ეროვნული ლიგის მე-12 ტურის გადადებულ მატჩში თბილისის "დინამომ" "საბურთალო" 3:1 დაამარცხა.
"დინამომ" თავიდანვე შეუტია, პაპავას დარტყმული ბურთი ცარიელი კარიდან ცნობილაძემ გამოიტანა, შემდეგ კი სამი უპასუხო გოლი გაუტანეს კუპატაძეს. 41-ე წუთზე მსაჯმა მეორე ყვითელი ბარათი უჩვენა პაპავას და "დინამო" რიცხობრივ უმცირესობაში დარჩა.
მეორე ტაიმში "საბურთალომ" კაცნაკლულ მეტოქეს შეუტია, ორი თერთმეტმეტრიანი მოიპოვა, რომელთაგან მარგველაშვილმა ერთი გამოიყენა და დამარცხდა.
თბილისის "დინამო" ლიდერ ბათუმის "დინამოს" 1 ქულით ჩამორჩება და თან 1 მატჩით ნაკლები აქვს ჩატარებული, "საბურთალო" კი 20
ქულით მეოთხე პოზიციაზე დარჩა.
28 ოქტომბერს თბილისის "დინამო" "ტორპედოს" უმასპინძლებს, ხოლო "საბურთალო" იმავე დღეს გასვლაზე "თელავს" დაუპირისპირდება.
დინამო (თბ) - საბურთალო 3:1
გოლები: 1:0 ნ. ქავთარაძე (12, პენ), 2:0 პაპავა (21), 3:0 ნ. ქავთარაძე (40), 3:1 მარგველაშვილი (71, პენ)
გაძევება: პაპავა (41)
გამოუყენებელი პენალტი: მარგველაშვილი (90+7)
დინამო (თბ) (4-4-2): კვასხვაძე, მონხილი, კობოური, ბენიო, ქიმაძე, იაშვილი (ტრუბოჩკინი 73), ქარდავა, კუხიანიძე (მექვაბიშვილი 60), პაპავა (კ), ნ. ქავთარაძე, პერნამბუკო (ორშულა 81)
მწვრთნელი: ჩისკო
საბურთალო (4-2-3-1): კუპატაძე, მალი, მარგველაშვილი (კ), გრიგალაშვილი (ნაზარე 83), კაკუბავა, ცნობილაძე (გოჩოლეიშვილი 46), ტერა, ალთუნაშვილი, ბუმალი, ბ. ქავთარაძე (მაჭარაშვილი 59), გულიაშვილი
მწვრთნელი: კორღალიძე
თბილისის "დინამო" თავდამსხმელებით - სხირტლაძით და კასტროთი გაძლიერდა
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
