საქართველოს ახალგაზრდული ნაკრები ვოლუნტარის ანგელ იორდანესკუს სახელობის სტადიონზე ჩატარებულ ამხანაგურ მატჩში რუმინეთს დაუზავდა - 1:1.
მასპინძლები მე-16 წუთზე სტოიკამ დააწინაურა და პირველი ტაიმი 1:0 მოიგეს. მეორე ტაიმში ჩვენი გუნდი ინიციატივას დაეუფლა. აქტიური იყო კაპანაძე. 73-ე წუთზე კი გულიაშვილმა დრიბლინგი ლამაზი გოლით დააგვირგვინა. ძალიან სახიფათოდ უტევდა ხარაბაძე, რომლის დარტყმული ბურთი 82-ე წუთზე მეკარე პოპამ მოიგერია და თავისი გუნდი აშკარა გოლისგან გადაარჩინა.
უნდა ითქვას, საქართველოს ახალგაზრდულმა ნაკრებმა ორგანიზებულად ითამაშა და ურიგო შთაბეჭდილება არ დაუტოვებია.
რამაზ სვანაძის შეგირდებმა შემდეგი შემადგენლობით იასპარეზეს: მეგრელიშვილი, კაპანაძე (ინჯგია 86), გელაშვილი, კალანდაძე, ჯინჯოლავა, ხარაბაძე, მექვაბიშვილი, ნონიკაშვილი (გაგნიძე 63), გულიაშვილი (ლომთაძე 78), მოისწრაფიშვილი (გოჩოლეიშვილი 78), გაგუა
შეგახსენებთ, საქართველოს 21-წლამდელთა ნაკრები რუმინეთთან ერთად ევრო 2023-ის მასპინძელია და შესარჩევი ტურნირისგან თავისუფალია.
21-წლამდელთა ნაკრებმა ბუქარესტში მატჩისწინა ვარჯიში გამართა
![U21. ხარატიშვილის გმირობა - საქართველოს ნაკრებმა ხორვატიას ორი მატჩის ჯამში სძლია და ევროპის ჩემპიონატზე გავიდა [VIDEO]](/pictures/image7/0c77abf193cd30b7fece504832669849.jpg "U21. ხარატიშვილის გმირობა - საქართველოს ნაკრებმა ხორვატიას ორი მატჩის ჯამში სძლია და ევროპის ჩემპიონატზე გავიდა [VIDEO]")
![U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]](/pictures/image7/d403a374924a3c74aca8f014a165d481.jpg "U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]")
