საქართველოს ნაკრებმა ზედიზედ მეორე გამარჯვება გაუშვა ხელიდან [VIDEO]

AutoSharing Option
AUTO PLAY
ერთა ლიგის მეოთხე ტურში ჩრდილოეთ მაკედონიისა და საქართველოს ნაკრებების მატჩი 1:1 დასრულდა.

"ჯვაროსნების" ძალიან პრაგმატულმა მწვრთნელმა ვაისმა ისევ გაგვაკვირვა სასტარტო შემადგენლობის დაყენებით, თანაც, ძალიან. აშკარად "მუშა შემადგენლობა" დააყენა - კვარაცხელიასა და შენგელიას გარეშე. ცხადია, ის მათ უფრთხილდება და მთელი აქცენტი 12 ნოემბრის მატჩზე აქვს გადატანილი. იგივე სტრატეგია აირჩია მისმა ვიზავიმაც.

დებიუტშივე მიიღო ტრავმა კიტეიშვილმა და ის ლობჟანიძემ შეცვალა. ტერიტორიულ უპირატესობას თავიდანვე საქართველოს ნაკრები დაეუფლა, მაგრამ ორივე გუნდი ფრთხილობ
და და სახიფათო მომენტები არ იქმნებოდა. თამაში ძირითადად მოედნის ცენტრში, დაბალ ტემპში მიმდინარეობდა და თვალსასეირო ნამდვილად არ იყო.

პირველი სახიფათო მომენტი 28-ე წუთზე შეიქმნა, როდესაც ყაზაიშვილმა მცველი მოატყუა, ლობჟანიძეს გადააწოდა ბურთი, თუმცა მან კარში დარტყმა ვერ მოახერხა. აქედან მოყოლებული, ინიციატივა მასპინძელთა მხარეს გადავიდა, რასაც შედეგი არ მოჰყვა.

ჩვენი გუნდი ბურთის დაჭერას  და შეტევას ვერ ახერხებდა და პირველი ტაიმი უგოლოდ დასრულდა.

მეორე ტაიმი საქართველოს ნაკრებმა უფრო აქტიურად დაიწყო. ლობჟანიძის გარღვევას საჯარიმოში ჩაწოდება მოჰყვა, საბოლოოდ კი დაუშვილმა შორიდან დაარტყა და ბურთს მეკარე დაეუფლა. შემდეგ ლორიამ ნიკოლოვის დარტყმული ბურთი მოიგერია.

68-ე წუთზე საჯარიმოს გარეთ ხელით თამაშისთვის მსაჯმა მეკარე დმიტრიევსკი გააძევა და მეტოქე კაცნაკლული დარჩა. ვაისმა მაშინვე ორმაგი ცვლილება განახორციელა - დაუშვილისა და ქვილითაიას ნაცვლად მოედანზე კვარაცხელია და კაჭარავა შეუშვა.

შეუშვა და ჯერ კაჭარავამ ბურთი ძელს გაარტყა, ხოლო მომდევნო იერიშისას კვარაცხელიამ ორი მცველი ჩამოიცილა და ანგარიში გახსნა. ეს ნაკრებში მისი პირველი გოლია.

85-ე წუთზე ხვიჩას სწრაფი კონტრიერიშისას კაჭარავამ გაიტანა, მაგრამ არბიტრმა თამაშგარე მდგომარეობა დააფიქსირა. მერე კაჭარავას გოლკიპერმა შიშკოვსკიმ არ დაანება გატანა.

კომპენსირებულ დროში კი ჩვენს კარში მეტად საეჭვო პენალტი დაინიშნა, რომელიც ალიოსკიმ გამოიყენა და ზედიზედ მეორე შეხვედრაში გავუშვით გამარჯვება ხელიდან.

ლიგა C-ს მეორე ჯგუფს 6-6 ქულით ჩრდილოეთი მაკედონია და საქართველო ლიდერობენ, სომხეთს 5 ქულა აქვს, ხოლო ესტონეთს - 2. საქართველოს ნაკრებს 2 მატჩი აქვს დარჩენილი - 15 ნოემბერს სომხეთს, 18 ნოემბერს კი ესტონეთს უმასპინძლებს. იქამდე, 12 ნოემბერს, ჩვენი გუნდი თბილისში ევროპირველობის პლეი-ოფის ფინალში ჩრდილოეთ მაკედონიას დაუპირისპირდება.

