"ჟირონა" ახალი სეზონისათვის მზადებას განაგრძობს და მორიგი სპარინგი გამართა - სტუმრად 0:1 დამარცხდა სეგუნდა დივიზიონის "რეუს დეპორტიუსთან". ქართველი ნახევარმცველი გიორგი ქოჩორაშვილი სასტარტო შემადგენლობაში იყო და 73-ე წუთზე შეცვალეს.
19 წლის გიორგი მწვრთნელმა ეუსებიო საკრისტანმა უკვე ზედიზედ 3 შეხვედრაში ათამაშა და ეტყობა, მასზე იმედებს ამყარებს.
ლა ლიგა 17 აგვისტოს აიღებს სტარტს. კატალონიური გუნდი პირველ ტურში "ვალიადოლიდს" მასპინძლობს, ხოლო მეორეში - "რეალს" და იმედია, ქოჩორაშვილს ამ შეხვედრებში თავის გამოჩენის საშუალება მიეცემა.