ქართული ფეხბურთი

ეროვნული ნაკრები

00:42 15-10-2020

საქართველოს ნაკრებმა ზედიზედ მეორე გამარჯვება გაუშვა ხელიდან [VIDEO]

AutoSharing Option Yes No

AUTO PLAY

ერთა ლიგის მეოთხე ტურში ჩრდილოეთ მაკედონიისა და საქართველოს ნაკრებების მატჩი 1:1 დასრულდა.

"ჯვაროსნების" ძალიან პრაგმატულმა მწვრთნელმა ვაისმა ისევ გაგვაკვირვა სასტარტო შემადგენლობის დაყენებით, თანაც, ძალიან. აშკარად "მუშა შემადგენლობა" დააყენა - კვარაცხელიასა და შენგელიას გარეშე. ცხადია, ის მათ უფრთხილდება და მთელი აქცენტი 12 ნოემბრის მატჩზე აქვს გადატანილი. იგივე სტრატეგია აირჩია მისმა ვიზავიმაც.

დებიუტშივე მიიღო ტრავმა კიტეიშვილმა და ის ლობჟანიძემ შეცვალა. ტერიტორიულ უპირატესობას თავიდანვე საქართველოს ნაკრები დაეუფლა, მაგრამ ორივე გუნდი ფრთხილობ

და და სახიფათო მომენტები არ იქმნებოდა. თამაში ძირითადად მოედნის ცენტრში, დაბალ ტემპში მიმდინარეობდა და თვალსასეირო ნამდვილად არ იყო.

პირველი სახიფათო მომენტი 28-ე წუთზე შეიქმნა, როდესაც ყაზაიშვილმა მცველი მოატყუა, ლობჟანიძეს გადააწოდა ბურთი, თუმცა მან კარში დარტყმა ვერ მოახერხა. აქედან მოყოლებული, ინიციატივა მასპინძელთა მხარეს გადავიდა, რასაც შედეგი არ მოჰყვა.

ჩვენი გუნდი ბურთის დაჭერას და შეტევას ვერ ახერხებდა და პირველი ტაიმი უგოლოდ დასრულდა.

მეორე ტაიმი საქართველოს ნაკრებმა უფრო აქტიურად დაიწყო. ლობჟანიძის გარღვევას საჯარიმოში ჩაწოდება მოჰყვა, საბოლოოდ კი დაუშვილმა შორიდან დაარტყა და ბურთს მეკარე დაეუფლა. შემდეგ ლორიამ ნიკოლოვის დარტყმული ბურთი მოიგერია.

68-ე წუთზე საჯარიმოს გარეთ ხელით თამაშისთვის მსაჯმა მეკარე დმიტრიევსკი გააძევა და მეტოქე კაცნაკლული დარჩა. ვაისმა მაშინვე ორმაგი ცვლილება განახორციელა - დაუშვილისა და ქვილითაიას ნაცვლად მოედანზე კვარაცხელია და კაჭარავა შეუშვა.

შეუშვა და ჯერ კაჭარავამ ბურთი ძელს გაარტყა, ხოლო მომდევნო იერიშისას კვარაცხელიამ ორი მცველი ჩამოიცილა და ანგარიში გახსნა. ეს ნაკრებში მისი პირველი გოლია.

85-ე წუთზე ხვიჩას სწრაფი კონტრიერიშისას კაჭარავამ გაიტანა, მაგრამ არბიტრმა თამაშგარე მდგომარეობა დააფიქსირა. მერე კაჭარავას გოლკიპერმა შიშკოვსკიმ არ დაანება გატანა.

კომპენსირებულ დროში კი ჩვენს კარში მეტად საეჭვო პენალტი დაინიშნა, რომელიც ალიოსკიმ გამოიყენა და ზედიზედ მეორე შეხვედრაში გავუშვით გამარჯვება ხელიდან.

ლიგა C-ს მეორე ჯგუფს 6-6 ქულით ჩრდილოეთი მაკედონია და საქართველო ლიდერობენ, სომხეთს 5 ქულა აქვს, ხოლო ესტონეთს - 2. საქართველოს ნაკრებს 2 მატჩი აქვს დარჩენილი - 15 ნოემბერს სომხეთს, 18 ნოემბერს კი ესტონეთს უმასპინძლებს. იქამდე, 12 ნოემბერს, ჩვენი გუნდი თბილისში ევროპირველობის პლეი-ოფის ფინალში ჩრდილოეთ მაკედონიას დაუპირისპირდება.

