ქართული ფეხბურთი

ლეგიონერები

აკაკი გოგიამ სანტ პაულის გოლი გაუტანა და "უნიონს" მეორე ბუნდესლიგაში გალიდერებაში დაეხმარა

AutoSharing Option
გერმანიის მეორე ბუნდესლიგის მე-3 ტურში "უნიონმა" სახლში 4:1 დაამარცხა "სანტ პაული" და ამ მატჩში სტუმართა კარი 26 წლის ნახევარმცველმა აკაკი გოგიამ დალაშქრა.

ამ შეხვედრამდე "სანტ პაულის" ორივე თამაში მოგებული ჰქონდა და მატჩმა დიდი ინტერესი გამოიწვია - 22 012-იან სტადიონზე ანშლაგი იყო და "უნიონმა" არ გააწბილა თავისი ერთგული გულშემატკივრები.

გოგია ძირითად შემადგენლობაში იყო, ზედ შესვენებაზე გასვლის წინ ანგარიში 2:0 გახადა და 71-ე წუთზე შეცვალეს.

დედაქალაქური გუნდი 7 ქულით გალიდერდა და 2 სექტემბერს გასვლაზე "სანდჰაუზენს" ხვდება.

გოგია სტაბილურად თამაშობს სასტარტო შემადგენლობაში და
ბუნდესლიგის მიმდინარე გათამაშებაზე პირველი გოლი გაიტანა.

alt"კიკერის" ვერსიით, აკაკი გოგია II ბუნდესლიგის საუკეთესო ფეხბურთელია