საქართველოს ფეხბურთის ფედერაცია თავისი საიტით იტყობინება, რომ 31 ივლისიდან ჩემპიონატის მატჩებზე გულშემატკივრებს დასწრების უფლება მიეცემათ:
"კრისტალბეთ ეროვნული ლიგის მერვე ტურიდან მაყურებელი სტადიონზე დაიშვება. გულშემატკივრის სტადიონზე შესვლა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებული პროტოკოლის მიხედვით მოხდება, რომელიც 30 ივლისს დამტკიცდა.
სამინისტროს მიერ გამოცემული რეკომენდაციების მიხედვით, სტადიონზე წინასწარ უნდა განისაზღვროს სტუმართა განთავსების ადგილები, ყოველი დაკავებული ადგილის შემდეგ იყოს ორი თავისუფალი ადგილი, იმგვარად, რომ ღონისძიებაზე დამსწრე პირთა მიერ დაკავებული ადგილების რაოდენობა არ აღემატებოდეს ადგილების საერთო რაოდენობის 33%-ს.
ამას გარდა, აუცილებელია თერმოსკრინინგის ჩატარება და სტადიონის ტერიტორიის სადეზინფექციო საშუალებებით უზრუნველყოფა.
სპორტულ ღონისძიებებზე სტადიონზე მაყურებლის დაშვების ინიციატივით საქართველოს მთავრობას სფფ-ის პრეზიდენტმა ლევან კობიაშვილმა მიმართა და გადაწყვეტილება უწყებათაშორისმა საკოორდინაციო საბჭომ 21 ივლისს გამართულ სხდომაზე მიიღო".
სამინისტროს მიერ გამოცემული რეკომენდაციების მიხედვით, სტადიონზე წინასწარ უნდა განისაზღვროს სტუმართა განთავსების ადგილები, ყოველი დაკავებული ადგილის შემდეგ იყოს ორი თავისუფალი ადგილი, იმგვარად, რომ ღონისძიებაზე დამსწრე პირთა მიერ დაკავებული ადგილების რაოდენობა არ აღემატებოდეს ადგილების საერთო რაოდენობის 33%-ს.
სპორტულ ღონისძიებებზე სტადიონზე მაყურებლის დაშვების ინიციატივით საქართველოს მთავრობას სფფ-ის პრეზიდენტმა ლევან კობიაშვილმა მიმართა და გადაწყვეტილება უწყებათაშორისმა საკოორდინაციო საბჭომ 21 ივლისს გამართულ სხდომაზე მიიღო".
ჩვენს, ქართული ფეხბურთის, თამაშებზე სიარულის სურვილი რატომ უნდა გქონდეს, ეს მიკვირს ზუსტად! ყველაფერი გემოვნების ამბავია და ყველას შეუძლია ის აკეთოს, რაც სიამოვნებს.
მე ქართველ გულშეკმატკივარს უფრო გემოვნებიანად ვთვლი. ვთვლი, რომ თამაშის საყურებლად რომ წახვალ უნდა ნახო კარგი დრიბლინგი, კარგი პასი, მეკარის განსაკუთრებული თამაში,სათამაშო ელემენტების მაღალ ტემპში ხარისხიანად შესრულება, კარგი საჯარიმო დარტყმა, კარგი ფინტი, კარგი მსაჯობა(!) და ა.შ. რითაც ლამაზია ეს სპორტის სახეობა.
ჩვენ რას ვხედავთ? შენელებულ ტემპში ყველაფრის (ან თითქმის ყველაფრის) უხარისხოდ შესრულებას. არ მომწონს სტადიონი მაყურებლით რომ არ ივსება- ფეხბურთი ხომ პირველ რიგში მაყურებლისთვისაა.
გსიამოვნებთ ამ ვაიფეხბურთელების ყურება ? -კი ბატონი! ისიამოვნეთ.
რა ფეხბურთს ვთამაშობთ და რა დონეც გვაქვს წლებია უკვე ჩანს - საკლუბო ფეხბურთი 1-2 ეტაპის მერე შვებულებას იწყებს საერთაშორისო დონეზე. ნაკრები კი წლებია 100 ის ბოლოში იკავებს ადგილს კონგო, მადაგასკარი, ლიბანის და მათი მსგავსი ნაკრებების გვერდით. ესეც მოგწონთ ? ღმერთმა ხელი მოგიმართოთ.
დაბოლოს, ზოგადად, მაყურებელი თამაშზე დადის სიამოვნება რომ მიიღოს. საქართველოს ჩემპიონატის თამაშზე ყურებით სიამოვნების მიღება ჩემთვის წარმოუდგენელია. მოგწონთ ? -წარმატებები !
ასე გაგრძელდება საფეხბურთო პანდემია წლები და ვისიამოვნოთ ამ ყოველივეთი..
ჩვენს ფეხბურთში 15-20 წელია პანდემიაა პირდაპირი მნიშვნელობით. მაყურებლად მხოლოდ ოჯახის წევრები თუ მივა თამაშზე და ე.წ. ფანკლუბი, რომელიც რაღაც ფორმით ფინანსდება. სულ ეს ვართ.
გარიგებული თამაშები, თამაშის მდარე ხარისხი, კლასის უქონლობა - მაინტერესებს ნეიტრალური გულშემატკივარი ასეთ თამაშებზე რატომ უნდა დადიოდეს ?
დღეს ფეხბურთი და ფეხბურთის ფედერაცია ერთეულებისთვის ფულის საკეთებლადაა. მორჩა და გათავდა.
ცუდი ისაა, საფეხბურთო პანდემია კიდევ 10-15 წელი რომ გაგრძელდება. მერე რა იქნება, საინტერესოა ?!