2 აგვისტოს, ეროვნული ლიგის მერვე ტურში ბათუმის "დინამომ" საკუთარ მოედანზე "სამტრედიას" 2:0 სძლია.
მასპინძლები პირველ ტაიმში გამუდმებით უტევდნენ, სტუმრები კი შეტევებში ხელის შეშლას ცდილობდნენ. 37-ე წუთზე ბათუმელმა გონსალვესმა ულამაზესი, შორეული დარტყმით ანგარიში გახსნა. შემდეგ გონსალვესის მიერ საჯარიმოდან ჩაწოდებულ ბურთს ნიქაბაძემ თქვენი მოწონებული მიუჩინა კულუას კარის ბადეში ადგილი, მაგრამ მსაჯმა ავაზაშვილმა მის მიერ ხელით თამაში დააფიქსირა და ყვითელი ბარათი უჩვენა.
მეორე ტაიმში თამაშის სურათი შეიცვალა, "სამტრედია" გააქტიურდა, მატჩმა ნერვული ხასიათი მიიღო, არბიტრმა ორივე გუნდის ფეხბურთელებს ჯამში 10 ყვითელი ბარათი უჩვენა. კომპენსირებულ დროში კი გაფრინდაშვილმაც დალაშქრა კულუას კარი და ზღვისპირულმა გუნდმა მნიშვნელოვანი გამარჯვება მოიპოვა.
ბათუმის "დინამო" 14 ქულით მესამე ადგილზეა, "სამტრედია" კი 8 ქულით მერვეზე.
9 აგვისტოს ბათუმის "დინამო" საჩხერეში "ჩიხურას" შეხვდება, ხოლო 11 აგვისტოს "სამტრედია" "საბურთალოს" უმასპინძლებს.
ბათუმი. "ანგისა"
დინამო (ბთ) - სამტრედია 2:0
გოლები: 1:0 გონსალვესი (37), 2:0 გაფრინდაშვილი (90+3)
დინამო (ბთ) (4-2-3-1): ალავიძე (კ), ნავალოვსკი, კობახიძე, ობაობონა, ტეიდი, ჯიღაური, გონსალვესი (თევდორაძე 90+1), მანჯგალაძე, მამუჩაშვილი, ფლამარიონი (რეინალდო 84), ნიქაბაძე (გაფრინდაშვილი 67)
მწვრთნელი: გეგუჩაძე
სამტრედია (4-4-1-1): კულუა, რუხაია, კილასონია (კ), თოთაძე, ჯგერენაია, კვირკვია, ქოჩლაძე, ყურბანოვი (ინკუმი 10), მესიაჩენკო (ახალაძე 74), დისი, იმნაძე
მწვრთნელი: კაჭარავა
![ეროვნული ლიგა. IX ტური. "დინამო" (ბთ) - "სამტრედია" [LIVE]](/pictures/image7/b8b64a4dfe961eb3b74374c7fba74d30.jpg "ეროვნული ლიგა. IX ტური. \"დინამო\" (ბთ) - \"სამტრედია\" [LIVE]")
![ეროვნული ლიგა. VIII ტური. "დილა" - "დინამო" (ბთ) [LIVE]](/pictures/image7/530669434f5d0e1a2474735763a227f9.png "ეროვნული ლიგა. VIII ტური. \"დილა\" - \"დინამო\" (ბთ) [LIVE]")
!["ტორპედომ" არაბიძის გარეშე თამაში შემოატრიალა - "იბერია 1999" გალიდერდა [VIDEO]](/pictures/image7/2331434d309fcdde7f920794f5ea7388.jpg "\"ტორპედომ\" არაბიძის გარეშე თამაში შემოატრიალა - \"იბერია 1999\" გალიდერდა [VIDEO]")
![ეროვნული ლიგა. VIII ტური. "სამტრედია" - "თელავი" [LIVE]](/pictures/image7/94986088e84492a1cea9c3490d5f171a.png "ეროვნული ლიგა. VIII ტური. \"სამტრედია\" - \"თელავი\" [LIVE]")
