. გორის "დილამდე" ნემსაძე მცირე დროით "შევარდენსა" და საქართველოს 17-წლამდელთა გუნდში მუშაობდა.

გორელებს ძალიან კარგი სათამაშო არენა აქვთ, თენგიზ ბურჯანაძის სახელობის სტადიონის სახით და გორის ციხის ხედზე, კვლავ შეეცდებიან სიახლეების შემოთავაზებას.

შემადგენლობა

მეკარეები: ლუკა
გუგეშაშვილი, გიორგი ჩოჩიშვილი, ლაშა ტიტვინიძე.

დაცვა: გურამ გიორბელიძე, ალეფ სანტოსი, ბალგოუ იენდეუნტი, გიორგი ლაცაბიძე, დავით მაისაშვილი, დავით ხურცილავა, რევაზ ჩიტეიშვილი, რომარიკ ეტოუ, არჩილ კობერიძე.

ნახევარდაცვა: თორნიკე გორგიაშვილი, თეიმურაზ მარკოზაშვილი, ირაკლი ბიძინაშვილი, ნიკა გაგნიძე, ამოს ნონდი ობიერო, მამაიე ფუსეინი კულიბალი, ფრანცისკო მადინგა

ფორვარდები: მიკოლა კოვტალიუკი, ნუგზარ სპანდერაშვილი.

ამხანაგური შეხვედრები 2020 წელს:

  • "დილა" - ბათუმის "დინამო" 2:5
  • "დილა" - თბილისის "მერანი" 1:1
  • "დილა" - "სამტრედია" 1:0
  • "დილა" - "არაგვი" 1:1
  • "დილა" - "ჩიხურა" 2:1
  • "დილა" - მოსკოვის "ტორპედო" 2:3 (რუსეთის მეორე ლიგა)
  • "დილა" - "ჩერნომორეცი" 0:0 (უკრაინის მეორე ლიგა)
  • "დილა" - სოლიგორსკის "შახტიორი" 0:0 (ბელარუსის უმაღლესი ლიგა)
  • "დილა" - "თარაზი" 0:0 (ყაზახეთის პრემიერლიგა)

შეფასება

ფეხბურთის განვითარების ფონდის მონაცემებით, ფონდის თანხიდან გორელი ფეხბურთელების ხელფასში 2019 წელს 671 124 ლარი გაიცა. გორელთა გუნდი გაცემული ხელფასებით თბილისის "დინამოს" შემდეგ მეორე ადგილზეა. საბოლოო შედეგი კი ის იყო, რომ გუნდი ერთი საფეხურით ასცდა გასავარდნ ზონას.

გასაგებია, რომ გუნდს არა აქვს კონკრეტული მიზანი და მფლობელების მოტივაციაა, სხვადასხვა საკმაოდ უცნაური ქვეყნიდან ჩამოიყვანონ ფეხბურთელები და მათში ტალანტი იპოვონ. თუმცა, ვინც ჩამოჰყავთ, მეტწილად კითხვა ჩნდება, ამათ რა უნდათ ეროვნულ ლიგაში? და გასაკვირია ისიც, რომ ამოდენა ხელფასებს ამ ფეხბურთელებს ახარჯავენ.

იმ ფეხბურთელებმა, რომლებმაც შედარებით გამოიჩინეს თავი - ალვინ ფორტესმა და ლეანდრო რიბეირომ, საქართველოს ჩემპიონატს მიღმა ვერსად ითამაშეს ის ფეხბურთი, რასაც მათგან ელოდებოდნენ. თუმცა არცერთი არ იყო მეგატალანტი.

წელსაც გორელთა ლეგიონი მრავალფეროვანია: ტოგო, კენია, მალავი, მალი და ა.შ. თუმცა, თუ მათ ამხანაგურ შეხვედრებს თვალს გადაავლებდით, ამ ფეხბურთელთა კომპეტენციაში ეჭვი შეგეპარებათ.

გუნდს ერთადერთ პოზიციაზე აქვს სათანადო კონკურენცია - კარებში. აქ ერთმანეთს ლუკა გუგეშაშვილი და გიორგი ჩოჩიშვილი გაეჯიბრებიან.

"დილას" საბოლოო შედეგის წინასწარმეტყველება ძნელია, რადგან ტრადიციისამებრ, უამრავი ფეხბურთელის მოსვლა-მისვლა არის მოსალოდნელი. აი, შედეგის გამოცნობა თქვენთვის მოგვინდვია.





ასევე დაგაინტერესებთ