სკოპიე. "ტოდორ პროესკი"

ჩრდ. მაკედონია - საქართველო 1:1

გოლები: 0:1 კვარაცხელია (76), 1:1 ალიოსკი (90+1, პენ)

გაძევება: დმიტრიევსკი (68)

ჩრდ. მაკედონია: დმიტრიევსკი, ზაიკოვი, დ. ველკოვსკი, რისტევსკი (სტოიანოვსკი 80), რისტოვსკი, ნიკოლოვი (ტოტრე 88), კოსტადინოვი (მიჩევსკი 89), ალიოსკი, პანდევი, ტრიჩკოვსკი (კ. ველკოვსკი 80), ნესტოროვსკი (შიშკოვსკი 70)

საქართველო: ლორია, ჯიღაური, კვირკველია, ტაბიძე, დვალი (ნავალოვსკი 90), კვეკვესკირი, დაუშვილი (კვარაცხელია 70), ყაზაიშვილი (კობახიძე 90+1), გვილია, კიტეიშვილი (ლობჟანიძე 7), ქვილითაია (კაჭარავა 70)

alt PREVIEW: ჩრდილოეთი მაკედონია - საქართველო

ტეგები:

საქართველოს ნაკრები

ჩრდილოეთ მაკედონიის ნაკრები

შეაფასეთ სტატია:

მკითხველის კომენტარები / 135 /

თარიღის მიხედვით

მოწონებების მიხედვით

ძალიან სუსტ გუნდებს ვეთამაშებით, ჩვენი გუნდიც სუსტია, ასე ვერ განვითარდებით. შარშანდელი თამაშები ჩაკვეტაძემ მოიგო, წლევანდელი ხვიჩამ, მწვრთნელს არაფერიც არ მოუგია, რას აქებთ ამ კაცს ,5 წელია ვტკეპნით ერთ ადგილს. შენგელია და კვარაცხელია სკამზე უნდა იჯდეს, როცა შემტევები არ გყავს? დღევანდელ მაკედონიას საქართველოს ერთი ხუთი კლუბი მოუგებს. რა გახარებული იყო მწვრთნელი პენალტი რომ გაიტანეს. პირველი ტაიმი რა იყო საერთოდ, როგორც ვარჯიშზე თამაშობდნენ

თამაზი

გამოხმაურება

15 ოქტომბერი 2020 01:49

ვაისმა და ფედერაციამ ტოტალიზატორი ითამაშეს როგორც სომხებთან თამაშისას

ჯონი

გამოხმაურება

15 ოქტომბერი 2020 01:42

რა ყველაფრით ყოველთვის უკმაყოფილოხართ მსაჯობა თუ არ ვარგოდა კაზაიშვილმა არ მიცა პასი ლობჯანიდზეს ვერ გავიტანეთ გასატანი ვასთან რა გინდათ?კაცს აქვს გეგმა და გამოჩდა. მაკედონიამ აჩვენ რაც შეუძლია.ჩვენ 2თამაში ვეთამაშეთ ექპერიმენტულად.10ციან მაკედონიას ვერ უგებთო რა 10კაცით თავისი ნებით დარჩნენ?ხოგინდათ ვითამშოთ ევროოაზე ხოდა მოითმინეთ ერთი თვე და ვითამშებთ სადც ყველაზე საჭიროა იქ მოიგებს გუნდი.

Mosexoneli

გამოხმაურება

15 ოქტომბერი 2020 01:39

რას წერ თუ იცი ერთიჩემი ძმა??? ვაისი რო მზეა მაგაზე ორი აზრი არსებოოობს??? კაცნაკლულ მეტოქესთან რო დაცვას აძლიერებ მზე ხარ აბა რა ხარ??? ვაისს მოუხან მომთრევი

mirosan

15 ოქტომბერი 2020 10:14

ვითმენთ, მაგრამ 12 ში ვაისი ვერ გახდება ანჩელოტი,პელეგრინი ან თუნდა მაურინიო. ისევ ის ვლადიმერი დარჩება და მაგის მეშინია არ გაანიავოს ეს შანსი თავის "პრაფესორობით"

???

15 ოქტომბერი 2020 01:56

კვარაცხელია 10+! კაჭარავა 8! დანარჩენები ყველა ერთად 0-!

