გვილია, კანკავა, აბურჯანია, კვეკვესკირი... - რომელი მოხვდება ვაისის სქემაში?

მჭედლიძის კლასი, ქვილითაიას ალღო, კაჭარავას პარამეტრები - ვის აირჩევს ვაისი?

მეკარეების დიდი კონკურენცია საქართველოს ნაკრებში - ვინ იქნება პირველი ნომერი?

როგორც იცით, ვაისი თითქმის ყოველთვის ორი საყრდენი ნახევარმცველით თამაშობს, თუმცა არსებობს გამონაკლისებიც. რა არჩევანი გვაქვს ცენტრალური ნახევარდაცვის ზონაში, გთავაზობთ ხუთეულს:

5. ლაშა პარუნაშვილი -

ლაშა პარუნაშვილი "ესბერგის" თვის საუკეთესო ფეხბურთელად აღიარეს

4. ნიკა კვეკვესკირი - 25 წლის - 700 000 ევრო (ტრანსფერმარკეტი) - "ტობოლი" (ყაზახეთი) - სიმაღლე 184 სმ
ნიკას საქართველოს ნაკრების 15 შეხვედრაში აქვს მონაწილეობა მიღებული. მისი დებიუტი გიბრალტართან კახაბერ ცხადაძის ხელმძღვანელობის დროს შედგა. აღსანიშნავია ისიც, რომ ამ შეხვედრაში მან 2 საგოლე გადაცემა გააკეთა.

კვეკვესკირი, ალბათ, ჩვენს ხუთეულში მოწინავე პოზიციაზე იქნებოდა, ევროპული კარიერა რომ აერჩია და თავისი ნიჭი სათანადოდ გამოეყენებინა. თუმცა ამ ეტაპზე რასაც ვხედავთ, ის არის, რომ მან მოუკლო და ეს არც ფეხბურთელისთვის, მით უმეტეს, არც ნაკრებისთვის არ არის კარგი.

3. გიორგი აბურჯანია - 23 წლის - 800 000 ევრო (ტრანსფერმარკეტი) - "ლუგო" (ესპანეთი) - სიმაღლე 183 სმ
აბურჯანიამ "სევილიის" მეორე გუნდში საკმაოდ დიდი დრო დაკარგა, სადაც მას ძალიან მცირე სათამაშო პრაქტიკა ჰქონდა. "ხიმნასტიკიდან" წასვლა მის კარიერაში ერთ-ერთი ყველაზე დიდი შეცდომა გამოდგა, თუმცა ძნელია, უარი თქვა "სევილიაში" მოხვედრის პერსპექტივაზე.

დღესდღეობით ის "ლუგოშია" განათხოვრებული და გალისიურ კლუბს სეზონის დასრულების შემდეგ მისი კონტრაქტის გამოსყიდვის უპირატესი უფლება ექნება.

მისი დებიუტი საქართველოს ნაკრებში ვლადიმირ ვაისის სადებიუტო შეხვედრაში შედგა. მან ყაზახეთთან ამხანაგურ შეხვედრაში ძირითად შემადგენლობაში დაიწყო. მას შემდეგ აბურჯანიამ საქართველოს ნაკრების კიდევ 9 შეხვედრაში ითამაშა.

თუ აბურჯანიას ესპანურ კლუბში სრული სათამაშო პრაქტიკა ექნება და თავის კონდიციებს დაიბრუნებს, მაშინ მას საქართველოს ნაკრების ძირითადში თამაში შეუძლია, თუმცა ამ ეტაპზე ყაზახეთთან, ალბათ, სასურველია, სათადარიგო შემადგენლობაში იყოს.

2. ჯაბა კანკავა - 32 წლის - 1 მილიონი ევრო (ტრანსფერმარკეტი) - "ტობოლი" (ყაზახეთი) - სიმაღლე 178 სმ
არც საქართველოს ნაკრები და არც ჩვენი ნაკრების კაპიტანი არ იმსახურებს, რომ "ტობოლში" თამაშობდეს, მაგრამ გადაწყვეტილებას ფეხბურთელი იღებს და არა რომელიმე გულშემატკივარი ან ჟურნალისტი. საფრანგეთის ლიგა 1-დან ყაზახურ კლუბში გადასვლა არცთუ სასიამოვნო და მისაღები ფაქტია.

საქართველოს ნაკრების კაპიტანს პირველად ნაკრებში ალან ჟირესის დროს უხმეს. მისი დებიუტი 2004 წელს ალბანეთის წინააღმდეგ (2:0) შედგა და ის მეორე ტაიმში ჩაერთო შეხვედრაში. ჯაბას საქართველოს ნაკრებში 73 მატჩი აქვს ჩატარებული და 7 გოლი გატანილი.

საყრდენ ზონაში კანკავა ყველაზე გამოცდილია. ამავდროულად, ზედმეტად ხისტია, რასაც მშვენივრად იყენებს მის სათამაშო პრაქტიკაში და საკმაოდ აგრესიულად შეიძლება ჩაუშალოს მეტოქეს მომზადებული კომბინაცია. მიუხედავად ყველაფრისა, ამ ფორმაციის ნაკრები ჯაბას გარეშე წარმოუდგენელია.

1. ვაკო გვილია - 24 წლის - 1.250.000 ევრო (ტრანსფერმარკეტი) - "ლუცერნი" (შვეიცარია) - 1.82 სმ
"ლუცერნის" ფანებმა როცა ნახეს, მწვრთნელმა ვაკო გვილია სათადარიგო შემადგენლობაში დატოვა, ერთი ამბავი მოაწყვეს. გვილიამ საკუთარი თავი შვეიცარიაშიც გამოავლინა და რაც ყველაზე მთავარია, ის გამუდმებით პროგრესირებს.

გვილია საქართველოს ნაკრებში, ალბათ, ერთ-ერთი ყველაზე პერსპექტიული ფეხბურთელია და მას ნამდვილად ძალუძს ერთი წლის შემდეგ უკეთეს ჩემპიონატსა და გუნდში ითამაშოს.

გამოსარჩევია მისი პასის კულტურა, აქტიურობა და რაც მთავარია, უკანა ხაზის დახმარება. მის გარეშე ამ ფორმაციის ნაკრები წარმოუდგენელია. მისი თამაში ერთ-ერთი მთავარი ფაქტორი იქნება ერთა ლიგაზე წარმატების მიღწევისთვის.

მისი დებიუტი 2016 წელს, ირლანდიასთან შეხვედრაში (0:1) შედგა, მას შემდეგ კი მან, ჯამში, 13 შეხვედრაში მიიღო მონაწილეობა.

ვაკო გვილიამ და "ლუცერნმა" ჯავრი "გლანდზე" იყარეს