სანაკრებო პაუზის შემდეგ ეროვნული ლიგა მე-17 ტურით დაბრუნდა. ერთი შეხვედრა უკვე შედგა - "თელავმა" გორის "დილასთან" ქულები გაიყო (0:0). დანარჩენი მატჩები დღეს, 16 ივნისს, გაიმართება.ხვიჩა კვარაცხელია ბათუმის "დინამოსთან" ერთად ისევ "დინამო არენაზე" ბრუნდება, სადაც ეროვნული ნაკრების შეხვედრები გამართა. საფიქრებელია, დატვირთული სანაკრებო დაპირისპირებების შემდეგ გია გეგუჩაძე "კვარას" დასვენების საშუალებას ხომ არ მისცემს?! თანაც, გავრცელებული ინფორმაციით, ხვიჩა 1-ელ ივლისს უკვე "ნაპოლის" წევრი გახდება და ბათუმური კლუბი ევროტურნირებისთვის მის გარეშე თამაშს უნდა შეეჩვიოს.
35 ქულით ეროვნული ლიგის ლიდერი ბათუმის "დინამო" "გაგრას" ესტუმრება.
ეროვნული ლიგის ლიდერს საქართველოს ეროვნულ ნაკრებში 8 ფეხბურთელი ჰყავდა მივლენილი და შემადგენლობაში როტაცია მოსალოდნელია.
შეხვედრა 18 სააათზე დაიწყება.
ამავე დროს, მეორეადგილოსანი თბილისის "დინამო", რომელიც ლიდერს 3 ქულით ჩამორჩება, სანაკრებო პაუზამდე მშვენიერ ფორმაში მყოფ "სამგურალს" ესტუმრება. გამარჯვების შემთხვევაში, წყალტუბოელებს დღევანდელი მეტოქისთვის ცხრილში გადასწრება შეუძლიათ.
სხვა მატჩები: "ლოკომოტივი" - "საბურთალო" (18:00 სთ), "ტორპედო" - "სიონი" (21:00 სთ).
ეროვნულ ლიგაში ივნისის ბოლომდე 3 ტური გაიმართება, ამის შემდეგ კი ქართული კლუბები ევროტურნირებში ჩაერთვებიან, ჩემპიონატი კი 13 აგვისტოს განახლდება.
![alt](/pictures/image50/e63367a96a3db96ab867858abf1d62de.jpg "კვარაცხელია "დინამო არენაზე" ბრუნდება - საინტერესო მატჩები ეროვნულ ლიგაში")
რა შანსი აქვს ბათუმის "დინამოს"? - ვაისის და ქართველების "სლოვანი" ახლო ხედით
![alt](/pictures/image50/16f2660fabb8c31a945953947a4ccb0f.jpg "კვარაცხელია "დინამო არენაზე" ბრუნდება - საინტერესო მატჩები ეროვნულ ლიგაში")
ითამაშებს კვარაცხელია "სლოვანთან"? - ბათუმის "დინამოს" სპორტული დირექტორის ექსკლუზიური კომენტარი