საქართველო

გამოხმაურება

15 ოქტომბერი 2020 01:39

ძალიან გულდაწყვეტილი ვარ.. ამ ჯგუფის ბედი დღეს უნდა გადაწყვეტილიყო რომ არა მსაჯის ძალიან დიდი შეცდომა..
მეკარე- საქმე არ ჰქონია საერთოდ პენალტს თუ არ ჩავთვლით.
დაცვა: საკმაოდ მოწოდების სიმაღლეზე იყო, მაკედონიას არ ჰქონია არც ერთი რეალური მომენტი.. თითქმის უშეცდომო იყო
ნახევარდაცვა: კანკავას სრულფასოვანი შემცვლელი არ გვყავს, კვეკვე როგორც ყოველთვის მოწოდების სიმაღლეზე იყო, გვილიას მეტი მოეთხოვება.. ვაკო კარგი იყო, მაგრამ ის მომენტი უნდა გამოეყენებინა.. ლობჟანიძეს ალბათ შენგელიას დაყენება სჯობდა.. დაუშვილს არაფერი გაუფუჭებია ისეთი..
შეტევა: ქვილათიას უნდა მაგრამ მეტი არ შეუძლია, კაჭარავას უნდა დაეთმო ხვიჩასთვის და იმ მომენტის უკეთ გამოყენებაც შეეძლო..
ხვიჩა ულაპარაკოდ ჰაი კლასია,ჯერ რა გოლი გაიტანა და შემდეგ 2 ნაღდი მომენტი შეუქმნა ჯერ ვაკოს მერე კაჭარავას..
ვაისი: მერამდენედ გვაკვირვებს თავისი გადაწყვეტილებით, მაგრამ აშკარად სწორად წაკითხული თამაში იყო და აჯობა მოწინააღმდეგეს, სწორად შეკრული ბირთვი და სისტემა აქვს.. შეცვლებიც დროული იყო და სწორიც კი მაგრამ..(რასაც ვერ ვიტყვი სომხეთთან თამაშზე) ერთადერთი შენგელიას შემოვიყვანდი ლობჟანიძის მაგივრად..

დასკვნის სახით ვიტყვი რომ იმედიანად ვარ, მაკედონია ორჯერ გადაგვირჩა წაგებას, დარწმუნებული ვარ თბილისში ვეღარ გადაგვირჩება.. ჯგუფის მდგომარეობაზე დიდად არ ვდარდობ, მთავარი ფინალია ჯგუფის მოგება კი დესერტია და არა მთავარი კერძი.. :)))

კარგია ბიჭებო, უბრალოდ უფრო გაბედულები იყავით დაიჯერეთ.. თქვენ შეგიძლიათ უფრო მაღალ საფეხურზე გაგვიყვანოთ, ამით თქვენს კარიერასაც გაიკეთებთ და მომავალსაც გზას გაუკვალავთ..

ლაშა

გამოხმაურება

15 ოქტომბერი 2020 01:36

გადამრევთ რააა, რა იყო სწორად წაკითხული და დაყენებული გუნდი თუ ძმა ხარ, კაცნაკლულ მეტოქესთან რო ორი მცველი შემოგყავს და დაცვას აძლიერებ ეგააა თამაშის სწორად წაკითხვაა???? ვისაც ვაისი მოგწონთ ნეტაი თქვენ ჭკუა მოქცათ და მე ფული

mirosan

15 ოქტომბერი 2020 10:19

თუ გავიხსენებთ რა დანაკლისით გავედით? ყველაფერი ნორმაში იყო,გვილია და ქვილითაია ვერ არიან ფორმაში ,ცუდად არვის უთამაშია,მიწანააღმდეგე უძლიერესი იყო,კაჭარავას უნდა გაეტარებინა და ხვიჩა ისევ გაიტანდა .

