ეროვნული ლიგა. VII ტური: ორივე გოლი "დილამ" გაიტანა და ბათუმის "დინამოსთან" ფრეს მიაღწია... [VIDEO]

AutoSharing Option
AUTO PLAY
26 ივლისს, ეროვნული ლიგის მეშვიდე ტურის დასკვნით მატჩში "დილა" და ბათუმის "დინამო" დაზავდნენ - 1:1.

ანგარიში კურიოზული ავტოგოლით გაიხსნა - ხურცილავას მოგერიებული ბურთი იენდეუნტს მოხვდა და სტუმრები დაწინაურდნენ. ტაიმის შუაში ბათუმური გუნდი უპირატესობას დაეუფლა, გოლი კი გორელებმა გაიტანეს, როდესაც მარკოზაშვილმა ლექვთაძე ალავიძეს პირისპირ შეჰყარა.

მეორე ტაიმის საწყისი წუთები გარდამავალი უპირატესობით მიმდინარეობდა. მე-60 წუთზე "დინამოს" ისე შეეძლო წინ გაჭრა, მაგრამ საჯარიმოდან გონსალვესის დარტყმული ბურთი ძელს მოხვდა. მატჩის დასასრულს გეგუჩაძის შეგირდები ბევრს უტევდნენ, მაგრამ ვერ იხეირეს.

"დილა" 15 ქულით ლიდერია, ბათუმის "დინამო"
კი 11 ქულით მეოთხე ადგილზეა.

2 აგვისრტოს "დილა" თბილისში "საბურთალოს" შეხვდება, ხოლო ბათუმის "დინამო" "სამტრედიას" უმასპინძლებს.

გორი."თენგიზ ბურჯანაძე"
დილა - დინამო (ბთ) 1:1
გოლები: 0:1 იენდეუნტი (15, საკ.კარში), 1:1 ლექვთაძე (43)

დილა (4-2-3-1): გუგეშაშვილი, ლაცაბიძე, ხურცილავა (კ), სანტოსი, იენდეუნტი, ეტოუ, ნონდი, მარკოზაშვილი, გორგიაშვილი (მადინგა 78), ლექვთაძე (სპანდერაშვილი 58), კოვტალიუკი

მწვრთნელი: ნემსაძე

დინამო (ბთ) (4-2-3-1): ალავიძე, ნავალოვსკი, კობახიძე, მელიავა (გაფრინდაშვილი 58), გაგოშიძე, ტეიდი (ცინცაძე 28), ჯიღაური, გონსალვესი (რეინალდო 85), მანჯგალაძე, მამუჩაშვილი, ფლამარიონი

მწვრთნელი: გეგუჩაძე

მკითხველის კომენტარები / 5 /
საგოლე მომენტი ბათუმს არ შეუქმნია.ვაგნერმა გაარტყა ძელს ეგ იყო და ეგ.დილას მეტი მომენტი ჰქონდა.მარკოზას ჰქონდა კარგი მომენტი,კოფტალიუკსაც კარგი მომენტი ჰქონდა რომ არაფერი ვთქვათ ლეკვთას გოლზე.ასე რომ საგოლე მომენტებით დილა სჯობდა.
Chivers
27 ივლისი 2020 12:07
1
ბათუმი კარგად აგორებს ბურთს, მაგრამ შთაბეჭდილება რჩება, თამაშობს, თამაშისთვის. ფეხბურთი კი, გოლია!
100%
27 ივლისი 2020 07:30
1
თუ ვინმემ მოიპოვა ქულა ეს სწორედ რომ დილა იყო.ბათუმი აშკარად უკეთ გამოიყურებოდა და უფრო ლაღად აგორებდა ბურთს სტუმრის კვალობაზე,თანაც გათამაშების ლიდერთან.მგონი ბათუმი კიდე უფრო შევა ფორმაში და მოუმატებს.
გულშემატკივარი
27 ივლისი 2020 02:17
8
გურამს: ფავორიტი რა შუაშია, თუ თამაშს უყურე, ბათუმი სჯაბნიდა, განსაკუთრებით მატჩის ბოლოს, ძელსაც გაარტყეს ბურთი, მერე ოდნავ ასცდა ბათუმელი ფეხბურთელის დარტყმული ბურთი კარს. ობიექტურობა არ უნდა დავკარგოთ. ყველაფერი სწორად უწერიათ. ეს ფაქტია. მართალი გითხრა, მე "დილასგან" მეტს ველოდი, მით უმეტეს საკუთარ მოედანზე.
თამაზი
27 ივლისი 2020 01:57
6
აი ვერ ვხვდები რატომ წერთ ესე. რატომ მიაღწია, ანუ პირველადგილოსან გუნდთან მაინც ბათუმი იყო გასვლაზე ფავორიტი და პირიქით გორმა მიაღწია ფრეს? რამე ისეთს თამაშობს ბათუმი და ვერ ვხედავთ გულშემატკივარი, რომ ამ ჯერად პირველ ადილზე მყოფთან გასვლაზე მაინც ფავორიტია გეგუჩაძე?
გურამი
27 ივლისი 2020 01:09
2

სიახლეები პოპულარული