ამ დილით საქართველოს ნაკრები შვეიცარიასთან ევროშესარჩევი ციკლის მატჩის ჩასატარებლად სენტ-გალენში ჩავიდა, თუმცა იქაურ პრესას ამისათვის ყურადღება საერთოდ არ მიუქცევია, მხოლოდ თავიანთი ეროვნული გუნდის შესახებ ავრცელებენ ინფორმაციას. პრესკონფერენციაზე შვეიცარიელთა მწვრთნელმა ვლადიმირ პეტკოვიჩმა მოკლედ ისაუბრა "ჯვაროსნების" შესახებ. თქვა, რომ თბილისში ადვილად არ მოუგიათ და დარჩენილ ორ შეხვედრაში აუცილებლად გამარჯვება უნდა იზეიმონ.
blick-ი აღნიშნავს, რომ სხვადასხვა მიზეზის გამო გუნდს რამდენიმე წამყვანი ფეხბურთელი ვერ დაეხმარება და სასტარტოში იქნება "იანგ ბოიზის" ნახევარმცველი კრისტიან ფასნახტი. გამოცემა სავარაუდო შემდგენლობას ასახელებს.
მეკარე კვლავ იან ზომერი იქნება. დაცვაში გუნდს
ვერ დაეხმარებიან ფაბიან შერი და ტიმ კლოზე. სავარაუდოდ, პეტკოვიჩი 5 ნომინალურ მცველს დააყენებს: შტეფან ლიხტშტაინერი, ნიკო ელვედი, მანუელ აკანჯი, რიკარდო როდრიგესი და ლორის ბენიტო. ამათგან ერთ-ერთი უთუოდ ნახევარდაცვაში გაირჯება.
საყრდენების პოზიციაზე გრანიტ ჯაკას და დენის ზაკარიას ვიხილავთ. შერდან შაკირის და ბრილ ემბოლოს არყოფნის გამო თავის გამოჩენის საშუალება ჯიბრილ სოუს და ფასნახტს მიეცემათ.
თავდასხმაში ჰარის სეფეროვიჩი ითამაშებს და შესაძლოა, პეტკოვიჩმა მას სედრიკ იტენი შეუწყვილოს, რომელიც იმ გუნდის ღირსებას იცავს, რომლის სტადიონზეც ჩატარდება მატჩი.
გურამ კაშია: შევეცდებით შვეიცარიას საქმე მაქსიმალურად გავურთულოთ
ოთარ კაკაბაძე: ჩვენი მიზანი სანახაობრივი ფეხბურთის ჩვენება და გამარჯვებაა
ვლადიმირ ვაისი: დაცვიდან თამაშს არ ვაპირებთ - სიურპრიზის შეთავაზება შეგვიძლია
შვეიცარიის ნაკრებმა საქართველოს წინააღმდეგ გასამართი მატჩისთვის შემადგენლობა დაასახელა
შვეიცარიისა და საქართველოს ნაკრებების მატჩზე ანშლაგი იქნება - ყველა ბილეთი უკვე გაყიდულია!