დევკალიონი

15 ოქტომბერი 2020 02:01

მოკლედ მოგებამდე ვერ მიგვყავს თამაში(?!) გაიტანენ გოლს და ჩერდებიან, დუნდებიან,მერე ფართხალდებიან, ისედაც უკან პასების -,,მოყვარულები,,- ფრთხალი თამაშის მიდრეკილების მქონეთ (სწორად მით რომ უშვებენ შეცდომებს და ...)-ასე საშუალო დონის ნაკრებიც - ვერ შევიქმნებით. ი ს წ ა ვ ლ ე თ -ბოლომდე აგრესიული თამაში, მხოლოდ ასე მოდის წარმატებებიც და გამარჯვებები, 4-0-ლს რომ იგებდე, 6-0-ზე თამაშის დამთავრების დაუცხრომელი მისწრაფება უნდა გაგაჩნდეს- მ თ ე ლ გუნდს და იბრძოდეს,თორემ დავრჩებით სულ ც ლიგაში...არადა პოტენცია ძალიან დიდია, თუ სისწრაფე, ფიზიკა, ფსიქიკური -მენტალური მზადყოფნა ბრძოლის, მხოლოდ გამარჯვებისათვის თავის დადება და... შეგიძლიათ ბიჭებო, შეგიძლიათ და ნ უ დუნდებით, ჩერდებით და მეტოქეს ბურთს ნუ აძლევთ -აბარებთ, თორემ მაღალი კლასის გუნდები -რამდენჯერაც მოდუნდები და უკან პასს დაიწყებ (დაფართხალდები) -იმდენჯერ გაგიტანს...-რ ა ტ ო მ არ გვესმის!

გლახუნა

გამოხმაურება

15 ოქტომბერი 2020 01:36

გლახუნა,წინა გათამაშებაში ჩვენი ნაკრები,დ ჯგუფში იყო,წელს უკვე ც ჯგუფშია და ბოლო ორ თამაშში,ბოლო წუთები,დაცვაში რომ არ ჩამჯდარიყო,ბ ჯგუფში გასვლა,უკვე გარანტირებული ექნებოდა.მეორე შემადგენლობით,სომხებსაც ვაჯობეთ და მაკედონიელებსაც.უბრალოდ,არასწორი ტაქტიკის თუ მენტალიტეტის გამო,გავუშვით ხელიდან გამარჯვებები,მაგრამ ხომ ფაქტია,რომ დანარჩენი დრო,ძირითადში თამაში ჩვენ მიგვყავდა?ც ჯგუფის ლიდერობისათვის ბრძოლა და ბ ჯგუფი კი,სწორედაც ევროპის საშუალო დონეა.სათქმელი უნდა ითქვას,გასაკრიტიკებელი გაკრიტიკდეს,მაგრამ ყველაფერზე წყლის გადასხმა,უსამართლობაა.ფაქტია,რომ თუ ბ ჯგუფში ვერ გადავედით,ეს ჩვენი ბრალი იქნება და არა მეტოქეების სიძლიერის.საკუთარი სიძლიერის,თვითონ ჩვენს ნაკრებსაც არ სჯერა მგონი და იმიტომ იხევენ დაცვაში,თამაშის ბოლოს.ფსიქოლოგიის ამბავია ალბათ.მაკედონიელებს სჯერათ და წაგებულ თამაშებს ქაჩავენ,ჩვენ კი არ გვჯერა და მოგებულ თამაშებს "ვმაზავთ".როცა დავიჯერებთ და ეს მალე მოხდება,მაშინ ბ ჯგუფში შესვლა,აღარ უნდა გაგვიჭირდეს.ბ ჯგუფშიც ხომ ისეთი გუნდებია,რომლებთანაც ბრძოლაც ნამდვილად შეგვიძლია და გამარჯვებაც,მათგან ძალიან ბევრთან.ჩვენ დავიჯეროთ ჩვენი ნაკრების სიძლიერის და ისინიც დავაჯეროთ ამაში,ეს არის გულშემატკივრის მთავარი ამოცანა და ამას,ობიექტური შეფსების გარეშე,ვერ შევძლებთ.

სოსო

15 ოქტომბერი 2020 09:57

რატომ გგონია რომ ამ ყველაფერს შენ ხვდები და ვაისი და ფეხბურთელები ვერა? პროფესიული ფეხბურთი გითამაშია?

