ლევან სალუქვაძე ვეტერან ფეხბურთელებს მიმართავს

AutoSharing Option
გადაცემა "იმედის ფსონის" ეთერში ქართველმა სპორტულმა ჟურნალისტმა ლევან სალუქვაძემ საკმაოდ მწვავე თემები განიხილა.

"პატივს ვცემ ყოველთვის ჩვენს ნებისმიერი თაობის ვეტერან ფეხბურთელებს. სიტყვას ვერ ამოაღებინებ, ყველაფერი კარგად არის, იმის ბრალი არ არის, ამის ბრალი არ არის, მასზე ვერაფერს ვიტყვი, არაკორექტულია. თქვე კაი ხალხო, თქვენ თუ არ თქვით, სპეციალისტები თქვენ ხართ, აბა, მშენებლები მოვიყვანოთ თუ მეხანძრეები და იმათ გავარჩევინო თამაში?

თქვით რამე, ამოიღეთ ხმა. ერთი სიტყვა არ გამიგია ჩვენი სათაყვანებელი ფეხბურთელებისგან, შეაფასეთ და თქვით, ამისა და ამის ბრალია, ეს ასე არ
დაუძახეს და ეს ისე არ გააკეთეს. არაკორექტული რატომ არის ეს?

თქვენს ძველ გულშემატკივრებს და თქვენ ვინც გეთაყვანებოდათ, ვისაც ახარებდით, იმ ხალხთანაა უხერხული, რომ არ ეუბნებით არაფერს. რუმენიგე, კლინსმანი და მათეუსი გამოდიან და თავიანთ მოსაზრებას ამბობენ, ხსნიან თამაშს. აგვიხსენით რაღაცები, გვითხარით თქვენი მოსაზრება, ვიკამათოთ, თქვენ იყავით ის დიდი გამარჯვების მომტანები და გეთქმით ეს სიტყვები, თქვით. ნუ ცდილობთ, ურთიერთობას გაუფრთხილდეთ, არაფერია მოსარიდებელი.

მიბაძეთ გია ჭიაბრიშვილს, რომელმაც განაცხადა, რომ გუნდი გადამწვარი და ფსიქოლოგიურად გადამწვარი იყო და ამიტომ წააგო ეს თამაშიო. სწორედ ამიტომ ვაფასებ მას.

თუ არ ილაპარაკეთ, ისევ ასე გაგრძელდება. მოვემზადებით, ვიღაცას მოვუგებთ, ვიწვალებთ და შედეგი არ მოვა. ასე რომ, ყველამ გავარჩიოთ და ვთქვათ, ვისი რა ბრალია და რატომ მივედით ამ შედეგამდე" - განაცხადა ლევან სალუქვაძემ.


