ევროპის ჩემპიონატის საკვალიფიკაციო ეტაპის ფარგლებში ირლანდიის ნაკრებთან გამართული შეხვედრის შემდეგ საქართველოს ეროვნული გუნდის ვიცე-კაპიტანმა გურამ კაშიამ კომენტარი გააკეთა. "არა მგონია ამ შეხვედრის შემდეგ საუბარი მაინცა და მაინც პრობლემაზე ყურადღების გამახვილებით უნდა დავიწყოთ. წინ უმნიშვნელოვანესი მატჩები გველის და არა მგონია ნეგატიური განწყობა დაგვეხმაროს. მაქსიმალურად უნდა ვეცადოთ, რომ ყველა დადებით განწყობაზე დარჩეს, რათა მიზანის ერთად მივაღწიოთ.
მატჩი არ წაგვიგია, საკმაოდ ღირსეული თამაში ვანახეთ. მართალია ბევრი მომენტი ვერ შევქმენით, თუმცა, მთლიანობაში თამაშს ვაკონტროლებდით. შეხვედრაში უკეთესი მხარე ჩვენ ვიყავით, თუმცა გოლი ვერ გავიტანეთ და
ბოლო ორ შეხვედრას თუ ავიღებთ, შეგვიძლია ვთქვათ, რომ დაცვაში თამაში გავაუმჯობესეთ. გუნდურად სოლიდურად ვიცავთ თავს და ეს მართლაც პოზიტიურია. შეგვეძლო ირლანდიის დამარცხება, გვყავს ინდივიდუალურად ძლიერი ფეხბურთელები, რომლებსაც მიმენტების შექმნა თავად შეუძლიათ, თუმცა დღეს ეს არ გამოვიდა.
ვთვლი, მოედანზე საუკეთესო 11 მოთამაშე იყო. ტრავმირებულები არ გვყავდა და დღევანდელი სათამაშო ფორმის გათვალისწინებით, ყველაზე კარგებმა ითამაშეს.
თამაშის წინათ და მიმდინარეობისას მხოლოდ მოგებაზე ვფიქრობდით, არ ყოფილა მომენტი, როცა შეიძლებოდა დაგვეშვა რომ მატჩს წავაგებდით. ვეცადეთ მაღალი პრესინგის თამაში, რაც ვთვლი, რომ ძირითადად გამოგვივიდა კიდეც. თუმცა, ჩვენს თამაშში ერთადერთი ნეგატივი მომენტების ნაკლებობა იყო, გუნდური მოქმედებებით უფრო მეტი მომენტი უნდა შევქმნათ."
საქართველოს ნაკრები ირლანდიასთან ფრეს დასჯერდა [VIDEO]
ვლადიმირ ვაისი: გოლის გასატანად შეტევაში მეტი აგრესია გვჭირდება
ირლანდიელთა თავკაცი: ვერ ვიტყვი, რომ გულდაწყვეტილი ვარ
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
