ბათუმის "დინამოს" პრეზიდენტმა აჩი ბერიძემ გადაცემაში "სპორტი იმედზე" ჩემპიონობის შემდეგ გუნდის ევროტურნირების მიზნებზე ისაუბრა.
"გია გეგუჩაძე არის ერთადერთი მწვრთნელი, რომელმაც ქართული გუნდი ევროსარბიელზე გაიყვანა და დარწმუნებული ვარ, რომ ის ამას თბილისის "დინამოს" შემდეგ ბათუმის "დინამოშიც" მიაღწევს.
ამ მიზანს 2018 წლიდან მოვყვებოდით და საბოლოო შედეგის მისაღწევად კიდევ დიდი შრომაა საჭირო. გუნდი ძალიან გაიზარდა, ფინანსურად ჩამოყალიბდა... არ შემიძლია არ აღვნიშნო ლადო დვალიშვილის ფაქტორი, რომელმაც ბატონ გია გეგუჩაძესთან ერთად დიდი სამუშაო გასწია და ვფიქრობ, რომ მათი ტანდემი მომავალი რადენიმე წლის განმავლობაში საქართველოს საკლუბო
ფეხბურთში საუკეთესო იქნება.
უნდა ვიშრომოთ ბევრი, მოვიზიდოთ ფინანსები და არაფერი შეუძლებელი არ არის! ჩემი ოცნებაა ბათუმის "დინამო" ჩემპიონთა ლიგის ჯგუფურ ეტაპზე ვიხილო... ფეხბურთში რაც ჩავიფიქრე და მინდოდა, რომ გამეკეთებინა, ეს არის ჩემი გუნდის სწორედ ჩემპიონთა ლიგაზე ნახვა და ამისთვის ყველაფერს გავაკეთებთ.
ყველას გვესმის, რომ ამას დიდი სამუშაოს გატარება სჭირდება. ყველაფერი კომპლექსურად არის: მინდვრები, სტაფი, ფინანსები... მთავარია, რომ მენეჯმენტში მიმდინარეობდეს ყველაფერი სწორად, გათვლები გავაკეთოთ და მიზანიც სწორად დავისახოთ", - ამბობს აჩი ბერიძე.
![მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის "დინამოსთან" [VIDEO]](/pictures/image7/7e332ca7afe2eb96a9cc4641f944e2f0.jpg "მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის \"დინამოსთან\" [VIDEO]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "კოლხეთი" - "დინამო" (ბთ) [LIVE]](/pictures/image7/148bb768a167b56e5d5e61d30e74b260.jpg "ეროვნული ლიგა. X ტური. \"კოლხეთი\" - \"დინამო\" (ბთ) [LIVE]")
![ეროვნული ლიგა. IX ტური. "დინამო" (ბთ) - "სამტრედია" [LIVE]](/pictures/image7/b8b64a4dfe961eb3b74374c7fba74d30.jpg "ეროვნული ლიგა. IX ტური. \"დინამო\" (ბთ) - \"სამტრედია\" [LIVE]")
ესეც კიდევ ერთი მახინჯი ფორმაა, როცა ამდენი კერძო სპონსორის ფული იხარჯება კლუბზე რომელიც არაა კერძი კომერციული საკუთრება.