ჯანო ანანიძის "კრილია" სოვეტოვმა თურქული შეკრება დაასრულა და მოსკოვში ჩაფრინდა, სადაც ხვალ რუსეთის ჩემპიონატის მე-18 ტურში "ლოკომოტივს" შეხვდება.
სამარული გუნდი 17 ქულით მე-13 ადგილზეა (1 მატჩით ნაკლები აქვს ჩატარებული) და პრემიერლიგაში ადგილის შესანარჩუნებლად იბრძვის.
ეს "კრილიაში" ანანიძის პირველი ოფიციალური თამაში იქნება, სადაც "სპარტაკიდანაა" განათხოვრებული.
"ლოკოში" ორი ქართველი ასპარეზობს: მცველი საბა კვირკველია და თავდამსხმელი ხვიჩა კვარაცხელია, რომელიც რკინიგზულ გუნდს იანვარში შეუერთდა.
მატჩი თბილისის დროით 17:30 საათზე დაიწყება.