ქუთაისის "ტორპედო" ბერძენი ნახევარმცველით გაძლიერდა - კლუბის ოფიციალური გვერდის ცნობით, მათ რიგებს ვასილიუს კარაგუნისი დაიცავს. 27 წლის ფეხბურთელი "ოლიმპიაკოსის" წევრი იყო, თუმცა ბერძნულ გრანდში არ უასპარეზია - სხვადასხვა კლუბში ("არისი", "რეჯინა", აელი") ანათხოვრებდნენ. ამის შემდეგ "ირაკლისში" გადაბარგდა, ბოლოს კი "ერმისში" გამოდიოდა. კარაგუნისი საბერძნეთის 17 და 19-წლამდელთა ნაკრებში თამაშობდა.
![Sportall.Ge](/pictures/artimages/original/b695e726c9934114d02926e463aa16cb.jpg ""ტორპედო" ბერძენი ფეხბურთელით გაძლიერდა")
Transfermarkt-ი ქუთაისელთა ახალწვეულის საბაზრო ღირებულებად 250 ათას ევროს უთითებს.
კახა ჩხეტიანის "ტორპედო" უახლოეს მატჩში, 12 სექტემბერს, "დილას" ესტუმრება. "ტორპედო" ეროვნულ ლიგაში 19 ქულით ბოლოსწინა, მე-9 ადგილს იკავებს.
![alt](/pictures/image50/80ab8daf069187d186483ce71c096d53.jpg ""ტორპედო" ბერძენი ფეხბურთელით გაძლიერდა")
"ტორპედომ" კიდევ ერთი ფეხბურთელი დაიბრუნა