"გამარჯვება თავდაჯერებას შეგვმატებს" - ნაკრების ფეხბურთელებმა კომენტარები გააკეთეს

საქართველოს ნაკრებმა ამხანაგურ მატჩში რუმინეთი სტუმრად 2:1 დაამარცხა, ხოლო ჩვენი გუნდის ფეხბურთელებმა nakrebi.ge-სთან კომენტარები გააკეთეს.

გიორგი მიქაუტაძე: "საქართველოს ნაკრებში გატანილი გოლით და პირველი მოგებით ძალიან ბედნიერი ვარ. იმედი მაქვს, მე და ჩვენი გუნდი ასე გავაგრძელებთ".

გიორგი აბურჯანია: "ეს გამარჯვება, რა თქმა უნდა, მნიშვნელოვანი იყო. არა მარტო მწვრთნელისთვის, ასევე ჩვენთვის. ეს შედეგი მომავალი მატჩებისთვის თავდაჯერებას შეგვმატებს. ეროვნულ ნაკრებში გატანილი გოლი ყველასთვის განსაკუთრებულია და ეს გოლი ჩემს მეუღლეს მივუძღვენი".

დავით ხოჭოლავა: "შეკრების დაწყებიდანვე არ გვქონდა იმის შეგრძნება, რომ ამხანაგური მატჩებისთვის ვემზადებოდით. იმიტომ, რომ ახალი მწვრთნელი გვყავს, რომელმაც ახალი იდეები შემოგვთავაზა. რუმინეთის წინააღმდეგ ოფიციალური მატჩივით ვითამაშეთ, 90 წუთი ვიბრძოლეთ და რაც მთავარია, გავიმარჯვეთ".

ბრძოლით, ხარვეზებით - საქართველოს ნაკრებმა რუმინეთი პირველად დაამარცხა [VIDEO]