საქართველოს ნაკრების გარემარბი ხვიჩა კვარაცხელია საბერძნეთთანაც ჩინებულად გაისარჯა, ლამაზი გოლი გაიტანა, ნამატჩევს კი nakrebi.ge-სთან კომენტარი გააკეთა:
"საბერძნეთთან თანაბარი ბრძოლა იყო, მოგების შანსი ორივე გუნდს ჰქონდა. პირველი ქულა ავიღეთ და ეს სასიხარულოა, თუმცა მოგებაც შეგვეძლო. ვთვლი, რომ ასე უნდა გავაგრძელოთ, თამაშები მოვიგოთ და ჩვენს ჯგუფში მაქსიმუმი გავაკეთოთ.
ყოველ მესამე დღეს თამაში ძალიან რთულია, რადგან ასეთ რეჟიმს მიჩვეულნი არ ვართ. მიუხედავად ამისა, მოედანზე ჩვენი ქვეყნისთვის გავდივართ და მაქსიმალურად ვიხარჯებით. ალბათ, გუნდს ცოტა დაღლილობაც ეტყობოდა. შემდეგ თამაშებშიც ძალიან უნდა მოვინდომოთ და გავიმარჯვოთ, მიუხედავად
იმისა, თუ ვინ იქნება მეტოქე. აქვე მადლობა მინდა გადავუხადო ჩვენს გულშემატკივრებს, რომლებიც შედეგის მიუხედავად, ყოველთვის ჩვენ გვერდით არიან".
ავტოგოლი, ხვიჩას ბრწყინვალე გოლი და პირველი მოპოვებული ქულა [VIDEO]
