საქართველოს ფეხბურთის ფედერაციის გენერალურმა მდივანმა დავით მუჯირმა ტელეკომპანია "იმედის" გადაცემაში "სპორტი იმედზე" ეროვნული ლიგის განახლებასა და თამაშებზე მაყურებელთა დასწრების შესახებ ისაუბრა.
"18 ივნისს გაიმართა ფეხბურთის ფედერაციის აღმასრულებელი კომიტეტის სხდომა, სადაც შეიცვალა ფორმატი და 4 წრის ნაცვლად 2 წრე გვექნება, შენარჩუნდება "პლეი-ოფის" სისტემა ლიგიდან გავარდნასთან დაკავშირებით.
ასევე, აღმასრულებელმა კომიტეტმა გენერალურ სამდივნოსა და საშეჯიბრო კომიტეტს მიანიჭა უფლებამოსილება, რომ ტურის დაწყებამდე 2 დღით ადრე შეიმუშავოს ტურის წარმართვის რეგულაცია (რაც, ცხადია, მაყურებელთა დაშვების საკითხსაც გულისხმობს).
ქვეყანაში ეპიდემიოლოგიური ვითარება იცვლება და ჩვენ კონკრეტულ კვირაში არსებული
ვითარების მიხედვით მივიღებთ გადაწყვეტილებას, დავუშვათ თუ არა მაყურებელი და მედია შეხვედრებზე.
დიდი ალბათობით, მესამე ტურის შეხვედრებისთვის გულშემატკივართა დასწრების ორგანიზება ვერ მოესწრება,"- განაცხადა მუჯირმა.
მოგეხსენებათ, საქართველოს ეროვნული ლიგა ხუთშაბათს, 25 ივნისს "საბურთალოსა" და თბილისის "დინამოს" შეხვედრით განახლდება.
სფფ-მ ჩემპიონატის შეცვლილი ფორმატი და თასის დებულება დაამტკიცა
ეროვნულ ლიგაში Covid 19-ზე ტესტირების პირველი ეტაპი დასრულდა
ევროტურნირებიდან ადრეული გავარდნები, მაყურებლების სიმცირე- ეს არის წინასწარი განსჭრეტვა კორონოვირუსის. წლებით გავუსწარით სხვა ფედარაციებს!
ზრუნვა მაყურებელზე და სხვა არაფერი!
მხოლოდ ადამიანებზე ზრუნვა და სხვა არაფერი!