23 მარტს, ევროპის პირველობის შესარჩევ ეტაპზე საქართველოსა და შვეიცარიის ნაკრებების მატჩის პირველი ტაიმი 0:0 დასრულდა.
კარგა ხანია საქართველოში ასეთი მაღალი კლასის გუნდი არ ჩამოსულა, ტურნირის სტარტზე და მით უმეტეს ერთა ლიგაზე ჯგუფში ჩვენი ნაკრების გამარჯვების შემდეგ კი, შეხვედრისადმი ინტერესი საოცრად დიდია.
სტადიონი თითქმის ბოლომდე გაივსო და ჰიმნის ემოციურად შესრულების შემდეგ, მატჩიც დაიწყო.
"ჯვაროსნების" მწვრთნელმა ვლადიმირ ვაისმა სასტარტო შემადგენლობაში მოულოდნელად კვირკველიას ნაცვლად ხოჭოლავა დააყენა, ტაქტიკა კი 4-2-3-1 აირჩია.
მატჩი სტუმართა შეტევებით დაიწყო და მე-5 წუთზე ლორიას მახვილი კუთხიდან როდრიგესის დარტყმული ბურთის
მოგერიება მოუხდა. ამის შემდეგ თამაში გათანაბრდა და ჩვენმა გუნდმა მეტოქის ნახევარზე აიწია.
მოედანზე თავადაუზოგავი ბრძოლა მიმდინარეობდა, 24-ე წუთზე ტაბიძემ და შერმა ერთმანეთთან შეჯახებისას ტრავმა მიიღეს და რამდენიმე წუთით თამაში გაჩერდა.
30-ე წუთზე ჯაკას მიერ დარტყმული ბურთი კანკავას მოხვდა და რიკოშეტით ოდნავ ასცდა ლორიას კარს.
44-ე წუთზე გვილიას კარგი პასი ვერ გამოიყენა ყაზაიშვილმა - მისი დარტყმული ბურთი მეკარემ აიღო.
თბილისი. "დინამო არენა"
საქართველო -შვეიცარია 0:0
საქართველო: ლორია, კაკაბაძე, ხოჭოლავა, კაშია, ტაბიძე, კვეკვესკირი, კანკავა, ყაზაიშვილი, ანანიძე, გვილია, ქვილითაია
შვეიცარია: სომერი, ლიხტშტაინერი, აკანჯი, შერი, ფროილერი, ჯაკა, როდრიგესი, ზუბერი, ზაკარია, გავრანოვიჩი, ემბოლო
შვეიცარია: სომერი, ლიხტშტაინერი, აკანჯი, შერი, ფროილერი, ჯაკა, როდრიგესი, ზუბერი, ზაკარია, გავრანოვიჩი, ემბოლო
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