თავა

15 ოქტომბერი 2020 02:23

რა კომენტატორებიც გვყავს აი ზუსტათ ეგეთი მწვრთნელი და ზოგიერთი ფეხბურთელი გვყავს))

arabika

გამოხმაურება

15 ოქტომბერი 2020 01:34

კვარამ შედევრი გაიტანა და 2 საგოლე პასი გააკეთა (ვერ ივარგეს ვაკომ და კაჭარავამ - ჩვეულად). ახლა ეს ამოჭერით და რა ითამაშა აბა ნაკრებმა? მსაჯს ვაბრალებთ, მაგრამ 11/10 თამაშში საერთოდ როგორ შემოგვიტია მაკედონიამ? აუტის საჯარიმოში ჩაგდებით ასეთი დოსონანსი როგორ შეგვიქმნეს რომ 4 კაცი მივარდა კარისკენ ზურგით მდგომ მოწინააღმდეგეს რომელიც სად ურტყავდა ბურთს თვითონ არ იცოდა. მანამდეც იყო მწვავე მომენტი ჩვენს კართან და .... ეს არის ის რაშიც იკვეთება ვაისის არაპროფესიონალიზმი. დროის გასაყვანად შემოყავთ მცველი ბოლო წუთზე, სხვანაირად რა უნდა მოასწროს და როგორ უნდა ჩაჯდეს რიტმში და ამან 2 ერთად შეცვალა. 10 კაციან გუნდთან იმის ნაცვლად რომ ბურთი დაეჭირა ნახევარდაცვის ხარჯზე, კვარას ტენიდნენ ბრძოლაში აუტის ხაზთან გრძელი პასით - ყველაზე ტექნიკურ ფეხბურთელს "ფეხში" კი არ აძლევდნენ პასს, კაჭარავასავით უკიდებდნენ მაღალ ბურთებს აუტის ხაზთან მცველთან ორთაბრძოლაში. მშიშარაა ვაისი და იმიტომ რომ არ მუშაობს და დონე არ ყოფნის. ეს 2 ბოლო წუთზე დაკარგული მოგება იმედია არ დაეტყობა გუნდის ფსიქოლოგიას და ისე კი გამოიკვეთა რომ ჩვენი ადგილი B-შია და 12-ში თამაში უნდა მოვიგოთ სწორად წარმართვის შემთხვევაში - თუ ჩასვრილმა ვაისმა ისევ უკანდახეული შეშინებული ფეხბურთი არ ათამაშა ბიჭებს.

???

გამოხმაურება

15 ოქტომბერი 2020 01:30

იქნებ დამაჯერებელი გამარჯვება ზედმეტ თავდაჯერებულობას გააჩენდა?

რა მაფიაა?

15 ოქტომბერი 2020 02:10

ალბათ მსაჯზე იყო სიტყვიერი ზეწოლა ფეხბურთელებისგან და სათადარიგო სკამიდან და მშიშარა პოლონელმა არარსებული პენალტი დადო.ფედერაციამ უნდა გააპროტესტოს უეფაში თორემ უარეს მსაჯობას ვნახავთ 12 ნოემბერს.ფეხებზე დაგვიკიდებენ და მაკედონიას გაიყვანენ.

ნიკო

გამოხმაურება

15 ოქტომბერი 2020 01:29

მიუხედავად იმისა, რომ პენალი არ იყო და ხშირად ანტიპატიით არ ვარ მის მიმართ ეს თამაში ვაისმა ვერ მოიგო. ვერ მოიგო კი არა წააგო ისევე, როგორც სომხეთთან. მაშინ როდესაც 10 ქულით პირველ ადგილზე უნდა ვიყოთ და დარჩენილ ორ მატჩში რეზერვს ვდიდეთ 6 ქულით მეორეზე ვართ. არასწორად შერჩეული შემადგენლობისა და კატასტროფული პირველი ტაიმის შემდეგ, რომელიც ფეხბურთის გარდა ყველაფერი იყო მეორე ტაიმში განსაკუთრებით გოლის შემდეგ უამრავი ტაქტიკური შეცდომა დაუშვა. ან ამ ბოლო ორ ცვლილებას რა ერქვა 64 კაცია დაცვაზე გადავედით? იმის მაგივრად, რომ ბურთის ამტანი და დამჭერი შემოეშვა ვინმე. საერთოდ ბოლო 15 წუთი ნაკრები რას აკეთებს ვინმე ხვდებით ? ან ჯერ საჯარიმოში თავზე ნავალოვსკი რატო იბრძოდა და მერე ამ სიმაღლე ბურთზე 4 კაცი ფეხით რატო წავიდა? ეს ყველაფერი დაბალი კლასის მაჩვენებელია და ძალიან მეშინია კიდევ ერთხელ არ ისარგებლონ ამით მაკედონელებმა და ევროს ჩემპიონატის მიღმა არ დავგტოვონ.

გამოხმაურება

15 ოქტომბერი 2020 01:28