ლეგიონის უქმეები: დვალი ჩემპიონობის მოლოდინში, ვოლკოვის გოლი, მჭედლიძის საგოლე, ჩაკვეტაძე ძირითადში [VIDEO]

გასული შაბათ-კვირა ქართველი ფეხბურთელებისთვის განსაკუთრებით წარმატებული არ ყოფილა, თუმცა ერთი გოლი მაინც გავიდა.

29 წლის თავდამსხმელმა ლევან მჭედლიძემ თავი სერია A-ში საგოლე გადაცემით გამოიჩინა, გიორგი ჩაკვეტაძე კი რამდენიმე თვის შემდეგ "გენტის" სასტარტოში დაბრუნდა.

იტალია

სერია A. 33-ე ტური. ლევან მჭედლიძემ მიმდინარე სეზონში პირველი საგოლე გადაცემა შეასრულა, მისი "ემპოლი" კი სპალ-თან 2:4 დამარცხდა. "ემპოლი" გასავარდნ ზონაშია და დარჩენილ ტურებში ქულების მოპოვება სჭირდება.

ქართველმა ფორვარდმა საგოლე გადაცემა 47-ე წუთზე შეასრულა, როდესაც ჰამედ ტრაორესთან გაითამაშა. მჭედლიძეს გატანაც შეეძლო, თუმცა

მისი შორეული დარტყმა კარს ასცდა.

გერმანია

II ბუნდესლიგა. 30-ე ტური. ბერლინის "უნიონმა", სადაც აკაკი გოგია ასპარეზობს, "ფიურტთან" 1:1 ითამაშა. ქართველი ფეხბურთელი თამაშში მეორე ტაიმის ბოლოს ჩაერთო. "უნიონი" მეოთხე ადგილზეა და ბუნდესლიგაში გადასვლისთვის იბრძვის.

ტრავმირებული გიორგი ლორიას გარეშე მოთამაშე "მაგდებურგი" კი "რეგენსბურგთან" მინიმალური ანგარიშით დამარცხდა - 0:1.

ესპანეთი

ლა ლიგა 2. 35-ე ტური. გიორგი აბურჯანიას "ლუგო" შინ "გრანადასთან" 1:2 დამარცხდა. ქართველი ფეხბურთელის გუნდი გასავარდნ ზონაშია და მე-18 ადგილზე მყოფ "ექსტრემადურას" 2 ქულით ჩამორჩება.

საფრანგეთი

ლიგა 2. 33-ე ტური. 83-ე წუთზე შევიდა მოედანზე ჯაბა ჯიღაური, რომლის "გრენობლიც" ლიგა 1-ში გადასვლისთვის მებრძოლ "ლანსთან" 0:2 დამარცხდა.

ნასიონალი. ამირან სანაია კი მომავალ წელს საფრანგეთის რანგით მეორე დივიზიონში იასპარეზებს. მისი კაპიტნობით "როდეზმა" "ბურჟ პერონას" 2:0 მოუგო.

ბელგია

იუპილერლიგა. საჩემპიონო ჯგუფი. მე-5 ტური. როგორც იქნა, ქულა მოიპოვა "გენტმა", რომელიც ბრიუსელში "ანდერლეხტს" ესტუმრა და ნულოვანი ფრე ეთამაშა. აღსანიშნავია, რომ გიორგი ჩაკვეტაძე ძირითად შემადგენლობაში იყო და 59-ე წუთზე შეცვალეს. ცნობილია, რომ ახალგაზრდა ქართველმა ფეხში დისკომფორტი იგრძნო, თუმცა ჯერჯერობით უცნობია, რამდენად მძიმეა მისი დაზიანება. გიორგი ქვილითაიას კი ბევრი დრო არ მისცემია, ის მოედანზე 92-ე წუთზე გამოვიდა.

პორტუგალია

პრიმიერა. 30-ე ტური. "ნასიონალი" 0:1 დამარცხდა "სპორტინგთან", მასპინძელთა შემადგენლობაში ერთი ქართველი ძირითად შემადგენლობაში იყო, მეორე კი განაცხადშიც არ ყოფილა. ავთო ებრალიძე 65-ე წუთზე შეცვალეს, გიორგი არაბიძე კი რამდენიმე მატჩია აღარ ჩანს. "ნასიონალი" ლიგაში დარჩენისთვის იბრძვის.

გიორგი მაკარიძემ კი კარგი მატჩი ჩაატარა "პორტიმონენსესთან", რომელთანაც მისმა "სეტუბალმა" 1:1 ითამაშა. ქართველმა მეკარემ 4 სეივი განახორციელა და გოლი მატჩის ბოლოს გაუშვა.

რუსეთი

პრემიერ ლიგა. 24-ე ტური. ჯანო ანანიძის "კრილია სოვეტოვი" მოსკოვის "დინამოსთან" 0:1 დამარცხდა. ქართველი ნახევარმცველი 75-ე წუთზე შეცვალეს.

90 წუთი გაატარა მოედანზე საბა კვირველიამ, მისი "ლოკომოტივი" კი ცსკა-ს დაუზავდა - 1:1. ხვიჩა კვარაცხელია სათადარიგოთა შორის იყო.

sports.ru: "ლოკომოტივი" ულამაზესი სეივებით "მეკარე" საბა კვირკველიამ გადაარჩინა

matchtv.ru: საბა კვირკველიას "ლოკომოტივის" დატოვება 3.6 მლნ ევროდ შეუძლია

გია გრიგალავამ ("არსენალი") სრული მატჩი ჩაატარა "უფასთან" მოგებულ შეხვედრაში. მეტოქის რიგებში კი ტრავმირებულ ჯიმი ტაბიძეს არ უთამაშია.

