არის პირველი გამარჯვება! არის პირველი 3 ქულა!
გილოცავთ!
კარგი დასაწყისი საქმის ნახევარიაო და ერთა ლიგაზე ჩატარებულ პირველ შეხვედრას უდიდესი მნიშვნელობა ჰქონდა. მას უნდა დაენახვებინა ყველასთვის, თუ რისი შემძლენი არიან "ჯვაროსნები" და რამდენად ობიექტურია ქართველი გულშემატკივრების უმრავლესობის ოპტიმიზმი, რომელმაც ყაზახების გაღიზიანება გამოიწვია.
ყაზახების უპირატესობა საკუთარ მოედანზე თამაში იყო და ისინი შეხვედრის წინ აცხადებდნენ, რომ საქართველოს ნაკრები ე.წ საშინაო გუნდია.
რა თქმა უნდა, ასტანას სტადიონის ხელოვნურ, ძალზედ სპეციფიკურ მოედანზე თამაში მასპინძელთათვის უფრო ადვილი გახლდათ, რადგან ასეთ საფარზე ასპარეზობას მიჩვეულნი არიან.
მასპინძელთა გუნდის მწვრთნელმა სტანიმირ სტოილოვამა აზერბაიჯანთან მოგებულ მატჩის სასტარტო შემადგენლობასთან შედარებით ერთადერთი ცვლილება განახორციელა - ტუნგიშბაევის ნაცვლად ჟუკოვი გაიყვანა მოედანზე. შეგახსენებთ, აზერებაიჯანელები ყაზახებმა 3:0 დაამარცხეს და მე-14 წუთზე 2:0 დაწინაურდნენ.
რაც შეეხება საქართველოს ეროვნული გუნდის მწვრთნელის ვლადიმირ ვაისის მიერ შერჩეულ თერთმეტეულს, მოულოდნელობა გახლდათ ძირითადში კვეკვესკირის დაყენება. თუმცა, ეს ალბათ, უფრო იმით იყო განპირობებული, რომ ის ყაზახეთის ჩემპიონატზე ასპარეზობს და იქაურ ფეხბურთს კარგად იცნობს. მოკლედ, ვაისმა 4-2-3-1 ტაქტიკა აირჩია.
მასპინძლებმა თავიდანვე შეუტიეს და მე-6 წუთზე საჯარიმოს უფლება მოიპოვეს, რომელიც ისლამხანმა არაზუსტად შეასრულა. ჩვენმა გუნდმა ყაზახთა პირველი შეტევები მოიგერია და იქით დაიწყო იერიშების მიტანა - ხიფათის გარეშე. ორივე გუნდმა ერთმანეთს ზონები გადაუკეტა და ნაკლებად სანახაობრივი, თანაბარი თამაში წავიდა.
21-ე წუთზე კვეკვესკირმა შორიდან დაარტყა ბურთი, მაგრამ მეკარემ მოიგერია. შემდეგ კი ჩაკვეტაძის წამოწყებული შეტევა ჩვენმა გუნდმა გოლით ვერ დააგვირგვინა - ბურთი მცველმა ზედ კარის ხაზიდან გამოიტანა.
31-ე წუთზე კინაღამ გოლი ლორიას შეცდომის შედეგად გავუშვით, რომელმაც ბურთი უხეიროდ მოიგერია, მასპინძელთა თავდამსხმელმა დაარტყა და ნავალოვსკიმ აკრობატულ ნახტომში გადაგვარჩინა.
მეორე ტაიმი ყაზახეთის ნაკრების შეტევებით დაიწყო, ცენტრალურმა მცველებმა პოზიციური შეცდომა დაუშვეს და შეტკინს დარტყმისას ხელი ნავალოვსკიმ შეუშალა, რომელმაც დაზღვევაზე ითამაშა.
59-ე წუთზე ყაზაიშვილმა მერებაშვილი მეკარეს პირისპირ შეჰყარა, მაგრამ მან მისი მოტყუება სცადა, რაც არ გამოუვიდა და ჩინებული მომენტი დაიკარგა.
ერთი სიტყვით, ერთ შეცდომამდე წავიდა თამაში.
65-ე წუთზე ვაისმა ქვილითაია გვილიათი შეცვალა და შემადგენლობა უფრო დაცვითი გახადა. მასპინძლები უპირატესობას დაეუფლნენ და კონტრშეტევაზე ჩაკვეტაძემ ბრწყინვალე გოლი გაიტანა. გოლი და რა გოლი! აი, ესაა რასაც ჰქვია ფეხბურთელი, რომელსაც მარტოს შეუძლია მატჩის ბედი გადაწყვიტოს.
მერე ლორიამ ოდნავ მახვილი კუთხიდან მოიგერია ბურთი, კონტრშეტევაზე ისევ ჩაკვეტაძე გაიჭრა, ყაზაიშვილს უპასა, მის დარტყმულ ბურთს კი მალიმ საკუთარი კარის ბადეში მიუჩინა ადგილი.
დარჩენილ დროში სტოილოვის შეგირდებმა უშედეგოდ შეგვიტიეს და საქართველოს ნაკრებმა გაიმარჯვა, ჩაკვეტაძემ კი ტურნირზე პირველი გოლი გაიტანა და ისტორიაში შევიდა.