მკითხველის კომენტარები / 38 /
ქვეყანა ავგიას თავლას დაემსგავსა , ჰერკულესიც ვერ გამოგვის, ყველა სფეროში ჩავისვარეთ, მოდის ჩემდედის მაგინებელი თაობა , ძველები კი სამშობლოს საზღვრებს ჰყიდიან, აქეთ ქოცმაცები იქით ნაცმაცები, შუაში არაფრის მაქნისები, უცოდინრობა, გულგრილობა , უმუშევრობა, სიღარიბე და უზნეობა და მექრთამეობა ,ნარკომანია. ლოთობა და მრუშობა, იმედი არაფრის, მომავალი ბუნდოვანი, მოშლილი ინფრასტრუქტურა, მრეწველობის ,სოფლის მეურნეობის.... მადაგახსნილი გამორჩენას გამოკიდებული ფუნქციონერები ,ვაი პოლიტიკოსები, აქ მაგარ ბიჭად ის ითვლება ვინც მეტს მოიპარავს,წაგლეჯს თანამემამულეებს, ხეგლეჯია ,პარანოიდალური მმართველი, დორბლიანი, არაადეკვატური ოპოზიცია და ასე შემდეგ და ასე შემდეგ ....და ახლა ამ ქვეყანაში სადაც ნორმალურად ადგილობრივი ჩემპიონატიც ვერ ჩაგიტარებიათ გინდათ ფეხბურთმა აგაყვავოთ ?? ხო ავყვავდებით აბა რა !აყვავყრანტალების მეტი რა დაგვრჩენია ? აქ ამ ქვეყანაში ხომ ყველაფერი იყიდება და ყველაფერი მოსულა, საკუთარ კარში გატანილი გოლების ჩათვლით?
ბაბაია
19 ნოემბერი 2020 12:18
1
ლევან, 100%-ით გეთანხმები. მაგრამ... მე მთელი ცხოვრება ასე ვიცხოვრე: ახლობლების რაიმე თუ არ მომეწონებოდა, პირადად ვეუბნებოდი. უმეტესობა სწორად იგებდა - ხვდებოდა, რომ კარგი მინდა მისთვის, ზოგი კი ნაწყენი რჩებოდა. მეც მეტი აღარ ვერეოდი მასთან ურთიერთობაში. მე ასე ვთვლი, თუ ვინმე ჩემი მეგობარია, ჩემთვის კარგი უნდა, შენიშვნაც უნდა მომცეს. ბევრი მიმიღია, ბევრი არასწორად ჩამითვლია. მაგრამ მთავარი ის იყო, რომ ვთვლიდი მათ ჩემთვის კეთილმსურველებად. აბა ვინც არ მადარდებს, მას რა შენიშვნა უნდა მივცე?! სამწუხაროდ ძალიან ბევრს არ ესმის ეს, მტრად ჩაგთვლის. აი ამის ეშინიათ ამ ჩვენ ვეტერანებს. მაგრამ 1 ავიწყდებათ! ეს ვიღაცის პრობლემა კი არ არის! ეს ქვეყნის პრობლემაა. ამიტომაც მოვთხოვოდ, წყალს ნუ ჩაიგუბებენ პირში, ილაპარაკონ. იქნებ რამე ეშველოს ჩვენ ფეხბურთს!
alexandre
19 ნოემბერი 2020 11:21
1
ამ დღეში ვიქნებით სულ , სანამ ბანაკებად ყოფნასა და კლანურ აზროვნებას არ შევეშვებით . ჟურნალისტმა უნდა დასვას კრიტიკული კითხვები აუცილებლად , მაგრამ ამავე დროს , ბავშვებს აუ უნდა ექაჩებოდეს პირდაპირი ეთერიდან ეშმაკის ხახაში . ამორალურმა არ შეიძლება მორალი სხვას უკითხოს . თუ ეგრე შეგტკივა გული ქართული ფეხბურთის ბედზე , მიდი აბა და თუ მაგარი ბიჭი ხარ ჩაატარე ჟურნალისტური გამოძიება და დამოუკიდებლობის შემდეგ , ვინ რა წილებში იჯდა ნაკრების ფეხბურთელების ტრანსფერებში , რამდენს იხდიდა ხალხი , გამოძახებაში , თუნდაც საქართველოს ჩემპიონატშიი რამდენი უნდოდა ძირითადში დგომას და დღესაც ბავშთა სპორტში ზოგადად როგორი ნეპოტიზმით ხდება განვითარება მომავალი თაობის , იმაზე ისაუბრე , თუ ერთი ადგილი გაქვს . სწორედ ეს გითხრათ თემურმა და ეგ არ მოგეწონად , რადგან ყველანი ერთი ქვაბიდან ჭამთ და არ გინდა აქ მენტორის როლიდან საუბარი , ადამიანები რომ გენდობოდნენ , ჯერ შენ უნდა მისცე შენი მოქმედებით მაგალითი . ამიტომაც , ნურასოდეს ვიოცნებებთ ევროპელობაზე , სანამ პოლოტიკიდან დაწყებული , ხმაკაცობა-მეგობრობით მიაზროვნებთ . ნემსაძემ თქვა გუშინ , პასუხისმგებელი ვიქნებიო : მეზობელთანო , ძმაკაცთანო და ასე შემდეგ , არა აქვს ამ ხალხს სახელმწიფოს განცდა , პირველი შენი ქვეყნის წინაშე ხარ პასუხისმგებელი , მასე რომ ფიქრობდით , იმიტომაც ვერაფერს მიაღწიეთ მაშინდელმა თაობამ . დაამთავრეეთ ეს კლანურ ძმაკაცური მმართველობა და თუ გული შეგტკივათ და არა სკამები , ყველამ ერთად უშველეთ ფეხბურთს , სანამ საწრთოდ რეფერენდუმი არ მოგვითხოვია მის გასაუქმებლად .