სკოპიე. "ტოდორ პროესკი"
ჩრდ. მაკედონია - საქართველო 1:1
გოლები: 0:1 კვარაცხელია (76), 1:1 ალიოსკი (90+1, პენ)
გაძევება: დმიტრიევსკი (68)

ჩრდ. მაკედონია: დმიტრიევსკი, ზაიკოვი, დ. ველკოვსკი, რისტევსკი (სტოიანოვსკი 80), რისტოვსკი, ნიკოლოვი (ტოტრე 88), კოსტადინოვი (მიჩევსკი 89), ალიოსკი, პანდევი, ტრიჩკოვსკი (კ. ველკოვსკი 80), ნესტოროვსკი (შიშკოვსკი 70)

საქართველო: ლორია, ჯიღაური, კვირკველია, ტაბიძე, დვალი (ნავალოვსკი 90), კვეკვესკირი, დაუშვილი (კვარაცხელია 70), ყაზაიშვილი (კობახიძე 90+1), გვილია, კიტეიშვილი (ლობჟანიძე 7), ქვილითაია (კაჭარავა 70)

მკითხველის კომენტარები / 135 /
არაა ეს კაცი ადეკვატური... დამაწყდა ნერვები... არ შეიძლება კიდე ამდენი საგოლე მომენტის განიავება...
ქართველი
15 ოქტომბერი 2020 00:57
16
ეს იყო სამარცხვინო მსაჯობა, და ფედერაციან თუ ამაზე არამოიგო ხმა და იცოდეთ რომ ესეთი მსაჯი იქნება მაგ თამაშზე, და ნახავთ მაშინაც თუ არ წაგვაგებინეს! დგევანდელ თამაშს რაც შეეხება ბიჭებმა იბრდზოლეს, მაგრამ ხედავდით მსაჯის მოქმედებებს. ხოლო ჩვენი მხრიდან ყველაზე სუსტად ითამაშა დაუშვილმა, არის ის უკვე ნაკრების დონის ფეხბურთელი......
Dato
15 ოქტომბერი 2020 00:57
11
მგონი თამაშგარეც არ იყო კაჭარავსს გოლზე...
Zaza
15 ოქტომბერი 2020 01:23
2
კიდევ იტყვიან კვეკვესკირს რა უნდა ნაკრებშიო. დღეს გამოჩნდა კანკავას არყოფნაში ვინც არის გუნდის ხერხემალი
Toko
15 ოქტომბერი 2020 00:57
2
სირცხვილია!
ოთო
15 ოქტომბერი 2020 00:56
11
მოგონილი პენალტი. ამ დებილ მსაჯი მსაჯობა უნდა აეკრძალოს. 2 მეტრზე თუ ვერ იხედება, იმ აფერისტი "მაკედონელის" ფეხზე დაეხედა. ამ ყაზაიშვილმა კი ვერ ისწცავლა რომ არ იჟოშკოს, როცა სხვა ფეხბურთელი აშკარად უკეთეს მდგომარეობაშია გოლის გასატანად. ხვიჩა რაღაც მალე იღლებოდა ან ნერვიულობდა.
მოკლედ ხვიჩა ჩაკვე და შენგელია უნდა იყვნენ მწყობრში პლიუს კანკავა, რომ მაკედონიას აქ მოვუგოთ.
irakli
15 ოქტომბერი 2020 00:55
3
კარგი თამაში იყო
დავით
15 ოქტომბერი 2020 00:54
14
კაჭარავას უნდა გაეტარებინააააააა და დამთავრებული იყო რა
ირაკლიუსი
15 ოქტომბერი 2020 00:54
2
გეთანხმები ბრატ, კვარა მეორე ბურთს გაიტანდა, და მართლა დამთავრებული იყო ყველაფერი.......
დათო
15 ოქტომბერი 2020 01:31
0
ვაის წადი! გოლი ინდივიდუალური იყო (არა მწვრთნელის). სამაგიეროდ, მწვრთნელმა ათ კაციან მოწინააღმდეგესთან ნაჩუქარი ანგარიში ვერ შეინარჩუნა (ბოლო წუთებზე რიტმიდან ამოვარდნილი მცველები არ უნდა შემოიყვანო).
PS. თუ გინდათ ისევ გაავსეთ დისლაიქებით ეს კომენტარი, მაგრამ როდემდე? გავითვალისწინოთ, რომ ევროპის საშუალო დონის გუნდებსაც კი არ ვეთამაშებით!
რაგბის ფანი
15 ოქტომბერი 2020 00:54
42
ყაზაიშვილი არის ბურთის ღორი და ეგოისტი გაეკეთებია ლობჟანიძიზა პასი ორითნოლი იყო მერამდენედ მოხდა ასე
ილია
15 ოქტომბერი 2020 00:54
8
გუნდი რომელიც კაცნაკლულ გუნდთან ზედიზედ მეორედ გაუშვებს გოლს არ იმსახურებს არსად გასვლას
ვაისი
15 ოქტომბერი 2020 00:53
38

ასევე დაგაინტერესებთ
სიახლეები პოპულარული