თბილისის "დინამომ" ახალი მწვრთნელის გიორგი ჭიაბრიშვილის ხელმძღვანელობით ივარჯიშა, 20 ივნისს კი ეროვნული ლიგის მე-18 ტურში "გაგრას" დაუპირისპირდება. კლუბის საიტთან პირველი კომენტარი ჭიაბრიშვილმა გააკეთა:
"ზოგადად პირველი დღე მნიშვნელოვანია. როდესაც "დინამოში" მოდიხარ, ეს პირველი დღე ემოციებით ძალიან დატვირთულია. ბედნიერი ვარ, კარგი გარემო დამხვდა, კარგი ადამიანები, სტაფი, მომსახურე პერსონალი ხელმძღვანელობასთან ერთად.
აქ მუშაობა ბედნიერება და ამავე დროს დიდი პასუხისმგებლობაა. ეს მე გათვითცნობიერებული მაქვს. ესაა სამუშაო, რომელიც რთული და სასიამოვნოა. დანარჩენს უკვე ყოველდღიურად ვნახავთ, როგორ იქნება. მთავარია "დინამომ" თავისი ტრადიციული, ლამაზი, ლაღი თამაში აჩვენოს
და ვეცდებით ამას მალე მივაღწიოთ.
როცა "დინამოში" ხარ, მიზანი ერთია - უნდა გახვიდე და ეცადო გაიმარჯვო და გაიმარჯვო".
გიორგი ჭიაბრიშვილი თბილისის "დინამოს" მწვრთნელია
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