ასტანა. "ასტანა არენა". 28 736 მაყურებელი
ყაზახეთი - საქართველო 0:2
გოლი: 0:1 ჩაკვეტაძე (69), 0:2 მალი (საკ. კარში)
ყაზახეთი: ერიჩი, მალი, პოსტნიკოვი, კუატი (ტურისბეკი 75), მუჟიკოვი, ისლამხანი (ზაინუტდინოვი 81), ჟუკოვი, შეტკინი, მურტაზაევი (სეიდახმეტი 88), შომკო, ბეისებეკოვი
საქართველო: ლორია, კაკაბაძე, კაშია, კვირკველია, ნავალოვსკი, კვეკვესკირი, კანკავა, ყაზაიშვილი (ხოჭოლავა 84), ქვილითაია (გვილია 65), მერებაშვილი, ჩაკვეტაძე (ოქრიაშვილი 74)
ვლადიმირ ვაისი: იდეალურად არ გვითამაშია, მაგრამ მთავარი მეტოქე სტუმრად დავამარცხეთ
სტანიმირ სტოილოვი: საქართველო ფავორიტად რჩება - ომი არ დასრულებულა
ნენად ერიჩი: საქართველომ დამსახურებულად გაიმარჯვა
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
ნახევარი საქართველო და ყველა ქომაგი მიხვდა რომ შეცდომა დაუშვა შემადგენლობის დაყენებისას და შეცვლებისას, არ მინდა გვარების დასახელება, რომ ბიჭებს გული არ ვატკინე, იმიტომ რომ ყველამ გულით და სულით ითამაშა და გაგვახარა საბოლოოდ, მადლობა თქვენ ამისათვის, გენაცვალეთ, მაგრამ.....
მაგრამ არ მინდა რომ თავში აგვივარდეს ცუდი თამაშით მოპოვებული ქულები და ეს გამარჯვება უბრალო გამონაკლისად დარჩეს, ამ თამაშით არანაირი შანსი არ ვექნება პლეი-ოფებში ბელორუსთან და მომაგრებულ სომხებთანაც და ხომ უნდა დავიხოცოთ ყველა ნერვიულობით ამ ჩვენს ,,მოძმეებთან" რომ დავმარცხდეთ და დაგვასხან თავს ლაფი!!!! ხოდა ეს რომ არ დაგვემართოს ამიტომ არი საჭიროა რაღაცეების შეცვლა ბ-ნო ვაისს,
დ კიდევ ეს რა უბედურებაა და რომელმა მოურინიო-კაპელომ დაადგინა რომ მე-60-65-ე წუთამდე არ უნდა შეცვალო არავინ, რომ ხედავ შე დალოცვილო ვერ ქაჩავს დღეს ეს კაცი, შეცვალე რა მეორე ტაიმისათვის, მით უმეტეს გყავს მისი შემცვლელები სკამზე!
თან ყველა ხედავს ვინ ვერ ქაჩავს ამ მომენტისათვის და რაღა მწვრთნელი ვერ ხედავს?!
მაინდამაინც თქვენ უნდა მამკლათ ნერვიულობით?!!!
ხოდა აბა თქვენ იცით ბიჭებო! გენაცვალეთ! ზეგ შევხვდებით სტადიონზე!
პ.ს. ლატვია ძაან სუსტია წელს, უეჭველად უნდა მოვუგოთ და შესაძლებელია მოვუგოთ ლამაზი თამაშით, მაგრამ დღევანდელი ლატვია საზომად არ გამოგვადგება მეგობრებო, ასე რომ საზეიმო ჯერ ბევრი არაფერი გვაქვს, სამუშაო კი როგორც თამაშმა აჩვენა ძალიან ბევრი!
ვულოცავ ნაკრებს და საქართველოს ამ პირველ და ძალიან მნიშვნელოვან გამარჯვებას.გამარჯვების ბედი ფეხბურთელთა ინდივიდუალურმა ოსტატობამ გადაწყვიტა,მთლიანად ნაკრები კი ძალიან ფრთხილად და დისციპლინირებულად თამაშობდა.ეს ვფიქრობ პლიუსში უნდა ჩავუთვალოთ და აქ ჯდება მერებაშვილის თამაშიც.გიორგის თამაში არ არის მკაცრად ფლანგზე თამაში,იგი ცენტრშიც შედის ხოლმე და ამ დროს არის მაქსიმალურად პროდუქტიული.აქ კი ალბათ დავალებიდან გამომდინარე ცენტრისაკენ არ იწევდა და სივრცეს არ ტვირთავდა.ასე რომ მას სასაყვედურო შეიძლება მხოლოდ არა მწვავე ჩაწოდებები ჰქონდეს.მისი არ შეცვლა ალბათ ფიზიკური გამძლეობიდან გამომდინარეობდა,უბრალოდ სხვები უფრო დაიღალნენ და თანაც მწვრთნელმა დაცვა გააძლიერა.პირადად მე ყველაზე უფრო ნავალოვსკის თამაშის მეშინოდა,მინსკის დინამოს შემადგენლობაში ზენიტთან მეორე მატჩში ვუყურე და საშინელ ფორმაში იყო.საბედნიეროდ, აქ გიორგიმ დაცვაში ალბათ ყველაზე კარგად ითამაშა და შეტევაშიც ჩაკვეტაძესთან საკმაოდ კარგად ურთიერთქმედებდა.შეიძლება ითქვას რომ გიორგიმ ორი გოლი გამოგვაძრო.
სხვა ნაკრებებთან ჩვენ ცალსახა ფავორიტები ვართ და ამ თამაშებში ალბათ შედეგთან ერთად თამაშის ხარისხის გაუმჯობესებაზე უნდა ვიფიქროთ.აქ ვიღაცა სწერდა,სომხებიც მოგვიგებენო,გუშინ ცოტა ხანს ვუყურე და საცოდაობაა სომხეთის ნაკრები.ათკაცა ლიხტენშტეინი, თამაშის ბოლოს, იქით უტევდა სომხებს და მხოლოდ 1-2 წააგეს.