დღეს გამოცხადდა, რომ 20 მარტს გასამართი ეროვნული ლიგის მეხუთე ტურის მატჩი "თელავსა" და თბილისის "დინამოს" შორის მასპინძელი გუნდის შემადგენლობაში შექმნილი ეპიდვითარების გამო გადაიდო და 26 მარტს ჩაინიშნა, თუმცა სფფ-ის რეკომენდაციით, შეხვედრა ჩატარდება, - ამის თაობაზე დედაქალაქური კლუბი თავისი "ფეისბუქის" გვერდით იტყობინება:
"თელავსა" და "დინამოს" შორის მატჩი აღარ გადაიდება, ვინაიდან ორივე გუნდის 8 ფეხბურთელი საქართველოს ახალგაზრდულ ნაკრებშია გამოძახებული, 26 მარტს თამაშის შემთხვევაში, კლუბები ფეხბურთელებს ნაკრებში ვეღარ მიავლენდნენ.
ნაკრების ინტერესებიდან გამომდინარე, ფედერაციის რეკომენდაციით, შეხვედრა არსებული რესურსით 20 მარტს თელავში გაიმართება".