უეფას ერთა ლიგის C დივიზიონის მე-5 ტურში საქართველოს ეროვნული ნაკრები სომხეთს დაუპირისპირდება და მნიშვნელოვანი ქულების მოპოვებას შეეცდება.
"ჯვაროსნებმა" 3 დღის წინ "დინამო არენაზე" ჩრდილოეთ მაკედონიის წინააღმდეგ ისტორიული შანსი ვერ გამოიყენა და ევროპის ჩემპიონატის მიღმა დარჩა.
მატჩის შემდგომ პრესკონფერენციაზე, ვლადიმერ ვაისმა გუნდიდან წასვლა დაანონსა. სომხეთთან და ესტონეთთან გასამართი შეხვედრები სლოვაკისთვის საქართველოს ეროვნულ ნაკრებში უკანასკნელი იქნება.
რაც შეეხება სატურნირო მდგომარეობას, 4 ტურის შემდეგ, მასპინძელთა აქტივში 6 ქულაა. ამ მონაგარით, ჯგუფში მე-2 ადგილს იკავებს და ჩრდ.მაკედონიას ბურთების თანაფარდობით ჩამორჩება. როგორც მოგეხსენებათ, B დივიზიონში გადასვლა,
მხოლოდ და მხოლოდ პირველი ადგილითაა შესაძლებელი. შესაბამისად, დღეს ქულების დაკარგვის უფლება არ გვაქვს.
დიდი ალბათობით, ქართველთა შემადგენლობა 12 ნოემბრის შემდეგ მნიშვნელოვნად შეცვლილი იქნება. ვაისმა გუნდი დემოტივირებულია, თუმცა მაღალი დონის ფეხბურთელები გვყავს და მოსაგებად ყველაფერს გავაკეთებთო.
დისკვალიფიკაციის გამო გიორგი ქვილითაია და ბუბა დაუშვილი ვერ ითამაშებენ. ყველა სხვა ფეხბურთელი, რომელიც ჩრდ.მაკედონიასთან განაცხადში იყო, სრულ მზადყოფნაშია.
რაც შეეხება სომხეთის ეროვნულ ნაკრებს, ისინი თბილისში საბრძოლო შემადგენლობით, თუმცა ერთპიროვნული ლიდერის, ჰენრიხ მხითარიანის გარეშე ჩამოფრინდნენ.
სომხეთი 5 ქულით მე-3 ადგილზეა. რეალურად, სომხებისთვის ერთადერთი წარმატებული შედეგი დღეს 3 ქულა იქნება. ყველა სხვა შემთხვევაში, კიპაროსის გუნდს შემდეგ დივიზიონში გადასვლა ძალიან გაუჭირდება.
სომხებმა ბოლო მატჩი ესტონეთის წინააღმდეგ ჩაატარეს და შედეგიანი ფრე დააფიქსირეს. გუნდებმა გოლები პირველ 15 წუთში გაცვალეს და საბოლოოდ, 1:1-ზე შეთანხმდნენ.
ფეხბურთელთა კომენტარები
საბა ლობჟანიძე: სტრესული ვითარებაა - რეაბილიტაცია მოგება იქნება
"რთულია ამ პოსტის გამოქვეყნება..." - ნიკა კვეკვესკირი
შენგელია: "ვერ დავნებდებით - ეს გულისწყვეტა ბევრი სიხარულით უნდა შეიცვალოს"
მწვრთნელების კომენტარები
ხოაკონ კაპაროსი: მაკედონიასთან წაგება საქართველოს ნაკრებზე გავლენას არ მოახდენს
ვლადიმირ ვაისი: "ეს ჩემს ცხოვრებაში ყველაზე ცუდი დღე იყო, მაგრამ სომხეთს უნდა მოვუგოთსაინტერესო ფაქტები
- სომხეთი, რომელიც რეიტინგში 101-ე პოზიციაზე იმყოფება, სტუმრად არც თუ სტაბილურად თამაშობს. გუნდმა გასვლაზე ჩატარებული ბოლო 8 შეხვედრიდან, მხოლოდ ერთხელ გაიმარჯვა. (3ფ, 4წ)
- ერთა ლიგის ეგიდით, იმ შემთხვევაში თუ საქართველოს ეროვნულ ნაკრებს პირველი გოლი გააქვს, გუნდი დაუმარცხებელია.
- საქართველომ "დინამო არენაზე" ჩატარებული ბოლო 5 შეხვედრიდან, მხოლოდ ერთი მოიგო. საინტერესოა, რომ 2 ან მეტი გოლი მხოლოდ ერთ მატჩში გავიდა.
- მაშინ, როცა საქართველო რეიტინგში მასზე ქვემოთ მყოფ ნაკრებს ეთამაშება, გუნდი იგებს. ამ პირობებში, საკუთარ მოედანზე ჩატარებული ბოლო 5 შეხვედრიდან, "ჯვაროსნებმა" 5-ივე მოიგო.
- თორნიკე ოქრიაშვილმა საერთაშორისო დონეზე ჩატარებულ ბოლო 7 მატჩში, 6 გოლი გაიტანა. საგულისხმოა, ჯამურად 3 ან მეტი გოლი არცერთ შეხვედრაში არ გასულა.
- მასპინძლებმა "დინამო არენაზე" გამართულ მატჩებში, უკანასკნელი 3 გოლი თერთმეტმეტრიანიდან გაიტანეს.
სომხეთთან მატჩამდე საქართველოს ნაკრებმა ბოლო ვარჯიში ჩაატარა [VIDEO]