საქართველოს ნაკრები 8 სექტემბერს, ევრო 2020-ის შესარჩევის ფარგლებში, თბილისში დანიის ნაკრებს შეხვდება. თუმცა მანამდე, 5 სექტემბერს, შეიძლება სტამბულში სამხრეთ კორეის ნაკრებს დაუპირისპირდეს.როგორც მოგეხსენებათ, შესარჩევში ჩვენი ჯგუფი 5-გუნდიანია. შესაბამისად, 5 სექტემბერს საქართველოს ნაკრებს თავისუფალი სათამაშო დღე აქვს.
როგორც ჩვენთვის ცნობილია, მიმდინარეობს მოლაპარაკებები სამხრეთკორეელებთან და მალე შესაძლებელია ეს ინფორმაცია ოფიციალურად დადასტურდეს.
დაპირისპირების ადგილი კი თურქეთის ქალაქი სტამბული იქნება. აქამდე საქართველოს ნაკრები სამხრეთკორეელებს არასდროს დაპირისპირებია.
რაც შეეხება ნაკრების შემადგენლობას, ვლადიმირ ვაისის სია მომდევნო კვირაში გამოქვეყნდება.
გიორგი ჩაკვეტაძე: სავარაუდოდ, 6 თვეში დავიწყებ თამაშს