შვეიცარია

სუპერლიგა. 30-ე ტური. ხანგრძლივი პაუზის შემდეგ მოედანს დაუბრუნა ოთარ კაკაბაძე, რომლის "ლუცერნმაც" "სენტ გალენს" 2:1 სძლია. ქართველი მარჯვენა მცველი მოედანზე 94-ე წუთზე გამოჩნდა.

ლევან ხარაბაძის "ციურიხი" კი "ლუგანოსთან" დამარცხდა - 0:3. ქართველმა ფეხბურთელმა სრული მატჩი ჩაატარა.

დანია

სუპერლიგა. 30-ე ტური. 87 წუთი გაატარა საბა ლობჟანიძემ "ჰობროსთან" მოგებულ შეხვედრაში (1:0). მისი "რანდერსი" დანიის ჩემპიონატის გასავარდნი ზონის მეორე ჯგუფს ლიდერობს.

ავსტრია

ბუნდესლიგა. 26-ე ტური. ნახევარი საათი გაატარა მოედანზე ოთარ კიტეიშვილმა, რომლის "შტურმიც" "ვოლფსბერგერთან" 1:2 დამარცხდა.

უნგრეთი

OTP ლიგა. 29-ე ტური. ლაშა დვალი თითქმის უნგრეთის ჩემპიონია. მისმა "ფერენცვაროშმა" უშუალო მეტოქე "მოლ ვიდი" 4:1 დაამარცხა და ჩემპიონობამდე 2 ქულა აშორებს.

61 წუთი გაატარა მოედანზე ბაჩანა არაბულმა, რომლის "პუშკაშ აკადემიამ" "მეზოკოვეშდი" 1:0 დაამარცხა.

1:2 დამარცხდა "ჰალადაში" "დებრეცენთან". დამარცხებულთა რიგებში 90 წუთი ითამაშა ბუბა დაუშვილმა, რომლის წესების დარღვევის გამოც "ჰალადაშის" კარში პენალტი დაინიშნა.

უგოლო ფრით დასრულდა "უიპეშტისა" და "ჰონვედის" შეხვედრა. მასპინძელთა რიგებში 81 წუთი ითამაშა გიორგი ბერიძემ.

საბერძნეთი

სუპერლიგა. 29-ე ტური. გიორგი რეხვიაშვილის "ლევიადიკოსი" ლიდერ პაოკ-თან განადგურდა (0:5) და საბერძნეთის ელიტარულ დივიზიონს დაემშვიდობა. ლაშა შერგელაშვილის "იანინა" კი "პანიონისთან" ანგარიშით 1:2 დამარცხდა. ქართველმა მცველმა სრული მატჩი ჩაატარა.

სლოვაკეთი

ფორტუნა ლიგა. საჩემპიონო ჯგუფი. მე-5 ტური. ლუკა ლოჩოშვილის "ჟილინა" სახლში 1:2 დამარცხდა "სერედთან". ქართველმა მცველმა შეუცვლელად იასპარეზა.

ხორვატია

NNL. 30-ე ტური. 90 წუთი გაატარა მოედანზე გიორგი მჭედლიშვილმა, რომლის "გორიცამაც" "ზაპრეშიჩთან" ფრედ ითამაშა - 2:2.

კვიპროსი

I დივიზიონი. 29-ე ტური. კვიპროსში ერთმანეთს ქართველების კლუბები დაუპირისპირდნენ და დაზავდნენ - 2:2. "პარალიმნის" რიგებში 90 წუთი გაატარა ირაკლი მაისურაძემ, "ანორთოსისის" რიგებში კი 67-ე წუთზე გამოჩნდა ბექა მიქელთაძე. ნიკა კაჭარავას არ უთამაშია.

ლუქსემბურგი

ნასიონალი. 21-ე ტური. "ჟენეს ეშის" ძირითად შემადგენლობაში ითამაშა ლაზარე კუპატაძემ "უნია შტრასენსთან" ფრედ (1:1) დასრულებულ მატჩში.

ლევან ყენია სასტარტო შემადგენლობაში იყო და პირველივე ტაიმში შეცვალეს. მისმა "დუდელანჟმა" "ნიედერკონი" 2:0 დაამარცხდა.

აზერბაიჯანი

პრემიერლიგა. 25-ე ტური. ზედიზედ მეორე მატჩში გაიტანა დავით ვოლკოვმა, რომელმაც ამჯერად "ზირას" გაუტანა. მისმა "გაბალამ" მოიგო (2:1) და მე-4 ადგილს იკავებს.

ყაზახეთი

პრემიერლიგა. მე-6 ტური. წაუგებელ სერიას აგრძელებს ქართველების "ტობოლი", რომელმაც "ჟეტისუსთან" ნულოვანი ფრე ითამაშა. ნიკა კვეკვესკირმა და ჯაბა კანკავამ სრული მატჩი ჩაატარეს.

ლაშა კასრაძის და ელგუჯა ლობჯანიძის "თარაზი" შახტიორთან" 1:2 დამარცხდა. ლობჯანიძემ შეუცვლელად იასპარეზა, კასრაძეს არ უთამაშია.

აშშ

MLS. მე-8 ტური. ქართველების "სან ხოსემ" "კანზას სიტი" 4:1 გაანადგურა. გურამ კაშია ტრავმირებულია და განაცხადში არ ყოფილა, ვაკო ყაზაიშვილს კი სათამაშო დრო არ მიეცა.

ლეგიონერები

ლეგიონის უქმეები: დვალი ჩემპიონობის მოლოდინში, ვოლკოვის გოლი, მჭედლიძის საგოლე, ჩაკვეტაძე ძირითადში [VIDEO]