ATP 16
19 ნოემბერი 2020 09:32
0
აუუ კიდევ პოლიტიკა ტო გეყოთ რა რითვეღარ მოიღალეთ ამდენი იდიოტიზმით ვერ ვხვდები
Gio
19 ნოემბერი 2020 06:32
2
რასაც ახლა ამბობ ვეტერანებზე და რაც ადრე თქვი ქეცბაიაზე ლევან, სრულიად გეთანხმები. ყველაფერს რომ თავი დავანებოთ, კაცს, ლამის ყოველი პრესკონფერენციის მერე 20-20 ათასი ევროთი აჯარიმებენ. ხოლო ვისაც მისი ხელმძღვანელობით ჩატარებული ნაკრების თამაშები მოსწონდა, საუკეთესო შემთხვევაში სხვა თამაში არ უნახავს. ისე, ქართულ ფეხბურთს იმედია როდისმე ეშველება, მაგრამ ამ იდიოტების რა ეშველებათ, ნათქვამიდან ელემენტარული აზრი რომ ვერ გამოაქვთ და წერენ რაღაც სლეობებს?
გერონტი
19 ნოემბერი 2020 00:51
4
Მოდი და თუ ეგეთი კაი და მართალი ტიპი ხარ ჯერ იმაზე ისაუბრე კობიაშვილმა როგორ მოიგო არჩევნები.და მერე მართლა დავიჯერებ რო შენ სიტყვაში არის სიმართლის მარცვალი.და ქეცბასგან რაგინდათ რათქვა რა ფეხბურთელებიც მყავს ის შედეგი არისოო.ან რა შედეგს ითხოვდით გინსა მაშინ და გინდა ეხლა?
bobo
19 ნოემბერი 2020 00:49
8
არ შეიძლება რომ ეს კაცი დაეტიოს თავის ტყავში და მიხედოს ტოტალიზატორს? რა გაეგება ფეხბურთის?
რაც შეეხება ქეცბაიას,რაც მას ქოცებმა,კალაძის მეთაურობით აქ დღე დააყენეს( აბსოლუტურად უსამართლოდ,რათა გზა გაეხსნათ თავისი აფერისტი ენისათვის)ამის მერე მან საქართველო მსოფლიო რუკიდან უნდა ამოშალის და ერთი მიაძახოს- ჭამეთ ეხლა რაც მია..ით
ჟორა
18 ნოემბერი 2020 23:51
13
ლევან სალუქვაძეს მივმართოთ ახლა აქედან ჩვენ რომ, თითონ გამოფხიზლდეს როგორც ჟურნალისტი, ვეტერანმა ფეხბურთელებმა ფეხბურთი რომ გაარჩიონ, როგორც რუმენიგე და კლინსმანი, Იქ თქვენი კოლეგები კი არ განიხილავენ ფსონებს, ვინ რამდენი მოიგო, ვის რამდენმა გაუსხა)) არამედ მართავენ საინტერესო გადაცემებს და იწვევენ ექსპერტებად, უსვამენ კითხვებს, განიხილავენ ერთად. ლევან სალუქვაძე ვითომ რომ პროფესიონალობს. თავისი საქმე აკეთოს, რუსეთის ჩემპიონატის დონე ჟურნალისტებმა წამოწიეს. და ისინი იწვევენ ზუსტად ვეტერანებს. განიხილავენ ყველა თამაშს.და ასე შემდეგ.. იმედია გამოქვეყნდება და ტყუილად არ ვწერე..
გულშემატკივარი
18 ნოემბერი 2020 23:51
8
ვინ ამოიღებს ხმას, ბავშვთა ფეხბურთში 90 იანებიდან ძირითადად ეგენი იყვენენ და რა აღებ მიცემობა იყო ყველამ იცის, აი ზუსტად იქიდან იწყება ჩვენი უბედურებაც.
ყველას არ ეხება ეს ამბავი რათქმა უნდა. ქეცბაიამ რომ იჩხუბა იმ ცნობილ შეხვედრაზე ბოლომდე კიდევ არ თქვა ბევრი რამ.
მალაქია
18 ნოემბერი 2020 22:51
0
მოყვარეს პირში უძრახე მტერს პირს უკანაო... მომწონს ლევანი რათქმაუნდა ჯანსაღი კრიტიკაა საჭირო ცოტა გონზე რო მოვიდნენ, არქ ხოტბა ასხეთ აქეთ შედეგიც სახეზე გვაქ. ლევან ეგრეე გააგრძელე (დიდი პატივისცემის მიუხედავად ქეცბაიასთან მიმართებაში ცოტა უხერხულად გამოგივიდა)
Batumi90
18 ნოემბერი 2020 22:22
0

ასევე დაგაინტერესებთ
სიახლეები პოპულარული