Marca-მ მიზეზები ჩამოთვალა: რატომ დატოვებს გიორგი აბურჯანია "სევილიას"?

ესპანურმა "მარკამ" "ბარსელონასა" და "სევილიას" მეორე გუნდის ის ფეხბურთელები ჩამოთვალა, რომლებიც დიდი ალბათობით, თავიანთი გუნდის რიგებს დატოვებენ.

სამწუხაროდ, სიაში "დალაქთა" ქართველი ნახევარმცველი გიორგი აბურჯანიაც მოხვდა.

"მარკამ" ფეხბურთელთა შემადგენლობა ასაკის, გამოცდილების და მათ მიერ ნაჩვენები თამაშის ხარისხის მიხედვით შეადგინა.

სტატიაში გიორგი აბურჯანიას შესახებ ვკითხულობთ:

"თითქმის გამორიცხულია, აბურჯანია "სევილიას" პირველ გუნდში დააწინაურონ. ამიტომ ის გუნდს დატოვებს.

რა იქნება ამის მიზეზი? ის უკვე ისეთ ასაკშია (აბურჯანია 23 წლისაა) და იმხელა გამოცდილება აქვს მიღებული, რომ მისთვის მარტო მეორე გუნდში თამაში საკმარისი არ იქნება", - ნათქვამია სტატიაში.